Suno...

Keh diya jo kehna tha par....

Ye baat bhi adhuri reh gayi, meri aakhon se teri aakhon tak ek nazar ka faasla tha, phir bhi dekho kitni doori reh gayi.

Ab bas, aur koi baat nahi, yu sambhaal ke rakhi thi jo yaad, aaj mujhe wo yaad nahi...

Thode qisse baaki hai abhi, suna na chahta hu, mera dil thoda aur tutt gaya hai. Socha tha ishq se khatarnak koi bimaari nahi hai. Phir hua mujhe covid.

Badi Badi baatein karte ho, chaand taaron ke waade karte ho, taj mahal keh diya uss din to tumne mujhe, ye kya baat hui?

Dhundne se agar wo mil paati, to ab tak mil jaati...

"Kaash tu hota, ke yu na hota"

Ghuma fira ke unhi shabdon ke saath ek puraani kahaani sunaunga.

Dhundna zaruri hai...

Shaadi byaah to theek hai, tumne ye jo mangalsutra ke naam pe mujhe baandha hai iss rishtey mein, ye baat ghalat hai. Agar mein isko na pehnenti to kya ye rishta manzur nahi hota?

Kaash ye pahaad baatein karte, par theek hai, unki khaamoshi mein bhi baht kahaaniyan hai...