Todos os podcast | A crónica deportiva

Ángel Suances achégase ás figuras que personifican, nestas Letras Galegas 2025, a poesía popular oral. E faino falando coas asociacións culturais Raigañas e Malante (herdeiras das pandeireteiras de Mens , Teresa García Prieto e Prudencia e Asunción Garrido Ameijenda), presentes no acto institucional da Xunta. E tamén co gupo "Xunqueira", das Encrobas e coa cantareira Rosa Balbina Barbeito, sucesoras de Adolfina e Rosa Casás Rama, de Cerceda; para rematar en Muxía, lembrando a Eva Castiñeiras, coas voces da Asociación Cultural Abaladeiras e da académica Ana Boullón.

Óscar Perez, Leo Cousillas e Candela Lema explican que o principal obxectivo deste post é "recoller o legado das pandereiteiras de Mens e darlle continuidade"; a vez que é unha homenaxe a todas as cantareiras, e ás asociacións culturais que retomaron e proseguiron ese camiño.

Destaca a "Ruada nun mar de letras" que se celebra esta tarde no Campo da festa da localidade, coa actuacións de Carcaxía, Malante, Do Revés e Caamaño & Ameixeiras.

"Pandereiteiras" é unha obra de Xosé Manuel Varela e da súa filla Icía Varela, ilustrada por Nerea Gómez. Durante a entrevista , o filólogo e escritor destacou que "Bergantiños é un verxel", na tradición oral galega. Unha tradición recollida noutro libro seu "Cantareiras", un percorrido, en catro etapas, pola herdanza e pegada da música e poesía popular.

Series documentais como "Se canto é porque quero", proxectos como "Primavera das letras", e distintos contidos divulgativos, súmanse ao acto central, un pleno extraordinario da RAG, hoxe, en Malpica de Bergantiños.

Eva Mejuto compila algúns dos últimos libros infantís sobre as cantareiras. Dinguirindiña. A viaxe de Saleta a pandeireta con texto do grupo Caldo e ilustracións de Ro Ledesma; Tacón, punta, tacón, de Anxo Iglesias e ilustrado por Laura Romero; A avoa canta como a cotovía, de Celia Díaz e Alba Santa e Eu non canto por cantar, de Antón Santamarina e Manuel Rico.

Isabel Freire conversa con Rodrigo Romaní sobre Eva Castiñeira, unha das homenaxeadas nas Letras Galegas de 2025. Nada en 1925 no lugar de Agranzón, en Muxía, emigrou á Coruña, onde a coñeceu Rodrigo Romaní, integrante de Milladoiro. En 1981 o grupo convidounas a ela e á súa irmá Engracia a participaren nun concerto no pavillón de deportes. Convertéronse nas primeiras pandeireteiras en subir a un escenario cun grupo folk.

Afonso Becerra comenta ‘Roland mon amour’, un monodrama de desexo e música que mestura a escrita, o baile e a plástica. De Cris Balboa

Imos ata Cannes con Natalia Penas para sabermos da estrea de ‘Sirat’, de Oliver Laxe, recibida con entusiasmo na súa proxección onte á noite.

Eva Sandino pescuda na conexión entre o noso repertorio oral popular e as músicas máis actuais: das cantareiras a Mondra ou Tanxugueiras.