Todos os podcast | A crónica deportiva

Unha historia arredor da intersexualidade. 'Run Baby Run' estréase no Salón Teatro de Compostela os días 6, 7 e 8 de outubro. Trátase dunha historia arredor da intersexualidade da que charlamos con Fátima Delgado, autora do texto, e Jana Pacheco, directora da obra.

Dolores Vilavedra mergúllanos en 'Coímbra', unha novela autorreferencial de Xosé De Cea que aborda a emigración galega en Cataluña vivida por un neno. Publica Galaxia.

O Corno, película dirixida por Jaione Camborda, resultou premiada no Festival Internacional de Cine de Donostia. Supón a primeira victoria dun filme galego (en galego) no circuíto de festivais máis relevantes do panorama internacional. Do seu éxito charlamos coa súa actriz protagonista, Janet Novás.

Emilio Españadero trasládanos ó Festival de Cultura Tradicional que se celebra estes días en Lugo polo San Froilán.

É 'Now and Then' a derradeira canción de The Beatles?Debatémolo con Tito Lesende na estrea mundial da peza, que une a voz de John Lennon nunha maqueta de 1977 cos instrumentos de Paul McCartney, Ringo Starr e George Harrison.

Última hora do Las Palmas-Celta e o Espanyol-Racing que se xogan o luns, na 1ª RFEF o Fuenlabrada remóntalle ao Dépor no engadido, no baloncesto o Ensino supera o Uni Ferrol e no surf Esperanza Barreras suma dous ouros máis nos mundiais de stand up paddle

O Corno, película dirixida por Jaione Camborda, resultou premiada no Festival Internacional de Cine de Donostia. Supón a primeira victoria dun filme galego (en galego) no circuíto de festivais máis relevantes do panorama internacional. Do seu éxito charlamos coa súa actriz protagonista, Janet Novás.

O Festival Internacional Outono de Teatro de Carballo abrirá o seu Programa de sala coa estrea absoluta de Apaga o candil, espectáculo coproducido polo FIOT e Contraproducións. Cun pé no humor e outro na emoción, Candido Pazó, un dos dramaturgos galegos máis prestixiosos, narrador e admirador de Carlos Díaz O Xestal, achéganos á figura do singular contador de contos.

Emilio Españadero trasládanos ó Festival de Cultura Tradicional que se celebra estes días en Lugo polo San Froilán.

Programa especial dedicado ao Ourense Film Festival desde o centro cultural Marcos Valcárcel de Ourense. Con Enrique Otero e Javier Gutiérrez, director e protagonista da película ‘Honeymoon’, que forma parte da sección oficial do festival e de Panorama Galicia; a cineasta mexicana Lila Avilés, directora de ‘Tótem’, outro dos filmes da sección oficial do OUFF e o director do festival, Miguel Anxo Fernández.

Tamén conversamos con Marisa Paredes e Chema Prado, a conta da exposición fotográfica ‘Series’, coa coordinadora da sección OUFF en curto, Laura Guizán e o cineasta Santos Díaz, un dos participantes.

O Centro Galego de Arte Contemporánea convídanos a celebrar os seus primeiros trinta anos de vida en Compostela. E faino con dúas exposicións e diversas actuacións que inclúen un espectáculo de danza vertical. Charlamos do seu aniversario co seu director, Santiago Olmo, e co artista Antón Pulido.

O movemento rápido dun remuíño de auga ou de aire, un vórtice, dá nome a unha nova compañía de teatro: Vórtice Escénico, que se estreou con ‘ASFIXIA’ de José Luis Baños de Cos. É o que nos trae Afonso Becerra nas artes escénicas.

Santiago de Compostela é quizais a cidade europea con maior densidade de gárgolas, esas máscaras pétreas —enigmáticas, divertidas, transgresoras— que nos contemplan desde o alto a partir da Idade Media. Hai máis de 300, e nesta pioneira guía trilingüe (galego, castelán e inglés) selecciónanse 30 das máis singulares, nunha ollada nova e moi sorprendente da nosa capital. Publicada conxuntamente polo Consorcio de Saniago de Compostela e a Editorial Alvarellos, a guía conta coas fotografías de Xaime Cortizo. Nós quedamos con Benxamín Vázquez, autor da guía, xornalista xubilado e escritor, polas rúas de Compostela para falarnos das 'Gárgolas de Compostela', a súa guía para coñecelas.