Fólkapensjónistar eiga at venja. Ikki bara gera róligar rørslur, men teir skulu venja harðari, enn teir hava gjørt higartil.

Tí harða venjingin hevur fleiri fyrimunir. Hetta vísir gransking.

- Kanningar vísa, at tað í størri mun er ov lítil rørsla í gerandisdegnum, og ikki tað at mann verður eldri, sum ger, at vit vikna, tá vit koma upp á árini, sigur Hedevig Matras, deildaleiðari í Ven og virka, sum er fysioterapi- og ergoterapieindin í Norðoya Bú- og Heimatænastu.