Sunnudagsmorgunn með Jóni Ólafssyni

Umsjónarmaður tók með sér vinyl að heiman og var hún valin blindandi. Fyrir valinu varð breiðskífa vestfirsku sveitarinnar BG og Ingibjörg frá árinu 1976 sem heitir Sólskinsdagur. Þess utan var eitt og annað á boðstólum. Má þar nefna Helga P, Motors, Múgsefjun og Védísi Hervöru sem dæmi.

Lengjum í gleðinni kallast óbrigðult sparnaðarráð sem stjórnandi þáttarins deildi með hlustendum. Tom Waits fékk hellings tíma í þættinum og kominn tími til! Annars var þetta bara hefðbundið á flestan máta með fjölbreyttri tónlist og m.a.s. heyrðist lag frá Finnlandi.

Lag Ingibjargar Þorbergs um páskaeggið fékk að hljóma fjórum sinnum í þessum 3ja tíma þætti sem þótti viðeigandi í tilefni dagsins! Fyrsti klukkutíminn var tileinkaður tónlist Gunnars Þórðarsonar en heimildaþættir um feril hans eru á dagskrá RUV. Svo fékk Þórir Baldursson viðeigandi afmæliskveðju auk þess sem hellingur af skemmtilegri tónlist fékk að óma, ekki síst íslensk.

Erlend tónlist skipar stærstan hluta þessa þáttar en einstaka íslenskt lag slæddist með. Þar má nefna Guðrúnu Gunnars, Sálina og Pikknikk. Af erlendum listamönnum mætti nefna Whitney, Ruthie Foster og Feist sem dæmi.

Heill hellingur af góðri músík var leikinn í þættinum sem var að þessi sinni alveg fram að hádegisfréttum. Eldgosavaktin kallaði. Meðal þeirra sem hlutu náð fyrir eyrum umsjónarmanns voru Karl heitinn Wallinger, Cornershop, Geislar og systurnar Pointers.

Tónlistarmaðurinn Björgvin Gíslason, féll frá þann 5.mars s.l., og var síðari hluti þáttarins fyrir vikið helgaður honum og hans tónlist. Fyrir utan tónlist af sólóplötum hans og með hljómsveitum eins og Náttúru var leikin upptaka frá tónleikum í Laugardalshöll í sept. 1976 þar sem hann lék með hljómsveitinni Paradís. Annað efni í þættinum var úr ýmsum áttum sem fyrr en Íslendingar voru í stórum meirihluta flytjenda.

Umsjónarmaður malaði í hófi milli laga sem komu úr öllum áttum; þó nær eingöngu úr hinum vestræna heimi. Molly Drake var aðeins kynnt til sögunnar en þessi listakona söng og spilaði á píanó fyrir hlustendur. Hún er móðir Nick Drake og augljós skyldleiki með þeim á tónlistarsviðinu líka. Árið 1994 sendi hljómsveitin Unun frá sér plötun Æ og útgáfa hennar var rifjuð eilítið.

Þriðja hljómplata Alanis Morrisette var tekin til umfjöllunar en söngleikur með tónlistinni var frumsýndur í Borgarleikhúsinu um helgina. Platan kallast Jagged Little Pill. Frumburður rokksveitarinnar íslensku, Start, var einnig í brennidepli. Meðal annarra sem komu við sögu má nefna Kate Bush, Elínu Hall, Mrs.Miller, George Harrison og Geirfuglana.

Farið um hvipp og hvapp í músík og masi. Fyrsta plata Men At Work, Business As Usual, var tekin til kostanna og við kynntum fjöllistamanninum Páli Ivan frá Eiðum sem málar og músíserar í bland. Einnig komu við sögu fólk eins og Aretha Franklin, Ásta, Gus Gus og Ásgeir Trausti svo fáein dæmi séu nefnd.

Tónlistin var fjölbreytt en meðal annars heyrðum við lag sem kallast Up The Ladder To The Roof í flutningi The Nylons sem skyldi ekki rugla saman við Nylon flokkinn íslenska. Upprunaleg útgáfa lagsins með Supremes fékk líka að heyrast, svona til samanburðar. Lög úr söngleiknum Gretti ómuðu og Aretha Franklin fór óblíðum en þó góðum höndum um Eleanor Rigby.