tjabelstünj

Hartelk welkimen uun’t nei juar! Mareike hee das weg en filmtip för jam, huar bi de film wel nooch al en betj ualer as, tatsechelk oober das juar spelet. Of det so gud paaset, det skel’em salew ütjfinj. Bi Franziska uun Wat en Leedji fortelt dreit at ham am en klasiker ütj Irlun, huar efter en komplet musiik- an daans-show nemt as an jam haa’t ja woorskiinelk uun de tiitel al leesen: at gungt am Lord of the Dance. Oober wat genau skal de lord do eentelk wees an wat stäänt diar beeft? An wat san a lekerst eerdaapler-produkten? Marret an Hauke spekeliare diar en betj am an iidj jo troch onerskiaselk slacher chips.

För’t letst feer uun’t juar 2018 jaft at noch ens weler en betj julmusiik, uk bi Franziska uun Wat en Leedji fortelt, Mareike ferklaaret, wan a daar tatsechelk weler linger wurd an Marret an Hauke snaake am lidj ütj (fernseen-) seerien, huarmä ham so auer a juaren irgenthü frinj wurden as – wat do wilems uk bal siar dee, wan jo seerien tu aanj gung.

Ferleeden weg haa’f al begand, daaling tgung at widjer mä julmusiik bi üs an fööraal mä hög fertelingen am det, wat beeft a staken stäänt – of huar am diskutiaret wurt. Diartu haa’f oober uk noch filmtips mä diarbi!

Haale’m a tualiglaachten ütj!

För’t iarst feer sant … naja, sant imer so üngefeer, haa’f en nei stem bei tjabelstünj an snaake föl am musiik, ual kaugummi an filmer.

Diarmä jam beeder troch’t jonk tidj kem!

At föft juarstidj as diar. Diartu fein musiik an musiik, huar faan de tekst en betj nüürig as.

A njüügenst nofember as uun’t tjiisk histoore en temelk wichtigen dai, diarauer wel’f ens beluke, wat diar ales so pasiaret as. Diartu fu’m tau dachten faan Jens E. Mungard an en hiarspal-tip, also harke’m ens tu!

Wi werke föl mä ingelsk arke dai of konsumiare föl medien üüb ingelsk. Diarbi feit ham det ian of öler wurd, spreegwurd of musiikstak mä. Das weg dreit ham bi üs bal ales diar am, wat wi so mäfüngne haa: wat tu’n bispal stäänt beeft a riim „Remember, remember the fifth of november“, huaram as wat so ianfach üüs „a piece of cake“ an wat hee „The Long Way to Tipperary“ tu bedüüden?

Halloween stäänt föör a dör! Huar det ales faandan komt, det fertel wi jam an haa musiik so wel am rasisten üüs uk am gewöönelk lidj.