Solsoeurs

In dieser Folge hat Charlotte Freude an geilem Essen, Marlene an einer glatten Klebefolie. Welche kleinen Freuden im Alltag machen dich glücklich? Ausserdem: die Beiss-Geschichte geht in die nächste Runde und wir finden raus, ob wir Social-Media süchtig sind. Welches Rätsel wir aber nicht gelöst haben: Woher kam dieser blauer Glitzer?!?!

Mi chönnt meine d'Marlene und d'Charlotte gseh nanger nümme – und drum isch scho lang kei nöii Foug meh usecho. Drbi ischs komplette Gägeteil dr Fau.

Was die beide ufregt (ABARTIG!), nostalgisch macht, zum Lache brocht het und no ganz vüu angeri Gschichte usem Autag ghöretdr ir Foug wo nid heisst machets guet sonder machet öppis guets.

Obwouh scho Summer isch ligge Früehlingsgfüeuh ir Luft. 💕Aber natürlech gits ou die übleche Autags-Stories – vo Höigümper bis zu Rueheruum Störige und dasmou no aus i-tüpfeli obedruff: Weisheite vo üsem Grossvater.

Mir wärde aut! Wiso? Ghöretdr ir Foug Nr. 80 (?!?!). Und: Berüehmt wärdemr ou. Oder besser gseit üsi Hüser.

D'Marlene ellei lo Zugfahre? Ds chunnt eidütig nid guet use. Und d'Rona bim Büro-Spaziergang vor Leine loh? Ou nid sone gueti Idee.

Hallo ellei! Wiso dass d'Marlene imne Arzt-Wartezimmer Restaurant-Vibes het gspürt und wie dass d'Charlotte zmitz ire Gruppe französischsprächende Jungs isch glandet – das ghöretdr ir nöiischte Foug. Wie immer chrüz und quer Gschichtene vom Autag. Und wär cha üs säge wie das Surri-Teil richtig heisst?

Wär isch do i wän verliebt? Und was het umboue mit dr Pubertät ztüe? Und wisooo zur Höu tropft jetzt d'Marlene genau usem Muu bim gähne? Die Antworte und no vüüüüüu meh gits ir nöiie Foug vo Solsoeurs, vom nigunagunöiie Podcast-Egge.

Vougässe nachem Osterbrunch gits die erschti Foug us dr nöiie Wohnig vor Charlotte. Dir erfahret nid nume, wie das ganze zügle isch gange – inkl. vorübergehender Bleibe bir Marlene – sondern ou, was Bummsinchen drmit ztüe hei. Und isches eich normau, usem Muu ztropfe bim gähne?

Dasmou het d'Charlotte ihres erschte Mou diräkt zmitz im Gsicht. (?!?) Und ou süsch - heieiei - für einisch ischs mou nid «längwilig» gsi die letschte Wuchene. Und ou d'Marlene het Gschichtene uf Lager: Vo gruselig bis zu ultra härzig. We're baaaaack!

Ändlech chöimr mou vore guete Tat verzöue! Und ganz vüu witeri ersti Mou. Mir chönnte fasch säge, das isch e churzi und knackigi Foug. Frogwürdig isch nur s'Wort «knackig» – villech het das jo mitemne erschte Mou vor Charlotte ztue …