Een van die mees verrassende ontwakings - dink ek - vir die volgelinge van Jesus, was die besef dat die prentjies wat Jesus skets van God se ideale wêreld - sy koninkryk - nie net 'n toekomstige realiteit is nie, maar een is wat nou reeds kan ervaar. Pieter het daarop uitgebrei verlede week toe Hy Jesus se stelling - Ek is die opstanding en die lewe - vir ons uitgelê het. Dis nie 'n lewe hierna nie; dis 'n soort lewe hier en nou. God se koninkryk is nie net op pad nie; dit het ook gerealiseer.

Ons volg steeds die padtekens/rigtingwysers van Jesus se "Ek is" stellings in die Johannes-evangelie. Vandag maak ons die ontdekking dat God lewe is en hoe God lewe is.

‘Jesus se Ek-is uitsprake is so bietjie soos padtekens wat die rigting wys na God. Mens kry
vir die eerste keer regtig met 'n verskeidenheid van padtekens te doen wanneer jy leer vir
daai gevreesde eksamen vir jou leerlinglisensie. Dis wanneer jy nuwe padtekens ontdek.
Hul betekenis is nie dubbelsinnig nie, nie oop vir interpretasie of debat nie….hulle maak wel eers sin wanneer jy begin bestuur - wanneer jy hulle teekom in die verkeer en dan die betekenis van die padteken moet toepas.’ - André

Wanneer Jesus in Matt 6 sê "As die lig in jou donker is, hoe donker moet dit dan nie wees nie!" is dit 'n waarskuwing dat die lig wat ons beet het dalk donker kan wees. Kom ontdek vandag saam met ons die dat God as die lig anders is en kom dans dan soos hierdie plante in die Lig.

Dis my Vader wat my daaglikse, fisiese brood aan my besorg. Elke bord kos. My werk-brood kom van Hom af; en my mens-brood; my familie-brood; my gesinsbrood. Wanneer ek met vriende om 'n vuur sit - dis 'n geskenk van God. Wanneer ek gesond is - dis genadebrood. Om te glo dat God met dit als te doen het is 'n lens.

Alle aardse dinge - werk, besittings, rykdom, sisteme - staan in diens van die lewe. Gee dit lewe...
Die aardse ís belangrik, matter matters, veral hoe ons met die matter leef.

SAAM is die landskap waarbinne ons leer en leef, en dit is waar ons God se Gees teëkom en ervaar. Al die woorde wat gebruik word om die vrug van die Gees te beskryf is verhoudingswoorde:

Teks: Galasiërs 5
Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing.

Hierdie verhoudings-realiteit strek oor alle dimensies van ons bestaan. Dit lei ons na ’n lewe in verhouding met die natuur, die oomblik, die persoon, die gebed, die gemeente.

God het mens geword in Jesus en Homself op hierdie wyse herkenbaar kom maak. Ons hoef nie meer te wonder hoe Hy is nie; ons het nie en of ander oefening in verbeelding nodig om te verstaan wat sy boodskap beteken nie - ons kan maar net vir Jesus dophou.

Stel jou voor daar was drones in Jesus se tyd, en jy besluit om 'n dokumentêr oor Jesus te maak, en daarom volg jy Hom met 'n drone oral waar hy gaan. Jy gaan nie naby genoeg kom om te hoor wat hy sê nie; maar jy kan op 'n kort afstand naby genoeg kom om te sien wat hy doen.

Wat is dit wat jy Jesus sien doen?
En wat ontdek jy van Hom uit sy optrede?

"Ek is saam met Christus gekruisig, en nou is dit nie meer ek (ego) wat lewe nie, maar Christus wat in my lewe."

- Galasiërs 2:19

“This imperative means rather that one should make the kingdom the center of one’s existence and thus experience the rule of God fully in one’s heart, hence the present tense, keep seeking.” - Donald Hagner