Met de höttige Folg god euse Podcast z änd. Mer hend öber so vell verschedeni Sache gredet, mer chas gar ned imene Text zäme fasse. 

Ganz vell schnelli Froge und Sache wo mer bes jetzt noni dröber gredet hend oder au paar wenigi Sache wo mer nomol mönd bespreche. 

Danke förs zuelose und de support. 

Höt rede mer im Podcast dröber, ab wenn mer es Handy gha hend und wa mer guet oder schlächt dra fendet. Ähnlich thematisiert hemmer s Thema Smarthome. Esches nötig oder eifach eher es Spielzüüg, was fendet er? 

Zum Abschluss hemmer no drüber gredet, was mer devo halted en Bucketlist zha und wenn, was im Moment so druffe esch. Was esch uf dinere Bucketlist? De Züriizoo, oder vellecht doch eher einisch go Skydive? 

Danke förs ielose, 

Tschüüüüüsiii

Höt redemer im Podcast öber drü sehr verschedeni Themene. Vo zimlich ernshte Theme we was eusi Meinig esch zu de aktuelle Alkoholbegränzige bem Autofahre, aso för Neulenkendi 0.0 Promille und nochhere 0.5 Promille. Hed de Podcast gändet demet, dass mer dröber gredet hend, öb mer bem schlafe Socke ah hend oder ned. 

S Thema wo mer zwösche dene beidne besproche hend esch gseh, ob s Militär för Fraue au sel Pflicht werde oder ned. Esch das de nöchscht Schritt zur Glichberechtigung oder doch ned? 

Danke förs ielose. 

Liebe Grütze, Kuss auf die Mütze 

Wel im Moment die ganz Welt öber d Fuessball WM redet, möchemer das höt ih eusem Podcast au chli. Drom hemmer denkt, möchemer es Sport Special. Alli drü Themene vo höt send underem Motto: Sport. Zerscht disskutiere mer d Sportarte wo mer gern mol wörded usprobiere oder au gern besser wörded chönne. Denn rede mer no dröber, öb mer fendet, dass E-Sport sett olympisch werde oder ned. Was denksch du? esch E-Sport werkli en Sport oder zählt das för dech ned? 

Denn we atönt, rede mer zum abschluss au no chorz öber d Fuessball WM und was eusi Meinig zu dem ganze Zirkus isch. 

Danke förs lose. 

Tschau du Pfau 

Sorry Aber.... hesch der scho mol öberleid, was dis Lieblingschochigrät esch ? oder was esch s onnötigschte Chochigrät us dinere sicht?

We emmer Danke fürs ielose. 

San Frantschüssco 

Die Folg rede mer öber was mer die beschte und schlächtischte Wärbegschänk findet. Besch du Fan vo so Goody Bags oder gönds der chli uf d nerve? Oder hesch scho mol en Wettbewerb gwonne wo mega cool gfonde hesch ? 

Backflip, chli Lüge und öpe en ZK das send alles Partytricks wo be eus zum Thema worde send. Was esch din Partytrick? Chasch au en Backflip we de Luca wo öpe mol vörenimsch? 

Als letschts hemmer no dröber gredet, wer de Musiker oder d Musikerin wär wo mer wörded lose, wenn mer nome no öperem chönted zuelose. Weles Lied wördsch lose, wenn för alli Läbenssituatione nor no eis chöntisch? Losing it vo Fisher oder eher chli öpis gmüetlichers? 

Danke förs ielose bes nöchscht woche.

Sorry Aber... 

Besch du es Migros oder es Coop chind? mit dere Frog semmer ih die 4. Folg gstartet. För einisch esch d Diskusion gar ned mol so hitzig gseh we vielleicht z erwarte wär. Deför esch sie bim Thema Huustier umso kontroverser worde. Hätsch du lieber en Hund oder en Chatz oder fensch Huustier allgemein richtig blöd? Schribs eus. 

Zum Abschluss hemmer no dröber gredet, wa eusi Lieblingsplätz ih de Schwiiz send und wieso. Schlossfolgerig, eusi Lieblingsplätz wo mer am liebschte hend, fende mer schön well mer sie schön fendet. Cheggsch ned? de losisch am beschte de ganz Podcast. 

Bes zum nöchschte. Ciao Kakao 

Sorry Aber... 

We vell Trinkgeld gäbed er so? Öber das rede mer ih dere Folg. Muss de Service speziell guet si? oder ged mer eifach emmer chli öpis us Astand? 

Denn hemmer au no öbre verschedeni Brüch gredet und au öber Halloween und öb mer das guet fendet, wenn mer au Bruchtümer vo anderne Kulture öbernehmed. Wa haltisch du vo Halloween, Babyshowers und Co. ? Abschliessend hend mer de no öber die neui Social Media Plattform BeReal gschwäzt und wa mer so devo halted. Besch au uf bereal oder fendsch voll öberflössig, dases no en Plattform ged? Let us know i eusne Insta DM's.

Danke förs ielose, bes zum nöchschte mol. 

Tschau du Pfau.

Sorry Aber... 

Wer redet do eigentlich ame? Höt stellemer eus 3 vor, dass au alli eus 3 könned und ned nor öper vo eus drü we die meischte Hörer*inne. 

Falls er glich no froge hend, wer mer send und wie, wo, was, döfeder eus jedeziit id DM's slide. 

Danke förs ielose, bis bald im Wald. 

Sorry Aber... 

Hesch du as Chind au en Traumjob gha, wo komplett öpis anders esch as jetzt machsch? 

Ih der Folg reded mer öber genau das. Vo Baggerfahrer, Architekt bes zu Polizischtin und no vell meh, hend mer as Chind welle si. Mer redet au öber eusi Essgwohnheite und die vo eusere Familiene. Wa dud euchi Familie zum Bispiel so ufs Raclet? Ond essed ehr euches Nutella Brot met oder ohni Butter? Als letschts schwätze mer de no dröber, was mer gärn as Job wörded mache, wenn mer eifach ergendöpis chönted erfinde zum deför zahlt werde oder ergend en Job wos ih dem Sinn no gar ned ged. 

We emmer vell spass bem lose und Tschö mit ö.