The Mratt Podcast

တောတွင်းက ပီဒီအက်ဖ် ရဲဘော်တွေ ဘာတွေ ကြုံတွေ့နေရသလဲ၊ ဘာတွေ လိုအပ်နေသလဲ။ အခက်အခဲတွေကို ဘယ်လို ရင်ဆိုင်နေကြသလဲ။ 

ဇွန် ၁၄ ရက် ကော်သူးလေနေ့အတွက် ရည်ရွယ်ပြီး ဒီ ပေါ့ဒ်ကတ်စ်ကို သွင်းထားတာပါ။

ဖမ်းဆီးခံသူ အမျိုးသမီးငယ်တွေ မုဒိမ်းကျင့်ခံရတယ် ဆိုပြီး သတင်းတွေ ထွက်ခဲ့ပါတယ်။ အတည်မပြုနိုင်ခဲ့ပါ။ ဒါကတော့ ဖမ်းဆီးခံခဲ့ရသူ အမျိုးသမီးငယ်တဦးကို မေးမြန်းထားတာ ဖြစ်ပါတယ်။

အချိန်တခုခုရဲ့ နောက်ဆုံးဆိုတာ မသိခဲ့ခင် တချိန်တုန်းက သွားခဲ့ဖူးတဲ့ ခရီးစဉ်တခုအကြောင်း။

ကျနော့်စိတ်ထဲ အိပ်မက်တွေထဲ ဖျောက်ဖျက်မရတဲ့ ဇာတ်ကြောင်း။ ပြီးတော့ ဒီနေ့ထိ ကျနော်တို့နယ်မှာ ပြောစမှတ်ပြုနေရဆဲ ဆိုးရွားတဲ့ အတွေ့အကြုံတခု။

ကျနော် သူ့ကဗျာတွေနဲ့ကြီးပြင်းခဲ့တာပါ။ ကဗျာရေးဖြစ်ဖို့နဲ့ လူတွေကို ချစ်တတ်ဖို့၊ ကျေးလက်နဲ့ သဘာဝကို ချစ်ဖို့နဲ့ ရိုးသားဖို့အတွက် သင်ကြားပေးခဲ့တယ်။ ဒီ Podcast နဲ့ ကျနော် ဂါရဝပြုလိုက်ပါတယ်။

အမျိုးသမီးတွေ ကိုယ်ဝန်ဆောင်ချိန်မှာ လုပ်မိလုပ်ရာ၊ စားမိစားရာ စားသလိုမျိုး တချို့ယောက်ျားတွေ အသည်းကွဲတဲ့အချိန်မှာ ထူးထူးဆန်းဆန်းတွေ လုပ်တတ်ကြပါတယ်။ ကျနော်ကျတော့ တမျိုး။

ကျနော်တို့ ချစ်ရတဲ့အရာတွေ ကွယ်ပျောက်သွားကြလို့ရှိရင် ကျနော်တို့ သိပ်ခံစားကြရပါတယ်။ သက်ရှိဖြစ်ဖြစ်၊ သက်မဲ့ဖြစ်ဖြစ်ပေါ့။ သိပ်ချစ်ရတဲ့ ဘီယာဆိုင်ကလေးတဆိုင် ကွယ်ပျောက်သွားခဲ့ဖူးတဲ့အကြောင်း ပြောပြချင်တယ်။

လူတွေသာ သူ့အရင် ဘိုးဘေးတွေရဲ့ ဆုံးမသွန်သင်မှုတွေ၊ ဘာသာတရားတွေရဲ့ လမ်းညွှန်မှုတွေနဲ့အတူ နေ့စဉ်ဘဝမှာ ကောင်းအောင်နေထိုင်ကြတယ်လို့ ဆိုပါတယ်။ ရှေးကဖြစ်ခဲ့တဲ့အမှားတွေကို သင်ခန်းစာယူရင်း အနာဂါတ်ကို ပိုလှအောင်ဖန်တီးကြတယ်ပေါ့။ ဒီတိုင်းသာဆိုရင် လူတွေဟာ တရက်ထက်တရက် ပိုပြီး လိမ္မာလာစရာရှိပါတယ်။ တကယ်ရော ဟုတ်သလား။