tjabelstünj

Gudai an hartelk welkimen bi tjabelstünj üüb westküste fm an kiel fm. Wi reise daaling weler ens en betj troch a tidj, nauer saad uun a twuntiger juaren. Ferlicht kään jam Babylon Berlin, det spelet jüst uun det tidj an at jaft en paar intresant saagen auer a abspan faan’t serie. Dan wiar letst wegaanj Erntedank, huar Franziska an ik uun dracht onerweis wiar, an ja, mä en mösduk. An wi haa natüürelk weler mä marret an hauke üüb’t suufa diarbi. Dön bialen snaake am a harewst an noch ens am handy-spalen.

Herzlich willkommen zu tjabelstünj auf westküste fm und kiel fm. Wir reisen heute wieder ein bisschen durch die Zeit, nämlich in die zwanziger Jahre zu Babylon Berlin. Diese Serie hat nämlich einen ziemlich interessanten Abspann. Dann war letztes Wochenende Erntedank, was Franziska und ich zum Anlass genommen haben, mal wieder in Tracht unterwegs zu sein. Und ja, auch mit Maske. Und schließlich sind natürlich Marret und Hauke auf ihren Sofas dabei. Sie sprechen über den Herbst und noch einmal über Handy-Spiele.

Hartelk welkimen bi tjabelstünj tu üüs 200. sending. 200, so lung jaft at üs al. An wi haa wooraftig auer en mase teemen tjabelt. Man wi san noch lung ei bi’t aanj. Uk daaling jaft at weler wat neis. Üb a suufas faan Marret an Hauke gungt  at en betj am üüs jubiläum an am a harewst. Det kön ham jä al sä an feel, det wi uun detdiar juarstidj uunkimen san. Dan reise wi efter Hawaii, dan bi Wat en Leedji fortelt hiar jam at stak „Aloha’oe“. An tuletst gung wi noch uun a zoo, man wan’t al jonk as.

Herzlich willkommen zu tjabelstünj und zwar zu unserer 200. Sendung. Um dieses Jubiläum geht es auch bei Marret und Hauke auf ihren Sofas, außerdem sprechen sie über den Herbst. Dann reisen wir noch mit Wat en Leedji fortelt nach Hawaii und gehen zuletzt im Dunkeln in den Zoo.

Detheer episood wurt di präsentiaret faan fein warem deekens an leker tee. Marret as komplet uun a harewst-modus an frööget ham böös diarauer. Hauke kön det ei gans so gud ferstun, uk wan hi al ferstäänt, det a harewst uk det ian of öler fein saag haa kön.

Wi konsentriare üs oober föör aal üüb a gemüütelk sidjen faan’t jonker tidj faan’t juar an drem faan fein iidjen an musiik. An entelk snaake wi ei tuföl am’t corona-pandemii. Bluat gans kur an eentelk uk bluat, auer Hauke jüst en spal spelet hee, huar uun at diar am gungt, en pandemii tu ferhanrin: Pandemic het at an heer bi’t Asmodee ferlach (nian werbung) finj jam muar am detdiar spalen-rä.

För teskenuun, beeftefter of wan imer jam wel haa wi uk noch en betj musiik diarbi, huar uk am snaaket wurt. Temelk onserskiaselk as det das feer, auer wi uk musiik faan gans onerskiaselk tidjen diarbi haa. At jaft nemelk ei bluat en gans nei single faan Bastille (heer bi üs fu jam det imer gau mä, wan’t nei musiik faan Bastille jaft), man wi haa uk en 75. gebuursdai, wat wi en betj feiere wel.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Janelle Monáe – Turntables
2. Le Tigre – I’m So Excited
3. Damien Rice – 9 Crimes
4. Cate Le Bon – Are You with Me Now?
5. Bryan Ferry – A Hard Rain’s A-Gonna Fall
6. Bastille – Survivin‘
7. Deerhunter – Desire Lines

Marts an september san leewen markant muuner, auer mä jo det warem of det kuul tidj faan’t juar begant. Das juar hee uun a marts oober noch wat gans ölers begand: domools, also föör en hualew juar, san a Corona-beskrenkingen kimen. Wi luke das weg üüb en tidj turag, wat temelk nüürig wiar – ei bluat, am a beskrekingen salew an hör fulgen, man uk auer at gans intresant as, hü ham för seeks of sööwen muun noch auer Corona an Covid snaaket hee an hü’m det nü dee.

Man at jaft uk maner bedrüüwin saagen, huar’t das feer am gungt: en spal-tip haa wi diarbi, wat det outdoor-experience faan sok spalen üüs Pokémon Go an Harry Potter: Wizards Unite mä konst an literatüür ferbant an diarbi uk a kliimawanel ei ferjat. Det spal het Botboot, jam kön det saner ekstra app ianfach uun’t browser üüb en tilefoon spele, of iarst ens uk noch en betj muar diartu lees (imaginethecity, Kampnagel).

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Bully – Where to Start
2. Becca Mancari – First Time
3. Video Age – Pleasure Line

Wi skaafe’t das feer iarst leeder, üüs playlist tu aktualisiarin. Dönheer staken san woorskiinelk iarst faanuf söninj üüb’t playlist tu finjen.

Efter en letj paus, huar uun wi ei tup kimen san, jaft at entelk weler en stak snaak faan üüs suufas. An det as das feer tatsechelk goor ei imer so lacht an lastig, auer uk en mase luas wiar. Spiitigerwiis uk föl mä nazis.

Wan jam jam al fraaget haa, hü’s mä üüs hula-hoop challenge uuntesken ütjschocht, do harke jam woorskiinelk imer trau tu. Föl toonk üüb arke faal diarför! Das weg fu jam gliks tu began en letj update diar am.

At gungt das weg oober fööraal uk am a jonk sidjen faan’t seelskap. Nazis san spiitigerwiis uun a uugenblak temelk präsent. An wan det ei ales nooch wiar, hee Marret sin saster letst uk noch en schört keeft, huar en skäält iinseid wiar, huar ianfach bluat „nazi“ üübstään. Det wiar woorskiinelk en gans dom tufaal, man irgenthü san tu föl nazis aueraal – ei bluat üüb demos, at jeew uk föl atentaaten uun a ferleeden tidj. So düüret de proses am’t atentaat üüb Walter Lübke imer noch uun an jüst as’t en hualew juar weesen, det uun Hanau en nazi-teror-anschlag wiar. Dediar traurig gedenkdai fäält tup mä en öler gedenkdai. A 22. august 1980 wiar uun Hamborig at iarst ferbrechen, wat uun’t Bundesrepublik Tjiisklun üüs nazi-atentaat iinordnet wurden as. Diarbi san uun en asyl-onerkemst tau lidj störwen, wat ütj Vietnam flüchtet san. Bit daaling wurt diar am eranert an uun’t taz küd’m för tau weg en fein interview mä a paaten fan a oofern lees (taz). Wat wi jam oober rocht hal tu harten lei mei, as en episood faan’t Podcast Rice and Shine, huar uun jam en rocht gud maaget an beracht uunhiar kön (Rice and Shine: Hamburg 1980: Als der rechte Terror wieder aufflammte).

Wi haa kön oober uk am hög fein saagen snaake. Hauke wiar tu’t iarst feer sant muuner weler üüb en konsert – oner string pandemii-aplaagen, man imerhen! Wi luke uk noch ens weler üüb Wizards Unite, huar wi uun tjabelstünj #141 al ens am snaaket haa, an beluke en stak ütj en genre, huar wi spiitigerwiis ölers goor ei so föl am snaake: hip hop.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Sharon Van Etten – Senventeen
2. How To Kill A King – Watchmaker (Demo)
3. Zoon – Bleached Wavves
4. Stella Sommer – Do You Still Love Me Now?
5. Cardi B. feat. Megan Thee Stallion – WAP

At wurt nü weler en betj kuuler, oober wi hed at ja temelk hiat auer a fereleden trii weg. Mi persuunelk hee det eentelk gans gud den, oober ik witj nooch, det at föl lidj jaft, wat a temperatuuren goor ei so gud ded. Tatsechelk wiar’t ei bluat heer uun Tjiisklun temelk hiat, uk öler steeden üüb a wäält haa nei hatj-rekorden meldet. An üüs ik diar noch en betj muar recherchiire wul, san ik at aanj bi’t puurt tu a heel uunkimen.

Diarmä’t ei tu warem wurt, jaft at oober tutmanst uun üüs playlist hög staken am uftukäälen.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Woods – Rain On
2. Plastic Bertrand – Ça Plane Pour Moi
3. No Vacation – Changes
4. Toro y Moi – Ordinary Guy
5. El Michels Affair – Sha Na Na (feat. The Shacks)
6. Oracle Sisters – The Vibes

Wi san turag faan üüs enkelt urlaubsreisen an wel noch ens turagluke, wat mä blak üüb’t coronapandemii üüb a reisen gud gingen as, huar wi üs seeker fääld haa – an huar ei.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Fonaines D.C. – Televised Mind
2. Bastille – WHAT YOU GONNA DO???
3. Mattiel – Guns of Brixton
4. To Kill a King – We Used to Protest / Gamble (Accoustic)
5. Beach House – Lazuli
6. Stromae – Formidable
7. L.A. Salami – Things Ain’t Changed
8. Stella Sommer – A Lover Alone

En somrem as’t normoolerwiis tidj för welrenen. Det woorskiinelk bekäändst as was at Tour de France. Man sok en trinjam-renen jaft at ei bluat diar. At jaft tu’n bispal uk pendants uun Spaanien, at Vuelta a España, an uun Itaalien, a Giro d’Italia. Uun a uugenblak schocht at mä ale renen ei so gud ütj, auer uk jo am’t corona pandemii ufsaad of üüb en leeder ponkt amlaanjen wurden san. Hauke luket das weg üüb en histoorisk episood faan a Giro d’Italia, wat bluat gans kurt uundüüret hee: at suart trikot. An det as uk de grünj, huaram das feer ales suarts so en betj iin uun a fokus komt.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Arlo Parks–Black Dog
2. Charles Bradley–Black Velvet
3. Waldeck–Black & Blue
4. The White Stripes–Black Math
5. Led Zeppelin – Black Mountain Side
6. Bert Jansch – Black Water Side

Auer a ferleeden wegen haa wi al en redusiaret program üüb’t suufa hed, oober nü as’t tatsechelk ens tidj för urlaub. Wi snaake das weg am plooner för urlaub an hü det mä urlaub uun corona tidjen auerhood gungt. An wi haa en letj spal, huar Hauke faan toocht, det at gans lastig wees küd. Oober at aanj wiar hi dediar, huar auer laachet wurd.

Nei Musiik jaft at uk uun üüs suufa playlist (üüb Apple Music an Spotify):

1. Porridge Radio & Lala Lala – Good For You
2. Pottery – Under the Wires
3. Panic! At the Disco – Into the Unknown
4. Dehd – Flood
5. Mattiel – Looking Down the Barrel of a Gun

Hauke noch ens weler alianing, oober mä nei musiiktips, wat jam üüb üüs suufa playlist uunhiar kön.

1. The Beatles – Come Together
2. Travis – Valentine
3. Steve Gunn & Cass McCombs – Wild Mountain Thyme
4. Frittenbude – Die Dunkelheit darf niemals siegen (feat. Jörkk Mechenbier)