The Quranic chapter 32 translated into the soninke language soninkanxanne seeranpo version 2 Ñaagaye
1. A, L,M.
2. Hidiran baŋayen sika ganta ke be ŋa nan bogu khanin kaman maxa.
3. Ma yaala I wa a tiini,” a da a fiidundabari “! Billa , toŋun ya ni nan bogu axa kaman maxa, kuudo an nan katta nan soron goŋo ku beenun xayinten yogon ma ñi ga xayi katta I ya an kaanen a me wa a di I wa riini kanda.
4. Iyo kamanen ya ni ke be ga da kanxottun do ñiiñen taga a do fo su ga I do me naxa biton tunmi noxon ken palle a da I du taaxundi taaxaaden ya kanma. Taŋandaanan fo su nta axa maxa ma xanjondaanan a falle; keeta yaala xakun nta riini sinbandi ya ba?
5. A wo finun yaaxon bagandini nan bogu kanxotten ŋa katta ñiiñen ŋa; ken palle a wa riini sege katta a yi koota ŋa, ke be gilloyen ni siino wujine Xa jaateyun ŋa.
6. Ken ya ni pomuxunten tuwaanan yi a do maxawallaanan , tiigante senbe ŋa, Hinaanan,
7. Ke be ga da fosu tinmandi a ga da finun beenun taga a do nan seren tegeyen jopa nan bogu ginnen ya di
8. Ken palle na a pallandunkon dabari nan bogu jiyinta xoninten ya di.
9. Ken palle a da a kanma gemundi a do nan neegundi a yi nan bogu I yonki ŋa a do nan muguyen dabari axa da a do ŋariyen a do sondomon; xa fiisirintuwaanon nan roxo.
10. A do I wa a tiini,” bire be o ga nan sanku ñiiñen noxon, yaala o katta ñaana tagenpon kurunba yi ba?” billa , saxinbellon ya ni I ya gemundiyen ŋa ti I kaman yi fin kanma.
11. A ko,” kallen widan wa riini axa wutu ke be ga saxiro ti axa yi. Ken palle katta axa kaman yi xa wa riini fallansaage.”
12. Selli an ga nan ñi katta nan warindi bire be fiiburunñaŋaanon Ga nan ñi I yinmun joŋini I kaman kaanen , “ o kaman , o warindi a do o mugindi, keeta o saagandi; o wa riini Teleŋontaaxu dabari . Toŋun, o saxu saasa.”
13. A do selli o ga nan ñi ga da a xanu , o ra ñi yonki su kandeyen kinini a yi , nxa sefetan nan bogu inke maxa wa riini tinmandi,” sika nta a di in wa riini boneyenka paxa ti matanun do soron yi I su doomen.
14. Keeta xa temundi baawo xa ñi ga muŋu do ken gemundiyen ŋa axa koota; toŋun, o xana muŋu do axa yi. A do xa da duumintaaxun yaŋoyen temundi axa demun ñaŋollun maxa .”
15. Soron saxunton wa o digantalun ŋa , ku beenun bire be I ga nan sinbandi ti I ya, I wo xenundini teŋiyen ŋa a do nan tiigandi ti I kaman tiigeyen ya yi, a do yaadanton petti I ya.
16. I wo girindini bakka barun ŋa; I wa I kaman xanjono kanuyen ŋa a do I wo jomun muurini I maxa , a do nan bogu o ga da I fenda ti finun beenun yi I wo Kuyindini.
17. A do yonki su nta a tu fo be ga mukkundi I ya yaaxan maxawasayen ŋa xoyi tugaaden I ñaŋollun da.
18. Keeta baanen ke be ga ñi saxunte yi yaala I do baanen ke be ga ñi kutaanan yaadanten yi nan xawa ya ba? Ayi po baanen petti I ya.
19. Ke be ga ni soron yi ku beenun ga saxu a do nan ñaŋollun sirun ña, wasandi naaxoonun wa riini ñaŋi I da xoyi tugaaden I ga ñi demu nan gollun beenun ña.
20. Nxa ke be ga ni soron yi ku beenun ga kutandi ti yaadantaaxu, I dagara ni yinben ya yi. Bire su I ga na a lamuuru nan bogu a noxon , I wa riini saagandi a noxon ŋa nan toxo a ga ko I da,” xa da yinben yaŋoyen temu xa ga ñi demu nan finun beenun lagaara.”
21. A do sika nta a di o wa riini I toxo nan yaŋoyen tinten temu saado yaŋoyen poderen liyen kuudo a me wa a di I wa riini I durasaaga.
22. A do ko ni millen yi diinanta baanen yogon ŋa ke be ga nan sinbandi I Kaman digantalun ŋa; ken palle a wa I du laatondini bakka I ya? Toŋun o wa riini golliburunñaŋaanon yaŋo.
23. A do toŋun o ñi ga da Hidiran kiini Keesi ŋa, keeta xa maxa ña sikayen ŋa a gemeyen kanma. A do o da Seeranta ña kandeyenpo yi saaxoran lenmon da.
24. A do O da yinmankon sugandi I naxa ku beenun ga ñi kandandini ti o duŋeyen ya yi bire be I ga ñi muñunton a do I ñi ga saxu o taagumansun ŋa.
25. Toŋun, an kaman wa riini kiiti I do me naxa wundiyen koota I ga ñi demu nan me sooxi fo be kanma .
26. Yaala a ma fiiduxurandi I da ya ba soron manime ya ni o ga da I guruja I kaanen, I wo terene I foderanun
