Sodes de tirar ou de reparar? Preguntámosllo aos oíntes e ademais falamos con Ana Núñez, da empresa Feitodepao, especialista na restauración de mobles de madeira. Celebramos os 40 anos da Agrupación de Montañeiros Independente da Coruña conversando con Félix Criado, Mariquiña Castiñeira e Fausto Blanco. Cada vez máis xente comparte coche para ir ao traballo. O profesor Pablo Rodríguez creou unha aplicación chamada Blablacole para que os mestres poidan organizar os seus desprazamentos. Como facer unha boa croqueta? Responde á pregunta José Luis Guesalaga, responsable das tendas Croqueta y Presumida. Tamén probamos filloas, pero as musicais que nos trae Iago Galego. Nuria Benlloch, unha das creadoras da empresa viguesa Las Flores de Greta, cóntanos o que é o ecoprint. Voamos en parapente polos ceos de Oia con José Luis Díaz, xerente de Parapente Factory, e propoñemos asistir á representación da obra teatral "Ninguén tira fotos nos enterros", de Carlota Mosquera.

É o chandal unha prenda para facer deporte exclusivamente ou pódese vestir a diario? Debatémolo cos nosos oíntes e coa xornalista especializada en moda Inés Peleteiro. Carla Sánchez descríbenos as actividades que programa este inverno o Parque Arqueolóxico de Arte Rupestre de Campo Lameiro. Falamos de arte urbana e muralismo con Patricia Cupeiro e Miriam E. Cortés, as coordinadoras do libro "Pegadas no muro". David Mon preséntanos o seu documental "Moraleza", que xa se pode ver en Agalega. Imos a un ximnasio de Vigo para saber que medidas aplica para evitar a proliferación de bacterias. O profesor de xeoloxía Joan Escuer explícanos como son as reservas de petroleo de Venezuela. O tenente de alcalde de Lugo Rubén Arrojo cóntanos como se vai remodelar o Carril das Flores. Mergullámonos na vida dos opositores conversando con Alfonso Villares, das academias Nós, e o doutor Norberto Proupín dinos en que consiste o problema visual que chamamos cataratas e como se trata.

A música e o baile galegos xa son Bens de Interese Cultural. Como protexelos? Consultámosllo ao director de Xacarandaina, Quique Peón, e á etnomusicóloga Xulia Feijoo. A que nos referimos cando dicimos que hai que levantar a paletilla caída? A resposta tena a fisioterapeuta e antropóloga Lidia Mariño. O xerente de Amextreme, Luis Fernández, proponnos realizar actividades de turismo activo ou de aventura en Galicia. A cociñeira Loli Lamas cóntanos o segredo do cocido do Mesón de Crecente, en Lugo. Comentamos os altos prezos do café nos aeroportos galegos. Falamos de como evolucionaron os periodos de rebaixas con Luis Rivera, presidente o Centro Comercial Aberto de Ourense. O fotógrafo Alberto Ameneiro cóntanos cales son as chaves para realizar boas fotografías promocionais. O óptico Alex Dubra danos consellos para protexe-la visión cando imos á montaña. Mónica Maneiro lévanos á exposición de Pablo Quesada na Galería Néboa de Lugo e Maximino Pérez explícanos como debemos quita-lo xeo do coche.

Antón Rebollido ten nostalxia das cabinas telefónicas e quixo repasar a historia do teléfono con José Manuel Martínez, decano do Colexio de Enxeñeiros Técnicos de Telecomunicación de Galicia. O programa ven cargado de música porque falamos: con Roi Grandío do seu grupo; co grovense Rubén Domínguez do seu proxecxto Pantis; e coa viguesa Rebeca Rods da súa próxima actuación no Madison Square Garden de Nova Iork. Andrea Jamardo debulla o libro-xogo de Ledicia Costas "Bruxas e dragóns". Na Fonsagrada Manuel Pérez ensínanos a facer un butelo. A nutricionista Adriana Fernández danos algúns consellos para alimentarnos correctamente entre os excesos do Nadal e o entroido. Marta Cousiño cóntanos como se acompaña aos demandantes de emprego dende a Fundación Amigos de Galicia en Ourense. Comentamos o peche dos cines Espazo Coruña e o antropólogo Rafael Quintiá explícanos o motivo da súa viaxe á fronteira entre Alxeria e Libia.

Seguemos utilizando almanaques de parede? Preguntámosllo ao impresor coruñés José Valiño. Adrian Méndez cóntanos a historia da "cega de Noceda", unha violinista nada na Fonsagrada en 1903. Sobre ela e a súa música versa o libro "O violín que trae o vento". Laura Portas preséntanos a súa novela "El palacio del agua", ambientada no balneario de Mondariz nos anos 20 do século pasado. Visitamos unha tenda da Coruña fundada hai 130 anos, "El Riojano". Descubrimos un altar construido nun carballo centenario en Begonte. Subimos a un taxi en Vigo para acompañar a anciáns dunha residencia a ver o alumeado de Nadal. En moitas cidades están xa en pleno proceso de retirada da decoracióin navideña. Abel Vázquez cóntanos como é ese traballo. A nutricionista Sofía Bouzas explícanos as cualidades dalgúns alimentos que están de moda e a cantante viguesa Rebeca Rods fálanos da súa próxima actuación en Nova Iork.

Débese prohibir escoitar música ou cantar no traballo? Hai quen pensa que si. Nós preguntámoslle se é legal facelo ao avogado José Carlos Bouzá. Conversamos sobre os efectos da exposición precoz ás pantallas co presidente do Colexio Profesional de Enxeñeiros Informáticos de Galicia, Fernando Suárez. Pulsamos a vitalidade da industria cosmética galega con Miguel de la Calle, fundador de Chorima Cosmética Atlántica. A alcaldesa de Cee, Margot Lamela, cóntanos como é a nova campaña de imaxe que lanza o eu concello. Dende Begonte Juan Carlos Fernández cóntanos a canto se está vendendo a leña este inverno. Estíbaliz Osorio explícanos dende Palmés a linguaxe das campás. Percorremos as bibliotecas de Vigo e da Coruña para falar cos estudantes que preparan alí os seus próximos exames. Damian Rozas guíanos pola exposición "Bicos de cine" na Fundación Manuel Moldes. Ademais Tito Lesende dinos como se presenta o ano musical en Galicia e Nusca Chousa tráenos os seus consellos para coidar a horta.

Imos de rebaixas pola Coruña e por Vigo. Queremos saber tamén como afronta este periodo o pequeno comercio e preguntámosllo a Rosa Barrio, que rexenta un establecemento en Melide. Sen sair desa vila coruñesa visitamos a zapatería de Antonio Romero, que está aberta dende 1892. Pasamos por outra tenda, a de Beti Sieiro en Santiago, na que se poden alugar traxes de época e disfraces. Presentamos un novo grupo ourensán, Guamil. Falamos co seu guitarista, Fernando Gil, e co baixista, Edu Pérez. Conversamos con María Quiroga sobre a súa primeira novela, "Perder o norte". Facémonos eco da presentación da versión teatral das "Memorias dun neno labrego". No Día do Selo Postal procuramos saber que é o que move aos coleccionistas e para iso entrevistamos ao presidente da Federación Galega de Sociedades Filatélicas, José Luis Rey. O doutor Norberto Proupín trata o problema da ansiedade.

A nosa colaboradora Virtudes comenta as consecuencias dos excesos gastronómicos do Nadal e o farmacéutico Iago Regueira danos consellos para minimizar os seus efectos. Buscamos tamén consellos para afrontar a custa de xaneiro falando coa analista de custos Enma Coello. Imos ata Saria para falar con Brandán Corredoira e Fátima Cacheda, a parella que fixo posible que por primeira vez se instalara na vila a carpa dun circo. Paseamos polo Museo do Xoguete de Allariz da man de Juan Seara. Escoitamos a algúns dos loteiros que repartiron premios no Sorteo do Neno da Lotaría. O dean da catedral de Mondoñedo, Félix Villares, explícanos o traballo que se fai no arquivo diocesano para facilitar a documentación que lles piden estranxeiros que andan á procura de obter a nacionalidade española. Conversdamos con Clara Cantore, a artista arxentina que compón e grava en Compostela. Mónica Maneiro comenta a exposición da fotógrafa Annie Leibovitz na Coruña e con Maximino Pérez seguimos debatendo sobre o uso das balizas no coche.

Entre os nosos propósitos para o novo ano está facer deporte. Preguntámoslle a Marisol Quintáns, responsable dos ximnasios de Vigo Máis que Auga, se hai moita máis xente pensando o mesmo. Tamén queremos aprender técnicas de meditacióin, para ol que lle pedimos consello á experta Carola García. Coa cabalgata ás portas falamos con Juanjo Rodríguez, director de Totality Group, unha empresa de Ourense que fabrica carrozas para os reis. Para saber máis sobre o columbofilia imos á Sopciedfade Viguesa de Pombas Mensaxeiras. Conversamos con Matero Busquetas, o músico que se agocha tralo alcume de Vizzconde. Aínda que pareza mentira seguen abrindo librarías. Falamos cos responsables de duas que botaron hai pouco a andar: Boulevar en Bueu e Lume na Coruña. Coñecemos a unha deseñadora coruñesa, Lara Fandiño, que creou un almanaque en galego e o astrónomo Borja Tosar fálanos da estrela de Belén.