Luisteraars se taalnavrae word beantwoord.

Hoe werk meervoude? Daar is ook inligting oor 'n veeltalige vertaalwoordeboek en hoor hoe klink een van ons susterlande in Afrika se taal.

Daar word gesels oor die uitspraak van Franse name soos onder meer dié van die nuwe Franse president en in die taalspeletjie praat die kundiges oor hoe mens die inwoners van plekke noem.

Magdaleen Krüger kyk na skelname uit 16de eeuse Nederlands in die dae van die Kompanjieswerknemers… en slegte nuus is dat die woord makelaar onder hierdie skelname geval het. Maar die goeie nuus is dat dit vandag nie meer ‘n skelnaam is nie!

Magdaleen Krüger kyk na die Stigting vir Bemagtiging deur Afrikaans se kongres oor Kaapse Afrikaans en hoe daar meer woorde en uitdrukkings uit Kaaps in woordeboeke opgeneem kan word. Daar word ook gekyk na die tekort aan taaldata om genoegsame mens-masjien interaksie deur bepaalde tale te fasiliteer.

Wat is die herkoms van die woorde lakoniek en lakonies? Dien ‘n mens as jy tennis speel, of slaan jy af? Wat het van word geword?

Word Blou Bulle-ondersteuner met ‘n koppelteken geskryf? Waar gebruik ons spasies en wat het ‘n 82-jarige gedryf om ‘n M-tesis oor troeteltaal te doen?

Watter riglyne is daar oor die gebruik van leenwoorde in Afrikaans?

'n Program oor taal en taalverskynsels.

Nuus oor ‘n uitstalling van die ontwikkeling van Afrikaans in Afrikaanse musiek, wanneer gebruik jy hoofletters en die taaljunkies rap in Afrikaans.