كلما نديرو نشاط فيه نوع من الخطر كيما سباق السيارات ولّا الألعاب لي كاينين في الحدائق و غيرها.. كلما نحسو باحساس غريب و ممتع في نفس الوقت و هو ما يسمّى بالادرينالين، فهاد الحلقة نعرفو واش هو و علاش يعجبنا بزااف.

من المهم كي نتناقشو مع واحد تكون المناقشة تاعنا عندها قيمة، مبينة على حقائق ماشي على الخاوي.. فهاد الحلقة رح نعرفو مع بعض واش هوما المغالطات المنطقية لي يقدر الواحد يطيح فيهم كي يسيي يقنع لي دايرين بيه و كيفاش نتجنبوهم. - Source : https://www.developgoodhabits.com/logical-fallacy/

العائلة هي اكثر حاجة عندها قيمة في حياتنا، لكن كي تولي مصدر للسلبية و كل حاجة ماشي مليحة هنا لازم علينا نتاخذو قرار حاسم.. فهاد الحلقة راح نعرفو واش هو الاعتداء العائلي، أنواعو و كيفاش نتصدى ليه.

الإنسان يدير بزاف غلطات لي تتطلب منو يطلب السماح، و ممكن يغلطو في حقه و يضطر يسامح.. بصح كلمة *سمحلي* وحدها ما تكفيش، فهاد الحلقة راح نتعرفو على لغات الإعتذار الخمس لي هدر عليها Gary Chapman في كتابو Things I wish I known before we got married. •Source: https://www.goodreads.com/book/show/8191304-things-i-wish-i-d-known-before-we-got-married

هيلوو..مرحبا بيكم فحلقة جديدة من Emerald's Talks.. وين ناقشنا بعض النقاط في فلم Interstellar و تطرقنا لبعض المفاهيم الفيزيائية مع سليمان بلخضر صاحب بودكاست صيانتيفيك هدرة.. ما تنساوش تبارطاجييو و تشاركونا الآراء تاعكم ❤️ - Guest's Ig: https://instagram.com/scientific_hadra?igshid=41sri41cc4zn

فهاد الحلقة كان ليّا الشرف باش نفوت مع الأخ Joe، صاحب بودكاست binatna talks وين ناقشنا الإختلاف الثقافي بين الجزائر و المغرب، الهوية، الحدود و غيرها.. Enjoyy! ❤️ Binatna Talks Instagram: https://instagram.com/binatnatalks?igshid=1fjpiizrabn8f

كي نجو لإختيار شريك الحياة، هاد القرار المصيري، بغض النظر أنو يخصك نتا ولا نتي وحدك، نلقاو بزاف عوامل خارجية يدَخْلّو في مدى صحة قرارك.. لكن كيفاش نعرفو بلي هدا هو الإنسان لي يليق بيا؟ Source: https://www.google.com/url?sa=t&source=web&rct=j&url=https://waitbutwhy.com/2014/02/pick-life-partner.html&ved=2ahUKEwjh64rk28DsAhUFqxoKHZj-CIUQFjAAegQIBBAC&usg=AOvVaw0lmaRAN8P0OAfcyauIIVrI

كثيرا ما نصدرو أحكام ولا توقعات على أشخاص ولاّ اشياء بلا ما حتى نعرفو عليها والو ولا نكونو جربناها و عشناها من قبل.. الإفتراضات، الأحكام المسبقة، التوقعات و الظنون.. كلها مصلحات تخدم حاجة وحدة لي هي الحكم ولا القرار النهائي لي يتكونلك على هداك الشيء.. فحلقة اليوم ان شاء الله راح نهدرو على هاد الشي، و نحاولو نفهموه شوية، بموضوعية 😅 ENJOYYY!

تكون مريح، تسمع موسيقى و فجأة تتفكر حاجة صراتلك و لا بنادم.. علاش عقلنا يتفكرها غير كي يسمع هاديك الغنية بالذات؟ 🤔

فالحلقة تع اليوم راح نشوفو كيفاش العقل تعنا يكون تحت تأثير الموسيقى و نبذة خفيفة على تاريخ الموسيقى. ما تنساوش تبارطاجييو

ملي تخلق الكون و الإنسان يحاول يفسر كل حاجة يشوفها، بصح اسك العلماء قدرو يفسرو حوايج جامي شافوها و لا *راح يشوفوها*؟ فهاد الحلقة تطرقنا لمقال من مقالات كتاب "الله لا يلعب النرد" لمحمود علام.. ENJOYY !