Apodkast s teqbaylit... more
Share Taqbaylit
Share to email
Share to Facebook
Share to X
Share to email
Share to Facebook
Share to X
Taqbaylit
By Taqbaylit
FAQs about Taqbaylit:
How many episodes does Taqbaylit have?
The podcast currently has 12 episodes available.
Taqbaylit episodes:
October 04, 2021Corpus linguistiques libres au service du NLP sur le kabyle Sɣur
Muḥend Belkacem
...more October 03, 2021Tukkist seg ungal gar ẓẓebra n yifḍisen Tukkist seg ungal gar ẓẓebra n yifḍisen
...more October 03, 2021Gar - Zzebra - D-yifdisen 1 Mesɛud, argaz n Yamina yewweḍ s irebbi n Ṛebbi. Ma d nettat truḥ am wakken inefsusa lxaṭer-is si leɣtab d umerret ias-dyeǧǧa. Ahat, ula d netta tuɣ illa issaram rezzu n tmettant.
...more October 03, 2021Taqbaylit - Tufrar Refdeɣ anay-iw, leɛqel yettḥeyyeṛ
Ɣer Tizi Wezzu, tura ad nezgerAd d-nerr asirem, ma ɣezzif leɛmeṛI tarwa tlelli, Ṣṣumam d ǦeṛǧeṛA tidet iṛuḥen, ass-a ad kem-nẓeṛ
Icenga ad ffɣen, ih, neẓra nezmerAd d-ners ar wannar, tuddar idurarTaqbaylit tufrar, tennerna teẓweṛRefdeɣ anay-iw, leɛqel yettḥeyyeṛ
Ɣer Tizi Wezzu, tura ad nezgerAd d-nerr asirem, ma ɣezzif leɛmeṛI tarwa tlelli, Ṣṣumam d ǦeṛǧeṛNebges-d s tebɣest, ɣas yekker uɣebbaṛ
Nettwali s wallaɣ, ma d kečč ɣas wexxeṛNeggul s limin, akken ad d-nerr ttaṛAcḥal i tenɣam, i txenqem s umrarRefdeɣ anay-iw, leɛqel yettḥeyyeṛ
Ɣer Tizi Wezzu, tura ad nezgerAd d-nerr asirem, ma ɣezzif leɛmeṛI tarwa tlelli, Ṣṣumam d ǦeṛǧeṛAtmaten imeṛṛa, wawras d uheggaṛ
Ad d-lalen am ass-a, ad egen leqṛaṛi tsuta uzekka, ad terr izuɣaṛAh ay izukar, tarwa n wat lɛaṛRefdeɣ anay-iw, leɛqel yettḥeyyeṛ
Ɣer Tizi Wezzu, tura ad nezgerAd d-nerr asirem, ma ɣezzif leɛmeṛI tarwa tlelli, Ṣṣumam d ǦeṛǧeṛNeẓra i neswa, ar ass-a nedder
Taqbaylit-nneɣ, tura ad tt-nɣeṛXas tenɣam seg-neɣ, drus i nexseṛAd d-leqqmen wiyaḍ, yeṭerḍeq waɛbaṛRefdeɣ anay-iw, leɛqel yettḥeyyeṛ
Ɣer Tizi Wezzu, tura ad nezgerAd d-nerr asirem, ma ɣezzif leɛmeṛI tarwa tlelli, Ṣṣumam d ǦeṛǧeṛAbrid n timunent, ass-agi yenǧeṛ
Tefrest-it tarwa-s, lebɣi ad isaṛ.Ad nebnu tamurt, s ucawrar d umɣaṛ.Argaz tameṭṭut, taqbaylit tufrar.Refdeɣ anay-iw, leɛqel yettḥeyyeṛ
Ɣer Tizi Wezzu, tura ad nezgerAd d-nerr asirem, ma ɣezzif leɛmeṛI tarwa tlelli, Ṣṣumam d Ǧeṛǧeṛ...more October 03, 2021Tukkist tameslawt deg ungal abrid n tala Tukkist tameslawt deg ungal abrid n tala
...more October 03, 2021Tukkist - Arkat - Abrid n tala 2 Akken kan ara yekcem unebdu, yettɛemmiṛ umkan-nni
...more October 03, 2021Tukkist - Arkat - Abrid n tala 1 Ccbaḥa n tmurt n Leqbayel weḥd-s di tmurt-nneɣ. Tuddar zgant-d ɣef yidurar. Iberdan yettawin ɣer tuddar-nni zzin am uzrem. Ttalin akk, ttɛeddin gar yidurar, tama n wasif. Di taddart, lɛibad myussanen, tikwal ad tafeḍ ttemyilin akk lɣaci deg yiwet n taddart.
Llan yimukan anida ttemyagaren, am lqahwa neɣ lǧameɛ: wigi ad ten tafeḍ d tizyiwin, naɛd d imɣaṛen i d-yettɣimin di taddart. Wa yeqqaṛ, wa ixeddem, wa yunag. Di ccetwa, taddart ɛussen-tt kan yimɣaren.Mi d-yewweḍ unebdu, ad d-uɣalen akk wid yeffɣen, ad yemyagaren. Llan wid yettxiqqin melmi ara d-yaweḍ unebdu i wakken ad mlilen akked wid i uɣen tannumi. Akken i sɛeddayen ussan n unebdu. Ussan n unebdu i yettɣawalen imi temlal tasa d wayen turew. Llan aṭas wid i d-yettasen si tmur atibeṛṛaniyin. Llan wid daɣen i d-yettawin tiwaculin-nsen. LLan wid izewǧen akken tṛumyin, dɣa teddunt-d d yizgazen-nsent. Mi ara d-yas yiwen yettawi-d taṛimit-is, sellen di taddart. Qarren-as: Yusa-d leflani, yewwi-d yid-s taṛumit. Ttxeqqin melmi ara walin taṛumit-nni. Ula d imɣaṛen sɛan awal-nsen...more September 30, 2021Dda ḥemmu 3 Imi lɛid teţeddu-d, dda Lwennas yenna-yas. Acu tenniḍ limer ad nheggi si tura tabdart n yemdanen ara yawin tunt di timecreṭ-agi d-iteddun?
Dda Ḥemmu yegdeh. Ihi isenker asnas Excel akken ad bdun ad arun ismawen n yixammen n taddart. Yuzen iznan s yimayl i wid iseqdacen allalen atraren. Ma d wiyaḍ ad ten-iwali ticki.Ar tagara yenṭeq Dda Lwennas yenna-yas. A Ḥemmu, azekka ad nali ar Uqbu ad tedduḍ yidi, ula d nek ad d-aɣeɣ yiwet n tfelwit n uselkem, imi aseqdec-is mačči d ayen ẓẓayen. Rnu ɣur-s, ad izmireɣ ad inigeɣ sanida bɣiɣ, melmi bɣiɣ.Akken i yella lḥal. Ddan yemdukal s Aqbu. Uɣen-d tafelwit n uselkem. Yal ass, dda Lwennas yeţissin ugar. Ilmed ula d tira n tutlayt n teqbaylit. Ass-a yessaweḍ ad isefrek ablug yeţmeslayen ɣef yensayen n taddart-is s teqbaylit. Yessaweḍ ad yemlil ula d yemdukal-is iqbuṛen yellan akin agmaḍ di Tizi Wezzu akked Tubireţ.Yal tameddit, Dda Ḥemmu akked Dda Lwennas, ad d-ffɣen ar tejmaɛit s tfelwiyin n uselkem gar ifasen, ad qqimen ad ţarun deg iblugen-nsen ɣef temsal icudden ar teqbaylit tatrart deg ifecka imaynuten....more September 30, 2021Dda Ḥemmu 2 Dda Lwennas isel i yilmeẓyen ticki ţmeslayen ɣef ayen icudden ar Internet. Yeẓra d akken d aẓeţa i yesdukklen ibenkan n umaḍal meṛṛa. Yeẓra d akken mačči ala iselkimen kan, ula d iṛubuten n yiẓmi neɣ timacinin n txeggaṭ zemren ad qqnen ar uẓeṭṭa-agi agraɣlan. Acu kan, meskin, ur yessin ara ad yaru, dɣa yeḥruri aṭas. Tikwal yesḥissif deg iman-is.
Dda Lwennas iḥemmel Dda Ḥemmu. Cerken tabaḍnit, myekcamen aṭas. Dda Ḥemmu si tama-s, imi yeẓra tamsalt, yal tikelt ara yemlil yid-s, ad s-yesken kra n tixbula n tuqqna ar Internet s useqdec n tfelwit n uselkem din-a di tejmaɛit. Yemmel-ayas amek ţbeddilen iɣewwaṛen n tutlayt di kra n yisnasen akked ifecka. Yemmal-ayas amek ara yessel i yifuyla imeslawen srid seg usmel Web, war ma yessider-d isefka ar tfelwit-is s wudem adigan. Yemmel-ayas amek ara yernu amiḍan i tira n yiznan di Gmail....more September 30, 2021Dda Ḥemmu 1 Sɣur Muḥend Belkacem
Da Ḥemmu di tejmaɛit s tfelwit n uselkem
Dda Ḥemmu, ṭamen n udrum n Iḥiducen, ɣas akken zrin fell-as 65 n iseggasen, yeţban am ilemẓi. Yeṛwa aman n temẓin. Ilul di 20 yebrir 1952 ihi dɣa yeţzuxxu s wazemz n tlalit-is. Yeqqaṛ-asen i yilmeẓyen n taddart-is, nek d Amaziɣ s wudem amezwer. Ɣas akken ugar n uzgen n tudert-is yewwet-iţ di Fṛansa, tutlayt n teqbaylit ur ţ-yeţu ara. Mačči am wid irezzun ar tmura n umalu tagara-agi. Akken yeqqaṛ Atmani, wa yuɣal d aɛrab, wayeḍ d aṛumi.Dda Ḥemmu, iḥemmel ad d-yeffeɣ ar tejmaɛit yal tameddit. Ibiri deg idis, tafelwit n uselkem gar ifassen-is. Deqs i yeɣilen d aselkim aziraz ameẓyan. Da ḥemmu yezga yeqqaṛ-asen, ala, tagi qaṛṛen-as tafelwit n uselkem. Teţeddu s yiwen n unagraw n wammud isem-is Android. Llant tfelwiyin-nniḍen n Apple qqaren-asent iPAD, acu kan teddunt s unagraw iOS. Dda Ḥemmu yezga yessefham deg-sen, acu kan ahbuh. Gullen ur gezzun tigert. Ḥatan ihi, yerna-d Dda Lwennas ɣur-s. Dda Lwennas, ɣas akken ur yeɣri ara, acu kan igezzu timsal imir imir. Ur s-teţunefk ara tegniţ ad yeddu ar uɣerbaz am neţa am wiyaḍ. Imi yekker-d d agujil deg tallit-nni n tegrawla mgal Fṛansa....more
FAQs about Taqbaylit:
How many episodes does Taqbaylit have?
The podcast currently has 12 episodes available.