tjabelstünj

Tesken kimchi an schaumküssen wurt at weg rekapituliaret mä fein musiiktips, iidjen tu puask, seerientips an snaak.

1. Arlo Parks – Eugene
2. Benjamin Gibbard – Quarantine Song
3. JETZT! – Kommst du mit in den Alltag?

Üüs leewen finj jam dön staken mä öler musiik, huar wi al am snaaket haa, üüb üüs suufa playlist üüb Apple Music an Spotify.

Heer komt jau update faan a wokst an gemüütelkst suufas uun Lübeck an Hamborig. Ferleeden weg haa wi al am sport an iidjen uun’t corona-tidj snaaket an wi wel diar noch ens efterfraage, of uk ales so gung, üüs wi üs det föörstääld haa. At as ja uk gans wichtig, det ham ens luket, hü at a ölern gungt.

Letst weg haa wi mä’t Hula Hoop Challange begand. Hü schocht at diar ütj? San wi noch gud diarbi, üs tu beweegin?

Ham skul ei tu föl efter bütjen gung. Likes skal ham een uf an tu ens beweege an uk äärne. Det as ja uk ales gud, oober diar san uk öler lidj, huar ham een mä corona bi infisiare küd. Of ham küd jo infisiare, wan ham det virus al hee, saner det ham det tatsechelk witj. Diarauer sai föl lidj, det at nü gud as, maskin uuntutjin – for een salew, oober föl muar uk för ölern. Wat ham diar gud för brük kön an wat Hauke sin iarst erfaaringen diarmä bütjen wiar, hiar jam heer.

Bi üs wurt aran bluat noch eden. Det as wel nooch leker, oober saner sport irgentwan uk ei muar so sünj. Diarmä wel’f üs ei plaage, wi snaake leewer diar am, wat Marret mä ian kilo kwegels dee an wat Hauke mä en geerpot fol kual föörhee.

1. King Krule – Please Complete Thee
2. Kevin Morby – I Was On Time
3. Ella Fitzgerald & Louis Armstrong – April in Paris

Üüs leewen finj jam dön staken mä öler musiik, huar wi al am snaaket haa, üüb üüs suufa playlist üüb Apple Music an Spotify.

Diar san wi al weler! Faan nü of uun – so lung üüs wi ale aran bliiw skel – jaft at üüs podcast nü arke weg. An wi haa uk en mase tu fertelen.

Das weg gungt at föl am beweeging. Det komt uun a uugenblak jo gau uk en betj tu kurt. Diarauer besnaake wi ens, wat ham gud ens du kön of wat wi uk al du. An üüs det so as, jaft at uk gliks en weedstridj: at Hula-Hoop Challenge tesken Marret an Hauke (an arken, wat uk mämaage wal!).

Wichtig as oober ei bluat, een tu beewegin, man uk det rocht eden wurt. Diar jaft at ja bal religiöös meeningen tu, diauer heer wat gans ölers: en leker resept för dönen, wat tu föl hamstert haa an ei widj, wat’s diarmä du skel. Of för dönen, wat noch föl auer haa faan a wonter, wat’s ei mä iin uun’t naist saison nem wel:

Jam brük:

• goobler-nuudler
• kichereerten (ütj at duus)
• ruadkual (ütj at glees)
• piinienkernen
• drügt tomaaten (of beeder: sok snack-tomaaten ütj a pöös – also drügt tomaaten, wat klaar tu’t iidjen san)

A nuudler wurd kööget, faan a kichereerten at weeder ufjööden an a eerten ens uftwaanjen. A piinienkernen kön en betj röstet wurd, do san’s üüb arke faal am besten. A tomaaten letj skeer, de ruadkual ianfach bluat eeben maage. Wan a nuudler ufkääld san, wurd ianfach ales tupmikset an mä saalt, krüsköömen, en betj chili, pöber, ööle an jonk balsamico eetj würtset.

Schocht nüürig ütj, as oober gans leker.

Wi snaake noch am öler saagen, oober hiar jam jam det ianfach uun. Heer wel’f bluat noch kurt üüb en stak musiik henwise, wat das weg üüb üüs playlist kimen as. „Als wär’s das letzte Mal“ faan DAF as det. Üüb at playlist as’t ei bluat kimen, auer detheer tidjluas fiartig juar ual stak temelk gud ual wurden as, man fööraal auer de schonger faan DAF, Gabi Delgado-Lopez, das weg störwen as.

Üüs leewen finj jam det stak mä öler musiik, huar’f das weg am snaake, üüb üüs suufa playlist üüb Apple Music an Spotify finj kön. Daaling san dönheer staken nei diar ap kimen:

1. Elvis Presley – Rock-A-Hula Baby
2. Clueso – Keinen Zentimeter
3. DAF – Als wär’s das letzte Mal

At as en temelk iarnst situasjuun uun a uugenblak. Man wan arken so gud at gungt aran blaft an nian kontakt tu öler lidj hee, küd at werke, det at corona-epidemii ei so grat wurt. Uun det tidj skal ham wel nooch irgentwat du. Wat at diar för mögelkhaiden jaft an wat al ales startet wurden as, diar snaake wi das weg am.

Wi haa uk en betj musiik mä diarbi, wat jam üüs leewent üüb üüs suufa playlist üüb Apple Music an Spotify finj kön:

1. slowthai & Mura Masa – Doorman
2. K.I.Z. feat. Henning May – Hurra die Welt geht unter
3. Bloc Party – Banquet

Marret as ei diar, wat skal’m do du? Ham küd alianing üüb’t suufa sat an skrial, ham küd een besüp, bit at irgenthü beeder wurt, of ham küd Marret uk ianfach postkoorden skriiw.

Das weg jaft at trii postkoorden för Marret mä musiiktips, seerientips an en tupfaading, wat so luas wiar.

1. Bloodwitch – Fly
2. Captain Beefheart & His Magic Band – I’m Glad
3. Swutscher – Affenkönig
4. Messer – Tapetentür

Jam finj det ales üüb üüs suufa playlist üüb Apple Music an Spotify.

Wi began diar, huar wi ferleeden weg aphäälen haa. Wan wi doch muar mä’nöler snaake wul, do wost wi ferlicht uk, hük staken wi arkes feer tatsechelk üüb üüs playlist du. So as’t nü kimen, det Hauke das weg noch wat tu en stak faan’t letst episood sai wal. Ölers gungt at am termiinen bi a dochtern an det wi spiitigerwiis imer noch föl tu föl mä nazis tu dun haa.

00:08
Noch ens am ferleeden feer: Det stak Green Fields of France (No Man’s Land), wat Marret uun üüs letst episood rekomendiaret hed, det jaft at uk noch uun öler wersjuunen. Tu’n bispal üüb tjiisk faan Hannes Wader – ian stak, wat Hauke hal liis mei. An auer det uk temelk populäär uun’t anti-krichs-beweegin wiar, snaake wi diar kurt am. Muar am a beeftgrünjer faan detheer stak hiar jam das weg uk uun’t rubriik Wat en Leedji fortelt bi tjabelstünj!

04:22
Wan wiar jam tuletst bi en dochter? Wilems as’t goorei so lacht, ale termiiner iintuhualin, wat ham eentelk natige skul – of auerhood termiiner tu fun.

13:50
Jin kraankels an öler komer halept oofting jo uk so en betj wat för’t sial. Diar haa’f al muaris feeststääld, det det bi üs uk föl mä musiik tu dun hee. Natüürelk haa’f das weg uk hög staken för üüs playlist mäbroocht. Tu’n bispal faan AnnenMayKantereit an a Gorillaz.

18:02
Mä musiik gungt at widjer: wi hed ens det rubriik „staken jin rochts“ bi tjabelstünj. Gans hiamelk haa’f üs domools al wansket, det det rubriik ei lung benatigt wurt. So as’t oober ei kimen, an ferlicht skul wi det ens weler belewe. At jaft üüb det album faan Max Herre faan 2019 en stak, huar at Nazi-tidj, det imer noch präsent rochts gewalt an fertelingen faan Max Herre sin ualmam mä’nöler ferwerket wurd.

An do jaft at uk noch Nazis uun’t politiik. Wi wel goor ei so föl am politiik snaake, kön oober uk ei swige.

1. Hannes Wader – Es ist an der Zeit
2. AnnenMayKantereit – Ausgehen
3. Gorillaz – Momentary Bliss
4. Max Herre feat. Megaloh & Dirk von Lotzow – Dunkles Kapitel

Jam finj det ales üüb üüs suufa playlist üüb Apple Music an Spotify.

Wi nem jam das weg uk weler mä üüb üüs suufa. Diar gungt at am föl saagen, wat eentelk goorei so gemüütelk an fein san üüs wi heer sat. Tu’n lok haa’f oober uk rocht so gud keeken an istee diarbi.

0:23 | Brexit – Wat hee’m för üs anert?
Nü as’t so widj, det Grat Britanien nian dial faan’t EU muar as. Hü wi det belewet haa an wat’m för üs anert hee, besnaake wi. Diarbi spelet uk tee en wichtig rol an en amfraag faan YouGov.

A quarter of Brits (26%) – and 41% Leave voters – say they’re bothered when they hear those from a non-English speaking country talking to each other in their own language whilst in the UK https://t.co/akekgz2WLE pic.twitter.com/uAACcyRM1o

7:54 | Keeken & nööd-nougat-bruad
Wi haa’t gemüütelk, tee an uk nei keeken. Jo san so gud, det Marret gliks begant, faan nööd-nougat-bruad tu dremen. Wat as det perfekt nööd-nougat-bruad?

12:07 | Coronavirus & rasismus
Lidj, wat för asiatisk häälen wurd, haa’t uun a uugenblak goor ei lacht. Uun tidjen, huar fölen baang san, mä’t coronavirus infisiaret tu wurden, jaft at gans eeben rasismus jin jo (taz, tagesschau). Det as temelk dom an traurig. Wie snaake diar am an uk am de Twitter-thread faan Yuli Yang, en wüf ütj Wuhan, wat ens ferklaaret, wat för fein fertelingen at uk am an auer Wuhan jaft.

I am a Wuhan girl living in Hong Kong. Right now, all my close family is under lock-down back in my hometown, at the epicenter of this epidemic.

20:38 | Musiiktip: Fynn Kliemann – Eine Minute
Teskeniin noch en musiiktip faan Marret: det neist stak faan Fynn Kliemann, „Eine Minute“ (hiar di det uun üüb Apple Music of Spotify).

22:38 | Hü ham at „Bild“ nare kön
Wi wel heer nian kampanje maage jin det Bild-bleed. Det kön jo lidj diar al salew gans gud. Wi haa oober uk en betj laachet, üüs wi sen haa, hü lidj at online redakschuun faan Bild naret haa – mä gans ianfach metooden: ufanert nöömer.

1. Loyle Carner – Ottolenghi
2. Fynn Kliemann – Eine Minute

An wi haa noch muar, wat wi jam eentelk mädu wul, huar wi oober uun’t episood goorei tu kimen san:

1. Dropkick Murphys – The Green Fields of France (No Man’s Land)
2. AnnenMayKantereit – Neues Zimmer
3. Dritte Wahl – Fliegen

Jam finj det ales üüb üüs suufa playlist üüb Apple Music an Spotify.

Wi haa üs wat neis auerlaanjen: nü san wi (Marret an Hauke) bluat noch arke öler weg tu hiaren, diarför oober uun en aanj formaat: Mä Marret & Hauke üüb’t suufa. An am wat neis gungt at uk, neemelk am’t nei juar. Det as nü uuntesken goor ei muar gans so nei, oober ferlicht as det uk jüst de rocht moment, am ens feesttuhualen, wat faan det, wat wi üs föörnimen haa, so loket as an wat ei. Auer miast gungt det ja gans gau, det ham sin Vorsätze do breecht. Diartu rekomendiare wi uk seerien an musiik üüb üüs nei suufa playlist.

1. Euroteuro – Bla Bla Bla
2. L.A. Salami – My Old Friend
3. Mighty Oaks – Tell Me What You’re Thinking

So gungt det juar tu aanj. Wi snaake noch ens am jul an wat lidj för puan diarmä haa (of uk ei), wat das juar so uun a streaming tiinsten spelet wurden as an huar’m noch so am snaaket, wan a feierdaar diar san.

At san noch am an bi 12 daar bit jul an jüst am sok twaalew daar gungt at das weg uk bi Wat en Leedji fortelt. Uun detdiar stak wurt wel nooch faan a 12 daar efter jul snaaket, oober det as för üüs show notes ja nü ei so wichtig. Huar wi das weg uk noch üüb luke, san filmer an seerien, wat för üs üüb arke faal tu’t fulfest diartu hiar – föör, am an efter jul. An bi detdiar teema san wi uk üüb det fraag kimen, huaram lidj uun (föör aal amerikoonsk?) filmer oofting a skuar uunbehual – sogoor wan’s üüb’t suufa of baad sat.

Üüs playlist faan detheer episood finj’m heer: playlist #160