tjabelstünj

Das weg gungt at noch ens am a trii detektiiwen, Wat en Leedji fortelt luket üüb det stak „Suicide Is Painless“ an wi haa en berocht faan at harfsthuuchschölj faan’t Friisk Foriining.

Wi haa en ütjsteling, huar uun at am Europa an a sia gungt, wat – wat ik gans witsig finj – goor ei bi a sia as, oober det täär ja uk ei so wees. Det ütjsteling as uun Berlin an Franziska wiar diar an fertäält ja, huaram ham det luanet. An ölers haa’f ei bluat fein musiik üüb üüs playlist, man uk en gans spesjel jubiläum – wat was fööraal för frinjer faan hiarspalen wichtig as – an wi snaake am bakteerien, wat ja ei imer ring wees skel.

Wat en Leedji fortelt as weler turag an diar gungt at das weg am en stak, wat ham iarst ens so uunhiart, üüs wan diar hoker ianfach de began faan ark nei weg ei so hal mei. Stemet uk, oober diar stäänt bi det stak, huar am at gungt, noch en betj muar beeft, wat noch föl trauriger as. An ölers gungt at das weg imer weler am Berlin, huar Franziska an Mareike tu a feiern am de dai faan’t tjiisk ianhaid wiar an huar en fernseen-serien-tip spelet, wat Hauke das weg för jam hee.

Wi snaake das weg noch ens weler am spriaken, wat wi ferleeden wef ja uk al den haa, auer jüst de europäisk dai faan a spriaken wiar  diartu jaft at noch wat am a histoore faan a guardswerger an en gan spesjel festival, wat at naist juar üüb a sia jaft – also luanet at ham das weg am so miar uk ens at musiik faan üüs playlist uuntuhiaren, auer föl diar uun faan der line up faan’t ferival komt!

Das weg jaft at en broketen miks heer bi üs. Wi haa en buk- an föl musiiktips: Franziska besnaaket det buk „Geisterreiter“, wat ham so en betj gruselig uunhiart an wi hiar iin uun det nei album faan Motorama. Mareike diarjin hee ens iin uun a politik luket an wiar bi’t jubiläum faan’t europäisk spriakcharta. Det an en mase musiik finj jam heer an üüb Westküste FM an Kiel FM.

Heer jaft at niks tu sen, oober en mase tu hiaren. Ferpaase’m das wegs tjabelstünj ei!

Franziska fertäält üs das weg, huaram at ham luanet, buken an hiarspalen uk noch ens weler uuntuhiaren, uk wan ham’s al käänt. Wat jam oober gans sääker noch goor ei kään, as det stak „Iinsperet“. Det as en öler tekst, wat uun de feringkurs faan’t uni uun Kiel maaget wurden as an faan a lidj diar iinsnaaket wurden as. Tau öler staken jeew at al uun tjabelstünj 99. Natüürelk luanet at ham, uk tutuharkin för de rest faan’t program, huar’t am en amfraag gungt, huar lidj beweerte kön, hü gud welwaier uun hör steeden san an hü seeker’s jo feel. An do wiar diar uk noch wat mä’t somertidj an at tidjamsteling.

Das weg gungt as bi üs so en betj diar am, ianfach ens wech tu gungen. At gungt am fernsiar, am raiselast an ferlicht uk so en betj am eskapismus. Wi snaake an drem üs diarfaan.

Wir träumen uns diese Woche etwas in die Ferne, denn es dreht sich diese Woche alles um Fernweh und Reiselust. Also kommt mit uns!

A fering kurs faan’t uni uun Kiel hee hög fertelingen salew skrewen an iinsnaaket. Tau ‚arfaan kön’em das weg bi üs hiar. Jo haa bialen so en betj mä ferkiar tu dun – wan ham det gans generel schocht. An det teema bestemet uk so en betj, huar auer wi noch so snaake: en projekt för muar ferkiarsseekerhaid uun Berlin an am det ünseeker gefääl, det ham üüb en 42 m huuch brag haa kön, wat ei muar so gans hial as.

Mä en mase fein musiik luke wi uk üüb musiik, nemelk en ual partisaanen-stak, wat uun a uugenblak temelk populäär as uun a charts: Bella Ciao. Oober at as ei ales bluat musiik, Mareike hee uk noch en buktip diarbi.