"Alt, sum kann ganga galið í Grønlandi, gongur galið. Og alt, sum ikki eigur at ganga galið, gongur eisini galið", sigur Poul Andrias Ziska, ið er kokkur og stjórnar KOKS.

1. juni bleiv eitt nýtt filmsverk hjá Viaplay útgivið. Tað er heimildarfilmurin um ferðina hjá KOKS, sum fór til Grønlands í fjør, at reka matstovuna har.

Tey halda til í bygdini Ilimanaq og lata væl at, hóast forðingar og avbjóðingar gjørdu um seg, tá ið komið varð til lítlu bygdina.

Í heimildarfilminum sær hyggjarin, hvussu skilið var, bæði áðrenn og í meðan latið var upp.