Desvelamos a nova programación da Radio galega. A directora de novas plataformas da CSAG, María Sabucedo, preséntanos "Pipo" a serie que estrea Xabarín.gal. Luis Villares amósanos a realidade dos cans abandonados dende a protectora da Manco,munidade de Ferrolterra. Apuntámonos a un Escape Room con sabor histórico en Vilalba. O alcalde de Carnota, Juan Saborido, lévanos á Caseta Pepe do Cuco, o Museo automatizado da tradición mariñeira. Coñecemos o oficio de carpinteiro de ribeira con Francisco Fran. Visítanos o actor Pepe Suevos. Percorremos o concello de Lousame e ademais temos as colaboracións de Carlos Crespo e Joel Padín.

Carla Mosquera e Tito Rober improvisan esta Tarde. O biólogo Xavier García Galdo fálanos da presenza de candorcas e carabelas portuguesas nas costas galegas. Visítanos o Tiktoker Juan Sieira. Acompañamos aos vixiantes voluntarios dos montes das Somozas. Odón Castro, da asociación Agromuralla, explícanos como están levando forraxe a Ourense para atender o gando afectado polos inendios. Presentamos unha empresa de San Cibrán das Viñas que leva máis de tres décadas fabricando carrozas para espectáculos. Carlos Díaz lévanos de viaxe pola provincia de Pontevedra. Con Marta Cousiño, da Fundación Amigos de Galicia, coñecemos unha campaña de doazón de material escolar a alumnos que o necesitan. Marga Tojo trae na súa mochila libros de poesía. Begoña Vázquez conversa con Carla Simón, a directora de "Romería", unha película rodada en Vigo. Subímons ao escenario coa orquestra Suavecito e Moncho Lemos evoca a traxetoria de Manuel de la Calva.

Preguntámoslle a Víctor, un polbeiro de Arcos, como se miden as racións e por que se venden a prezos tan dispares. O experto en seguros Adolfo Campos lémbranos que dentro de pouco será obrigatorio contratar un seguro para conducir un patín eléctrico. Reflexionamos sobre o xenocidio en Palestina coa cantante e compositora Najla Shami. Raul Villares lévanos á Pantín Classic. Iago castro preséntanos a Xoana Pousa, a crreadora de "Cuchiflainas". Falamos da actriz Verónica Echegui co director da derradeira película que protagonizou, Simón Casal. Marcos García, de Pantón Rural, proponnos participar nun escape room entre viñedos. Amador Castro coméntanos en que consiste a súa residencia literaria en Islandia. Ánxela Diéguez fainos de guia turística polo Valadouro. Coñecemos á coruñesa Chefga Alonso, compositora e doutora en improvisación libre. Visitamos a romaría do Naseiro en Viveiro.

Estamos ás portas dunha fin de semana festeira. Begoña Vázquez fainos a axenda de celebracións, pero ademáis pasamos polo entroido de verán de Redondela con Carlos Veleiro, Marcos Argibay fálanos da Festa do Esquecemento, Manuel Rial e Andrés Teide convídannos ao Festival de Arte Rpestre de Campo Lameiro, e imos de verbena coa Orquestra Arizona. Suso Fernández, propietario da Aldea Rural O mazo, cóntanos cales son as conecuencias dos incendios para o sector turístico no Courel. Dende a montaña luguesa tamén nos fala Carlos Reinoso do Festival Courel Son. O profesor Miguel Quintanar proponnos reflexionar sobre amores sólidos e líquidos. Carlos Gabriellévanos por unha rota do misterio en Compostela. Coñecemos á ilustradora científica Clara Cerviño e achegámonos a San Sadurniño para saber que se coce no Encontro Atlántico de Festivais de Cinema.

Falamos das consecuencias dos incendios co alcalde de Cualedro, Luciano Rivero, e cun produtor de mel de Laza, José Antonio Pazos, que perdeu case tódalas súas colmeas. Raul Villares foi a Coristanco para interesarse pola colleita de pataca deste ano. De gastronomía falamos con dous cociñeiros galegos que comparten nome: o compostelán Alex Ferreiro, mellor cociñeiro de tapas en 2025; e o lalinense Alex Iglesias, especialista en caterings. Dani Antelo convídanos a asistir á Mostra Audiovisual de Cine de Marín. Coñecemos a Carlos Cabrera "Caerlos", un xove músico vigués. Xavier Queipo preséntanos o seu libro de relatos "66". Imos de viaxe a Bosnia co escritor Jordi Cicely. Paseamos polo municipio de Sarreaus e recibimos a visita de David Amor.

No día en que se restablece o servizo ferroviario entre Galicia e Madrid, Raul Villares cóntanos historias de viaxeiros que levan días agardando para coller un tren. O xerente da área sanitaria de Ourense, Santiago Camba, explícanos as inicidencias que teñen os incendios no ámbito da saúde. Ánxela Diéguez investiga a repercusión da vaga de lumes nas peregrinaxes polo camiño francés. Falamos conAbelardo Rendo, o vendedor da ONCE que repartiu 20 mil euros entre os veciños de Vedra. Coñecemos o oficio de restauradora artística da man de Milagros Martínez. Visitamos a exposición póstuma do mindoniense Mauro Leivas en Lugo. Asomámonos ao miradoiro que, tralo seu falecemento, lle construiu a Inma Vilas en Mondariz a súa familia. Francisco Villaverde e César Ramos preséntannos o libro que escribiron sobre os campamentos do Val da Barcala. A música corre a cargo de Silvia Penide, Joel Padín e Carlos Crespo.

Visita o estudio da Tarde Xosé Antonio Touriñán, que, ademais de elixir música, fala de O Castelo Conta. Tamén nos acompaña, Carla Díaz, maquilladora de FX ou efectos especiais. No Día Mundial da Fotografía, falamos do seu pasado con Manuel Sendón, e do seu futuro con Marcus Fernández. Orlando González convídanos ao Festival da Salsa na Rúa, que congregará máis de 130 bailaríns en Ribeira a finais deste mes.

Ademais Luis Villares ofrécenos a fotografía de Valdeorras despois dos incendios. Explicamos como nos podemos solidarizar cos afectados e coñecemos dous exemplos . Entrevistamos a Laura Vallejo, que leva un cargamento de herba ás zonas devastadas polas lapas, e a Carlos Domínguez, director da escola de Equitación de Mos, que ofrece cortes para os cabalos dos concellos afectados.

Pendentes dos incendios damos consellos de como comportarse ante un lume forestal. A coordenadora de apoio sicolóxico de emerxencias, Ana Núñez, explícanos como axudar emocionalmente aos afectados polos sinistros. Rubén Riós cóntanos como vive os incendios na súa comarca. Coñecemos a un galego artista de musicais, Yado de Bernardi. Celebramos os 25 anos da peña do Racing de Ferrol Morandeira. Acompañamos ao corremundos David Giménez no seu reto de percorrer todo perímetro de España. Imos de festas con Ánxela Aboi e sumámonos á moda do "tardeo" con Alexandre Portela, da sala Zennet de Pontevedra. Presentamos o Festival Groba de Ponteareas e convidamos a Esther Estévez a que faga a seleccióin musical

Como é o día a día dunha orquestra? Cóntanolo o director da Orquestra Metrópolis, Ángel Enjo. Mercedes Prado lévanos á Feira do Libro Antigo e de Ocasión da Coruña. Falamos de pracer feminino coa sexóloga Claudia Carbalho. Martín Cordero busca explicacións á moda dos Labubus. Dous nadadores do club Galaico-Pontevedra, Juancho Hernández e Daniela Súarez, explícannos que é a natación artística. Preguntámoslle á doutora Marta del Villar se son efectivos os videos relaxantes para conciliar o sono. Coñecemos a Julia Abalde, gañadora do premio Autobán ao mellor fanzine galego. A alcaldesa de Betanzos, María Barral, convídanos a asistir ao lanzamento do popular globo da vila e o actor Nacho Castaño traenos as súas cancións favoritas.