Adavi Chandamama - novel episode -3 - written by Smt Rayaprolu Susheeala 

అడవి చందమామ - నవల - ఎపిసోడ్ 3  రచన - శ్రీమతి రాయప్రోలు సుశీల

గాయాలతో అర్థ రాత్రి ఇంటికి వచ్చిన అతన్ని ఆదరిస్తుందా ... డాక్టర్ గా తన వృత్తి ధర్మాన్ని నిర్వర్తిస్తుందా ... తెలుసుకోవాలంటే వినండి శ్రీమతి రాయప్రోలు సుశీల గారు రచించి చదివిన ఆడియో నవల -  అడవి చందమామ -   మీ "తెలుగు కథలు బై శివరంజని" పాడ్కాస్టింగ్ లో...

తన అనుమతి లేకుండానే తన ఇంట్లో అర్థ రాత్రులు ఆశ్రయం పొందుతున్న ఆ వ్యక్తి ఎవరు ....అతని వలన డాక్టర్ పంకజ ఎలాంటి సమస్యలు ఎదుర్కోవాల్సి వస్తుంది ....తెలుసుకోవాలంటే వినండి వినండి ... శ్రీమతి రాయప్రోలు సుశీల గారు రచించి చదివిన ఆడియో నవల -  అడవి చందమామ -   మీ "తెలుగు కథలు బై శివరంజని" పాడ్కాస్టింగ్ లో...

అడవి చందమామ - నవల - ఎపిసోడ్ 1 

రచన - శ్రీమతి రాయప్రోలు సుశీల

ఆమె ప్రపంచానికి పేరు ప్రఖ్యాతులున్న ప్రముఖ గైనకాలజిస్ట్ ... కానీ ఆమె జీవితంలో ఎన్నో సుడి గుండాలు ... ఒంటరి పోరాటంలో ఆమె ఎదుర్కొన్న పరిస్థితులేమిటి ... వాటిని ఎలా ఎదుర్కొన్నది ... తెలుసుకోవాలంటే వినండి ... శ్రీమతి రాయప్రోలు సుశీల గారు రచించి చదివిన ఆడియో నవల -  అడవి చందమామ -   మీ "తెలుగు కథలు బై శివరంజని" పాడ్కాస్టింగ్ లో...

Punnami Vennello - పున్నమి వెన్నెల్లో - రచన శ్రీమతి రాయప్రోలు సుశీల 

సముద్ర తీరాన ఒంటరిగా భయంగా చెలికాడి కోసం ఎదురు చూపులు చూసే అమాయకపు ఆడపిల్ల  మల్లి.  మల్లి చెలికాడు ఆమెను చేరేనా లేక బతుకు పోరాటంలో ఒంటరిని చేసేనా ...తెలుసుకోవాలంటే వినండి  శ్రీమతి రాయప్రోలు సుశీల గారు రచించిన - పున్నమి వెన్నెల్లో - ఎమోషనల్ లవ్ స్టోరీ - మీ తెలుగు కథలు బై శివరంజని లో - telugu kathalu by shivaranjani 

శీర్షిక : ఆక్సిజన్

రచయిత్రి : శివరంజని

********************************************************

జగదంబామ్మగారి కోడలు వనజ. అత్తాకోడళ్లు కలిసి ఇంట్లో అన్ని రకాల మొక్కలు పెంచడంవల్ల, బయట కొనే పని లేకుండా కావలసిన పూలు, పళ్లు, కూరగాయలు అన్ని వారి ఇంటిపంట నుండే తీసుకుంటారు.

మూడేళ్ళ నుండి అమ్మమ్మ ఇంటిదగ్గర ఉన్న వనజ కూతురు ఎనిమిదేళ్ల శ్రీజ, వేసవి సెలవుల్లో

జగదాంబామ్మగారి ఇంటికి వచ్చింది. శ్రీజ వచ్చినప్పటినుంచి అదేపనిగా మొక్కలు తెంపడం, పూలు, ఆకులు అనవసరంగా తెంపి పారేయడం, కొమ్మలు విరిచేయడం చేస్తోంది. ఇవన్నీ చూస్తున్నా వనజ కూతురికి అలా చేయొద్దని నచ్చచెప్పటంలేదు. "చిన్నపిల్ల తెలియక చేస్తోంది" అనసాగింది.

కుటుంబమంతా వార్తలు చూస్తున్నారు. వార్తల్లో"ఆక్సిజన్ అందక 20 మంది మృతిచెందారు, రాష్ట్రంలో ఆక్సిజన్ కొరత ఉంది" అని చెప్పారు. శ్రీజ"నానమ్మ ఆక్సిజన్ అంటే ఏమిటి, ఎక్కడినుండి వస్తుంది" అని అడిగింది. "చిట్టితల్లి, మనమంతా బ్రతకాలంటే ఆక్సిజన్ కావాలి. మనం ఆక్సిజన్ పీల్చి, కార్బన్డయాక్సయిడ్ వదులుతాము. మనం వదిలే కార్బన్డయాక్సయిడ్ పీల్చి, మొక్కలు మనకు ఆక్సిజన్ ఇస్తాయి. ఎన్ని మొక్కలు పెంచితే, మనకు అంత స్వచ్ఛమైన గాలి ఉంటుంది. ఆస్పత్రిలోని ఆ పేషంట్లకు ఒక నిమిషంసేపు విద్యుత్తు అంతరాయం వల్ల, ఆక్సిజన్ అందక వాళ్లు చనిపోయారు" అని చెప్పారు జగదాంబమ్మగారు.

శ్రీజ "మనం పీల్చే గాలి, తినే కూరగాయలు అన్ని మొక్కలనుండే వస్తున్నాయి. ఇకమీద నేను కూడా ఇంట్లో అందరిలాగే రోజు నీళ్లు పోస్తాను, వాటిని ఇబ్బంది పెట్టను" అని తనలో తను అనుకుంది.

మినీ కథ సంఖ్య : 7

శీర్షిక: మ్యాజిక్ చేద్దామా

రచయిత్రి: శివరంజని, ఊరు : హైదరాబాద్

*************************************************************************

తనకెంతో ఇష్టమైన మామిడిపళ్లు తింటున్న చిన్నుని తల్లి పావని "చిన్నూ మామిడితొక్కలు చెత్తడబ్బాలో వేయకుండా, వీటితో మ్యాజిక్ చేద్దామా" అని అడిగింది.

చిన్నూ హుషారుగా తల ఊపాడు. పళ్లతొక్కలు తీసుకొని ఇద్దరు వాళ్ల మిద్దెతోటలోకి వెళ్లారు.

"చిన్నూ, ప్రతిరోజూ మనింట్లో చెత్త ఏమవుతుంది" అని పావని అడిగింది.

"చెత్తబండిలో తీసుకెళ్తారు అమ్మ" అన్నాడు చిన్నూ.

"గుడ్, ఇలా ప్రతి ఇంటి నుండి చెత్త తీసుకెళ్లి అందరి చెత్తను ఒకచోట వేస్తారు. వీటిని ల్యాండ్ ఫిల్స్ అంటారు. ఒక్క హైదరాబాదులోని ఇళ్ల నుంచే ఒకరోజుకు అయిదువేల టన్నుల చెత్త ఉత్పత్తి అవుతుంది. వీటిలో సగం వంటింటివ్యర్తాలు కాగా మిగతా సగం ప్లాస్టిక్, పేపర్ లాంటివి ఉంటాయి. ఇవి గాలిని, భూమిని కలుషితం చేసి, రోగాలు పెంచుతున్నాయి. మరి కాలుష్యాన్ని తగ్గించడానికి మనం మ్యాజిక్ చేద్దామా" అడిగింది పావని.

"చేద్దామమ్మా" అన్నాడు చిన్నూ.

పావని మిద్దెతోటలోని కంపోస్టింగ్ తొట్టిలో మామిడితొక్కలు వేసి, మట్టితో కప్పేసి " కొన్నిరోజుల్లో మ్యాజిక్ జరిగి తొక్కలన్ని ఎరువు అవుతాయి" అని మరో కంపోస్ట్ తొట్టిలో తయారైన ఎరువును చూపింది. "ప్రతి కుటుంబం ఇలాగే వంటింటి వ్యర్తాలను ఇళ్లదగ్గరే కంపోస్ట్ చేస్తే, సగంచెత్త తగ్గుతుంది. మున్సిపల్ కార్మికులు, ప్లాస్టిక్, పేపర్ వంటివి వీలైనంతమటుకు రీసైక్లింగ్ కు పంపిస్తారు. అప్పుడు కాలుష్యం తగ్గుతుంది. బావుందా మ్యాజిక్" అన్నది పావని.

"వావ్ అమ్మా, ఈ మ్యాజిక్ మా స్నేహితులందరికీ నేర్పిస్తా" అన్నాడు చిన్నూ.

నీతి: మనం ఉత్పత్తి చేస్తున్న వ్యర్తాలకు మనమే బాధ్యత వహించి, కాలుష్య నివారణలో మన పాత్ర నిర్వర్తించాలి.

*************************************************

నాని వేసవి సెలవులకు అమ్మమ్మ ఇంటికి వచ్చాడు. అమ్మమ్మ మిద్దె మీద తొట్లలో రకరకాల ఆకుకూరలు, కాయకూరలు పండిస్తుంది. పూలమొక్కలు కూడా పెంచుతోంది. పూలు, కూరగాయలు ఎప్పుడు కావలిస్తే అప్పుడు తాజాగా కోసుకుంటున్నారు. నానికి సరదాగా అనిపించి అమ్మమ్మతో పాటు తను కూడా రోజు మొక్కలకు నీళ్లు పోస్తూ మకరందం కోసం వచ్చిన సీతాకోక చిలుకలను సంబరంగా చూడసాగాడు. ప్రతిరోజు అమ్మమ్మ మిద్దెపైన పక్షుల కోసం జొన్నలు, పళ్లు, నీళ్లు పెట్టడం గమనించాడు.

"అమ్మమ్మా, మొక్కలు పెంచటం వల్ల మనకు పూలు, కూరగాయలు వస్తున్నాయి, డబ్బులు మిగులుతున్నాయి. మరి పక్షులకు రోజు దాన, నీళ్లు ఎందుకు పెడుతున్నావు వాటి వల్ల మనకేం లాభం లేదు కదా, వృధాశ్రమ ఎందుకు పడుతున్నావు" అని నాని అమ్మమ్మను అడిగాడు.

అందుకు అమ్మమ్మ నవ్వి "నాని ప్రతిపనిలో ప్రతిఫలాపేక్ష ఉండకూడదు. కొన్ని ఆత్మసంతృప్తి కోసం చేయాలి. వేసవిలో చాల పక్షులు ఎండల వేడికి, సరైన నీరు, ఆహరం లభించక చనిపోతుంటాయి. మనం ఇలా దాన, నీళ్లు పెడితే కొన్ని పక్షుల ఆకలి అయినా తీర్చి, వాటిని బ్రతికించిన వాళ్లము అవుతాము. మనుషులతోపాటు జంతువులు, పక్షులు అన్నిటికి బ్రతికే హక్కు ఉంది. సకలజీవరాశి బ్రతికితేనే మానవ మనుగడ సాధ్యమవుతుంది. పశుపక్షులు నశిస్తే మనం కూడా కష్టపడాల్సొస్తుంది" అని చెప్పింది.

"అమ్మమ్మా మా ఇంటి బాల్కనీలో కూడా రోజు దాన, నీళ్లు పెడతాను, పక్షులకు సహాయపడతాను" అన్నాడు చిన్నారి నాని.

**********************************************************************************

శీర్షిక: కూతురు తెచ్చిన మార్పు        

రచయిత్రి: శివరంజని

**********************************************************

రాజు రాణి అనే భార్యాభర్తలకు ఒక కొడుకు ముగ్గురు కూతుర్లు. బాగా కష్టపడి వ్యాపారం, సొంత ఇల్లు, సమాజంలో గుర్తింపు తెచ్చుకున్నారు. ఇది గిట్టని రాజు అన్న, జూదగాళ్లైన తన స్నేహితులను రాజుకు కూడా జూదం నేర్పించి దివాళా తీయించమని ప్రోత్సహించాడు.

అలా రాజు చెడుసాంగత్యంలో, పనివాళ్లమీద దుకాణం వదిలి జూదం ఆడుతూ గడిపేవాడు. రాజు అన్న కోరుకున్నట్టుగానే రాజు వ్యాపారం దివాళా తీసింది. రాజు దుకాణం, భార్య నగలు అమ్మి అప్పులు తీర్చి, బాధ్యత లేకుండా తిని తిరగసాగాడు. రాణి ఎంత చెప్పినా రాజు మారలేదు. దాంతో రాణి పిల్లలతో ఒక్క గదిలో సద్దుకొని, మిగతా ఇల్లంతా అద్దెకు ఇచ్చి, ఇంట్లోనే అప్పడాలు వత్తుతూ గుట్టుగా సంసారం నెట్టుకొస్తోంది. నలుగురు పిల్లలు చక్కగా చదువుకునేవారు.

రాణి పెద్దకూతురు సిరి కాలేజీచదువు ప్రారంభమైంది. చదువుకుంటూనే ఇంటి దగ్గర బట్ట సంచులు కుట్టసాగింది సిరి. చదువుకునే వయసులో, ఇవన్నీ ఎందుకు అని కోప్పడ్డాడు రాజు. "అమ్మ ఒక్కతే కష్టపడుతుంటే ముద్ద దిగటంలేదు నాన్న, సిగ్గుగా ఉంది" అన్నది సిరి. కూతురు మాటలతో కళ్లు తెరుచుకున్న రాజు, ఆరోజు నుంచి జూదం మానేసి, ఉద్యోగం చేయటం ప్రారంభించాడు.

**********************************************************************************

పశ్చాత్తాపం - మినీ కథలు సిరీస్ 1 - ఎపిసోడ్ 4 - నీతి కథలు 

మినీ కథ సంఖ్య : 4

శీర్షిక: పశ్చాత్తాపం

రచయిత్రి: శివరంజని

**********************************************************************************రాజేష్ ఇంటర్మీడియట్ చదువుతున్న తెలివైన అల్లరి విద్యార్ధి. తల్లితండ్రి అత్యవసరంగా ఊరు వెళ్లాల్సొచ్చింది, అది రాజేష్ పరీక్ష ఫీజు కట్టాల్సిన సమయం. రాజేష్ ఫీజు గురించి అడిగితే, రెండు రోజుల్లో వచ్చేస్తాం, వచ్చాక ఇస్తాములే అన్నారు. రెండు రోజులు అనుకున్నది కాస్త పదిరోజులు అయినా రాజేష్ తల్లితండ్రులు వెళ్లిన పని అవకపోవడంతో ఇంటికి రాలేదు. ఆరోజే రాజేష్ పరీక్ష ఫీజు కట్టాల్సిన ఆఖరి రోజు.

రాజేష్ తన అల్లరితో చుట్టుపక్కల వారిని, స్నేహితులని, లెక్చరర్లని ఎప్పుడు ఇబ్బంది పెట్టడంవల్ల ఫీజు కోసం ఎవర్ని అప్పు అడగాలన్నా మొహం చెల్లలేదు. కాలేజి వదిలి విద్యార్థులంతా వెళ్లిపోయారు. "అల్లరితో ఇతరులని ఇబ్బంది పెట్టడం మాను, దీనివల్ల అందరూ నీకు దూరమవుతారు. ఇలాగే చేస్తూ ఉంటే నీకంటూ కష్టకాలంలో ఆదుకునేవారు ఎవరూ మిగలరు" అని తరచూ తల్లితండ్రులు చేసే హితబోధలు గుర్తు చేసుకుంటూ, ఫీజు కట్టనందువల్ల తన ఈ విద్యాసంవత్సరం వృధా అవుతుందని బాధ పడసాగాడు.

అటెండర్ రాజేష్ తో కృపానందంసర్ పిలుస్తున్నారని తీసుకెళ్లాడు. కృపానందంగారు, పరీక్షఫీజు కట్టడానికి డబ్బులు ఇచ్చి, కౌంటర్ మూసేస్తారు, ముందు వెళ్లి ఫీజు కట్టు అన్నారు. కళ్లు కనిపించని కృపానందంగారు పాఠాలు చెప్పేటప్పుడు, పిల్లికూతలు కూస్తూ రాజేష్ డిస్టర్బ్ చేసేవాడు, ఇది తెలిసినా, రాజేష్ ఫీజు కట్టని విషయం తెలిసి, విద్యాసంవత్సరం వృధా కాకూడదని పిలిచిమరీ డబ్బు ఇచ్చారు. పశ్చాత్తాపంతో రాజేష్ కృపానందంగారి కాళ్లమీద పడ్డాడు, పరివర్తనకు సూచనగా.

mini kathalu - neethi kathalu - kastarjitham - mini kathalu series 1 - episode 3

మినీ కథలు

రచయిత్రి: శివరంజని ,  హైదరాబాద్

కథ సంఖ్య : 3

శీర్షిక:  కష్టార్జితం

కావ్య తల్లితండ్రులు, నానమ్మ అంతా కలసిమెలసి సంతోషంగా ఉంటారు. కావ్య తన స్నేహితురాలి గొలుసు చూసి, తనకూ కావాలని, రోజు కాలేజీకి గొలుసు వేసుకొని వెళ్తానని తల్లితండ్రుల్ని అడగసాగింది. "కాలేజీకి బస్సుల్లో ఒంటిమీద బంగారంతో వెళ్ళకూడదు" అని తల్లితండ్రులు ససేమిరా అన్నారు.

కావ్యకు గొలుసంటే ఉన్న ఇష్టం చూసి, నానమ్మ తన పాతనగతో పుట్టినరోజు కానుకగా కావ్యకు గొలుసు చేయించింది. కావ్య సంతోశానికి హద్దులు లేవు. పుట్టినరోజున చక్కగా తయారయి, కొత్తబట్టలు బంగారు గొలుసు వేసుకొని కాలేజీకి బయల్దేరింది.

అదేరోజు కావ్య గొలుసు పోయింది, తను తిరిగిన ప్రదేశాలన్నీ వెతికింది, కానీ ఫలితం శూన్యం. ఏడుస్తూ వచ్చిన కావ్యను నానమ్మ ఎందుకు ఏడుస్తున్నావని అడిగింది. గొలుసు పోయిందని చెప్పింది కావ్య. "మన కష్టార్జితమైతే, రాసి పెట్టి ఉంటె ఎక్కడికి పోదు, మళ్లీ దొరుకుతుంది. నువ్వేం బాధ పడకు" అని ఊరుకోబెడుతుంది నానమ్మ.

మరుసటి రోజు కాలేజీలో లైబ్రరీ మేడం, "నిన్న నీ గొలుసు పోయిందటగా, ఎలా ఉంటుంది" అని అడిగారు. కావ్య మొబైల్లో గొలుసు వేసుకొన్న తన ఫోటో చూయించి, జరిగిందంతా చెప్పింది. లైబ్రేరియన్"బాధపడకు, ఇదిగో నీ గొలుసు నిన్న పుస్తకాల రాక్ దగ్గర దొరికింది, నీదేనా అని నిర్దారణ కోసం అడిగాను" అన్నది.

కావ్య నానమ్మతో "నీ కష్టార్జితం దొరికింది నానమ్మ ఇకమీదట ఇది నువ్వే వేసుకో, అమ్మానాన్న అన్నట్టు నాకింకా బంగారం వేసుకొనే వయస్సు రాలేదు" అన్నది.