Todos os podcast | A crónica deportiva

Convidamos á gañadora do premio Artesanía de Galicia 2024, Julia de la Cal a comentar o seu traballo e avaliar a situación que atravesa o sector artesanal no país. A nosa colaboradora Raquel C, Pico fálanos dos memes.

Ailá preséntanos o seu cuarto disco, 'Tradimensional', no que volven reunir un repertorio orientado ao baile. O grupo incorpora unha nova integrante, a zanfonista Manuela Fraguela de 17 anos. Conversamos coa vocalista e pandeireteira Ángela Carou e co acordeonista Xan Pampín.

Manel Cráneo fálanos de horror e ciencia ficción na banda deseñada a través do fanzine coruñés Altar Mutante, que fai 10 anos. Falamos cun dos seus directores, Luís Sendón.

“Queremos ofrecer unha concepción da música de cámara ou do formato de concerto diferente”. Lítore Quartet estrea o conto escénico Selkie, do compositor Brais González

A publicación nun volume da obra literaria en galego ao completo de Francisca Herrera da pé a Dolores Vilavedra a lembra-la figura da escritora coruñesa. Fálanos da súa relación con Murguía e Rosalía, das dificultades que tivo que superar trala guerra civil ou dos inxustificados atrancos que demoraron o seu ingreso na RAG.

Pontevedra acolle do 10 ao 15 de decembro a novena edición do Festival Internacional de Cinema. O director artístico do certame, Suso Novás, fálanos dun evento no que se proxectan 39 longametraxes e que este ano se desenvolve baixo o lema "Defender aos que arriscan". Ademáis, a profesora Dolores Vilavedra preséntanos a obra literaria en galego de Francisca Herrera.

O valor histórico da fotografía de M. Chicharro na mostra "Compostela a Lupa. Manuel Chicharro Bisi entre dous aniversarios 1849-1924" que se presenta na Casa do Cabido: “Pódense ver detalles minúsculos, antes imposible de percibir”.

Segunda entrega do Black Metal galaico. Guitarras potentes soando na Radio Galega.

O tomiñés Gabriel Fandiño, G. Face, animouse a gravar un disco en galego tras gañar o concurso da canción do verán da TVG con "Vaivén". "G. Face na casa" é o título do documusical que acaba de subir ás redes este artista de 23 anos.