Spezewirtschaft is wida komplett, endlich sama alle 3 wida fit und weihnachtlich sama a! Heid gehts in de vorletzte Folge in Staffel 1 und zwar um unser Zeit nach da Schui. Wos hod da Birger eigentlich glernt und warum zur Hölle wars mehr Dusl als Verstand, dass des wos woan is? Warum hodn Kane sei Lehrer gern moi Zipfed? Und hod da Flo an Göttl zamghaud? Des und no vui mehra Bledsinn schau ma uns in da heidign Folge o!

Heid moi wos ganz anders! Da Birger und da Flo ham se üba die Fussball Weltmeisterschaft in Katar unterhalten. Perfekter Zeitpunkt, weil desmoi leider da Kane ned dabei is. Ausserm griang ma no an gloana Einblick in Flo sei Schulzeit, waruma im Prinzip 2 moi sitzn blim is weila letzts moi ned dabei war. De Folge hod auf alle Fälle 800% Zusatz-Diversity... und mehra gibts scho goaned zum song.

Hod da Birger jemois an Verweis griagt? Und wenn ned, warum? Is da Kane moi sitzn blim? Wie um gottes Willen hod irgendwer von dene damois an Abschluss gschafft? Warum hod da Birger 2 moi an Quali ned gschafft? Wieso hod uns niemand gsogt, dass da Hauwirtschaftszweig da beste gwen wadd? Und warum is da Flo 2 Wochan grang gschrim? Des und no vui mehr Bledsinn erfahrts in da heidign Folge zu Erinnerungen an Haup und Realschulzeit!

Eines der wichtigsten Themen in jedermanns Leben von uns. Kindergarten und Schule! Warum steht im Birger seim Zeugnis er konnt es nicht lassen anderen Kindern etwas anzutun? Warum war da Flo in zwei Kindergärten und hod a Bällebad kapt? Wos is im Kane seiner Schultüte? Und wos zur Hölle steht in de Hausaufgabenhefte von 1999? Eine wunderschöne, nostalgische Reise mit Geschichten aus da Vergangenheit als die Welt no um einiges einfacher war.

Heid hama a gloane "Addon"-Folge zum letzten Thema Spielzeug. Wer warn an Birger seine Helden der Kindheit? Wos war an Flo sei Lieblings-Zeichentrick? Und wos moand da Kane, wos fia a Serie de beste Intromusik aller Zeiten hod? Im heidign Expertengespräch erkund ma Zeichentricks und Animes aus unserer Kindheit.

Heid find ma raus, warum mia oidn Lappen ned so oft krank wern und wos des mit Kaugummi automaten zum doa hod. Warum hod da Flo immer Leckmuscheln griagt? Warum hasst da Kane sämtliche XXL Versionen von irgendwelche Süßigkeiten? Warum schmeckt da Center Shock Kaugummi nach Uranstab? Und wieso bist da im Freibad mit 2 Mark vorkema als dadst glei de ganze Guadlpalettn in da Thekn kauffa. Ein nostalgisches Expertengespräch über Süßigkeiten von früher und heute, wia imma!

Wos is am Birger seina Spiele Sucht schuid? Hod da Flo übahaupt Spuizeig kapt? Warum hod da Kane an Sammelwahn? Wos is unser Lieblingsspielzeug an des ma uns am liabstn zurückerinnern? In unserm Expertengespräch üba Spielzeug aus da Kindheit find ma raus an wos ma uns alles erinnern. Von Actionfiguren wia HE-Man, Star Wars und Turtles zu de ersten digitalen Dinge von Nintendo bis zu de Klassiker der 90er as Tamagochi, Furby und diverse Brettspiele! Ach ja und Lego.. und Playmobil.. und PlayDoh Knete... es nimmt kein Ende!

Haustiere... ohne uns ned lebensfähig, verteilns eanan Pelz in deiner Bude damit du imma sche wos zum doa host und als Dank woins 3x am Dog wos zum fressn, gassi geh und eine ausse eine ausse eine ausse. Wos des ganze Thema aber mit Dänemark, Delfinen und roten Raketen zum doa hod erfahr ma in da heidign Expertenfolge. Des wichtigste aber zum Schluss... hier könnte Ihre Werbung stehen, wennst koa so a gniggada Huan waddst!

Warum is Rock im Park a Drecksfestival. Warum machans unsere Nachbarn in Österreich besser. Warum muas ma se entscheiden ob ma a Revolution auf Teile ozettelt oda doch einfach am Zeltblotz in da Leddn bleim. Und vor allem warum ma in Wallersdorf in da Undahosn in Penny geh kann, ohne dass jemand frogt, find ma in da heidign Folge raus. Und wia imma guidt... Hier könnte Ihre Werbung stehen, wennst koa so a gniggada Huan waddst!

Wos hod ma denn früher do wia ma no koa Internet kapt ham? Hod da Birger gschleidad gegen Langeweile? Hod da Kane damois Lager baut? Hod da Flo überhaupt a Kindheit kapt? Und vor allem wos Freiluftwichsen mid Gurken, Telefonzellen und Keksen zum doa hod, werma aufklären in einem nostalgischen Expertengespräch über frühere Zeiten. Und niamois vagessn... do kannt dei Werbung steh, wennst koa so a gniggada Huan waddst!