Style me Over

من اهم الحاجات اللي بترفع المناعة او تهدها خالص التغذية !!! سوء التغذية بيسبب كوارث احنا في غنى عنها، لكن التغذية الصحية سهلة جدا وفي متناول الأيدي وتخلي مناعتنا في السما ودي اهم خط دفاع للوباء الحالي .. حلقة مميزة جدا مع متخصصة التغذية الصحية Hend Thabet والبراند بتاعها Go healthy

القهوة عشق لا ينتهي عند أغلبنا، يومنا مش بينظبط الا بيها، ريحتها حكاية مرتبطة بذكريات كتيرة عندنا... ازاي نشربها صح ؟! وايه الأسرار اللي وراها ...

كل دا ح تعرفوه مع عاشقة القهوة صاحبة براند قهوتك معى #دعاء_العادلي، اللي عملت بن وكوكيز بالقهوة وكتاب فيه معلومات قيمة عنها.

نظافتنا الشخصية مهمة جدا جدا، واهميتها زادت وقت الكورونا، ومن الحاجات اللي بتساعد في المناعة بردو !

ما بالكم بقى لما تكون الحاجات المستخدمة من مواد طبيعية نقية تماما 😍، المناعة ح تبقى الضعف وأأمن بكتييييير ...

ضيفتي في ثاني حلقات البود كاست دكتورة أسنان قررت تعمل صابون طبيعي بجودة عالمية,ضيفتي الجميلة هي دكتورة / إيمان الجمل صاحبة براند Emy's - Handmade Soap

في وقت الحجر الصحي في حاجات اتلخبطت في عادتنا، وممكن تاثر على مناعتنا وتضعفها ودي حاجة احنا مش عايزينها تحصلنا وخصوصا في وجود الكورونا، ومن اخطر الحاجات الي بتأثر في مناعتنا النوم ؟؟!!!!

ايه النوم !!! آه النوم ... لو طريقة نومنا غير صحيحة مناعتنا بتضعف وحاجات أخرى بتتأثر ،

معلومات ممكن تكون اول مرة تسمعوها معانا ومع نهى ايهاب اول sleeping coach في مصر @Noha Ehab - Wellbeing Coach - Sleep, Workout, Nutrition، في أولى حلقات الموسم الأول في اول بودكاست عربي بيتكلم عن الستايلينج والجمال والألوان والايف ستايل Style me Over podcast

جالي استفسارات منكم عن تخصصي، وانكم عايزين تعرفوا انا مين وايه هي خبراتي، فخليت الحلقة دي عبارة بطاقة تعارف بيني وبينكم بناءا على طلبكم في ١٥ دقيقة، وبعتذر للإطالة

  اول بودكاست عربي يتكلم عن الستايلبنج والصورة الذاتية، الحلقة دي عبارة عن تعريف بالبودكاست وايه اللي ح يتم نقاشه فيه ، ومهم لمبن يسمعه، تقدمه خبيرة المظهر والألوان والإتيكيت / ريهام عصام، معتمدة من عدة جهات وعضوة في رابطتين متخصصتان للمظهر الخارجي احداهما في ايطاليا والاخري بجنوب افريقيا