The Mratt Podcast

အမေရိကန်အနေနဲ့ ဒီစစ်ပွဲမှာ မပါဘူးလို့ ငြင်းထားပေမဲ့ ဒေါ်နယ်ထရမ့်ကတော့ အီရန်အနေနဲ့ သဘောတူညီမှုလုပ်ဖို့အတွက် “အရမ်းကြီး နောက်မကျသေးပါဘူး” ဆိုပြီး ပြောထားပါတယ်။ လက်ရှိ ဒေါ်နယ်ထရမ့်ရဲ့ နျူကလီးယားသဘောတူညီမှုကို အီရန်အနေနဲ့ လက်ခံလိုက်ရင်တော့ အစ္စရေး-အီရန် စစ်ပွဲရဲ့ အခြေအနေက တမျိုးပြောင်းသွားနိုင်မလား။

အမေရိကန် ကာကွယ်ရေးဝန်ကြီးပြောသွားခဲ့တဲ့ အရှေ့တောင်အာရှက နိုင်ငံတွေ စစ်ရေးပြင်ဆင်သင့်တဲ့အကြောင်း၊ ထိုင်ဝမ်၊ တောင်တရုတ်ပင်လယ်အရေးနဲ့ ပတ်သက်လို့ တင်းမာမှု နောက်ဆုံးအခြေအနေတို့ကို လေ့လာကြရမှာပဲ ဖြစ်ပါတယ်။

မလေးရှားဝန်ကြီးချုပ် အန်နဝါ အီဘရာဟင်က မြန်မာ့အရေးမှာ တိုးတက်မှုတွေ ရှိတယ်လို့ ဆိုပါတယ်။ ဒါပေမဲ့ အမျိုးသားညီညွတ်ရေးအစိုးရကတော့ အာဆီယံဟာ သူတို့အပေါ် ဖိအားပေးအကြပ်ကိုင်တာမျိုး ရှိနေတယ်လို့လည်း ဆိုလာပြန်ပါတယ်။ ဒီတကြိမ်တော့ စပိန်နိုင်ငံ မာဒရိမြို့ကို ရောက်နေတဲ့ မြန်မာ-အာဆီယံ ရေးရာ ကျွမ်းကျင်သူ ကိုဝင်းမင်းနဲ့ တွေ့ဆုံမေးမြန်းထားပါတယ်။

ဘင်္ဂလားဒေ့ရှ် ယာယီအစိုးရ ယူနွတ်နဲ့ ဘင်္ဂလားဒေ့ရှ် စစ်တပ်ခေါင်းဆောင် ဝါကာ အူဇ် ဇာမန်တို့ကြားက စစ်အေးတိုက်ပွဲ၊ စစ်တပ်ခေါင်းဆောင် စိတ်ပူတဲ့ ရခိုင်ပြည်အရေး၊ ဝါကာ အူဇ် ဇာမန်ရဲ့ နောက်ကြောင်း ရာဇဝင်၊ ဘင်္ဂလားဒေ့ရှ်မှာ စစ်တပ် အာဏာသိမ်းမှု ဖြစ်လာနိုင်သလား ဆိုတာတွေကို လေ့လာကြည့်ကြည့်ရအောင်ပါ။

အမြဲတမ်းပြောနေရတဲ့ ရွှေ့ပြောင်းဝင်ရောက်လာသူတွေအရေး၊ ခွဲခြားဆက်ဆံမှုတွေ မြင်တက်လာတာ၊ အမျိုးဘာသာ သာသနာ အရေးလှုပ်ရှားမှုတွေအားကောင်းလာတာနဲ့အတူ ကမ္ဘာ့နိုင်ငံရေးမှာ လက်ယာစွန်းတွေ အားကောင်းလာတာဟာ ငြင်းမရနိုင်ပါဘူး။ ဒါက ဘယ်ဆီ ဦးတည်နေသလဲ။ မြန်မာနိုင်ငံမှာရော လက်ဝဲ လက်ယာ ဘယ်အယူအဆတွေ အားကောင်းသလဲ။

မွတ်ဆလင်တွေရဲ့ ဗလီထဲ တခါမှ မဝင်ဖူးတဲ့ ထရမ့်၊ အရင်က အမေရိကန်သမ္မတတွေက ဒီလိုမျိုး ဗလီကို ဝင်ရောက်လည်ပတ်ဖူးသလား၊ ပြီးတော့ ဆီးရီးယားခေါင်းဆောင် မိုဟာမက် အာ ရှားရားနဲ့ တွေ့ဆုံမှု၊ ကာတာ၊ ဆော်ဒီနဲ့ ယူအေအီတို့က အာရပ်စော်ဘွားတွေနဲ့ ထရမ့်တို့ ဘယ်လို ရင်းနှီးမြှုပ်နှံမှု သဘောတူညီချက်တွေ လုပ်ခဲ့ကြသလဲဆိုတာအပြင် ထရမ့်ရဲ့ အရှေ့အလယ်ပိုင်းခရီးစဉ်တလျှောက် ဘာတွေထူးခြားမှုရှိသလဲဆိုတာတွေကို လေ့လာကြရမှာပဲ ဖြစ်ပါတယ်။

စစ်ကောင်စီဟာ လေကြောင်းတိုက်ခိုက်မှုတွေ တောက်လျှောက်လုပ်နေချိန်မှာ တဖက်မှာ ဝါဒဖြန့်ချိရေးကို စနစ်တကျ လုပ်နေတာလည်း တွေ့ရပါတယ်။ လူတွေရဲ့ စိတ်ကို ဝေဝါးစေအောင်၊ သံသယဝင်စေအောင် စနစ်တကျ သတင်းမှားတွေ ဖြန့်နေတာလည်း တွေ့ရပါတယ်။ ဒီ Podcast မှာတော့ ဒီအကြောင်းကို သုံးသပ်ထားပါတယ်။

ကက်ရှ်မီးယား နယ်မြေအငြင်းပွားမှုနဲ့ ဒီနယ်မြေကြားက ပဋိပက္ခတွေကြောင့် ဖြစ်ခဲ့တဲ့ စစ်ပွဲတွေအကြောင်းနဲ့ မေ ၇ ရက်နေ့ကနေ ၁၀ ရက်နေ့ထိ ဖြစ်ခဲ့တဲ့ စစ်ပွဲမှာ နှစ်နိုင်ငံစလုံးက သုံးခဲ့တဲ့ လက်နက်တွေ တိုက်လေယာဉ်တွေနဲ့ စစ်မြေပြင်မဟုတ်ဘဲ သံတမန်ရေးနဲ့ နိုင်ငံတကာမှာပါ အိန္ဒိယက ပါကစ္စတန်ကို ဘယ်လိုတိုက်ခဲ့သလဲဆိုတာတွေကို လေ့လာကြည့်ကြရအောင်ပါ။

ဆီးရီးယားမှာ အာဏာရှင် အာဆတ်ထွက်ပြေးသွားပြီး အိမ်စောင့်အစိုးရထိန်းချုပ်ထားတာ ခုဆို ၅ လကျော်ရှိသွားပါပြီ။ ဒီကြားထဲမှာ လူပေါင်း ၆ ထောင်ကျော် သေကြေခဲ့ပါတယ်။ အရင် အာဏာရှင်ထောက်ခံသူတွေနဲ့ နောက်ထပ်တက်လာတဲ့အစိုးရထောက်သူတွေကြား၊ ဘာသူလူမျိုး မတူ၊ ဂိုဏ်းကွဲတွေကြားက ပဋိပက္ခတွေဟာ ကြီးမားလာပါတယ်။ ဒီနေ့တော့ ဆီးရီးယားမှာ လက်ရှိပြဿနာတက်နေတဲ့ ဒရုဇ်လူမျိုးစု၊ သူတို့ရဲ့ အရေးပါပုံ၊ အာ့လာဝိုက်တွေရဲ့ အခန်းကဏ္ဍ၊ ပြီးတော့ အစ္စရေးရဲ့ ဆီးရီးယားအပေါ် ကျူးကျော်တိုက်ခိုက်မှုတွေနဲ့ ပြည်တွင်းမှာ ကျန်နေခဲ့တဲ့ အာဆတ်ထောက်ခံသူ အုပ်စုတွေအကြောင်း လေ့လာကြရအောင်ပါ။

အမျိုးသားညီညွတ်ရေးအစိုးရ NUG ဖွဲ့စည်းစဉ်ကတည်းက ပါဝင်သူတွေနဲ့အတူ ရှိခဲ့ပြီး NUG ထဲမှာလည်း ထဲထဲဝင်ဝင် ပါဝင်ခဲ့တဲ့ လွတ်လပ်တဲ့ နိုင်ငံရေးလေ့လာသုံးသပ်သူ ကိုစစ်မော်က NUG အစိုးရအနေနဲ့ လက်ရှိဖွဲ့စည်းပုံတွေကို ပြင်ဆင်ဖွဲ့စည်းသင့်တယ်လို့ ပြောပါတယ်။ ဒီအကြောင်းကို အပြည့်အစုံ မေးမြန်းထားပါတယ်။