Comeza na Mariña un dos grandes festivais de música clásica do verán: o fetival Bal y Gay.

Ata o 21 de agosto, pasarán polo Norte de Lugo artistas e orquestras que habitualmente tocan nas salas máis emblemáticas do mundo: dende o Carnegie Hall de Nova York á Ópera de Sidney.

Famosos pianistas, violinistas, sopranos, cuartetos internacionais saen dos escenarios habituais, cambian de territorios.

Dos grandes auditorios a espazos patrimoniais máis íntimos. Darán concertos en lugares como a Catedral de Mondoñedo ou o Mosteiro de San Salvador de Lourenzá.

O Festival Bal y Gay abre no Castelo de Castro de Ouro, coa actuación do pianista ruso Denis Kozhukhin.

A organizadora de eventos Yolanda Vieito axúdanos a montar unha voda. Coñecemos o oficio de monicrequeiro coa axuda de Miguel Borines, un dos fundadores de Tanxarina. Rebeca Munín fálanos de festas gastronómicas e o patrón maior de Aguiño, José Antonio Santamaría, convídanos á da navalla. Levamos a poñer a punto o coche ao taller que rexenta en Vigo Agustina Patiño. A alcaldesa de Tomiño, Sandra González, explícanos en que consiste o proxecto "Ruralmente", que impulsa os produtos locais. Imos mercar vinilos e CDs ao mercado de Santo Agostiño, na Coruña, e roupa "superreciclada" á tenda de Iago Gómez en Ferrol. A música selecciónaa o xornalista da TVG Pablo Muñoz.

A polémica sobre o posible "rescate" da AP9. Falamos con Diego Maraña, da plataforma En colectivo. Cousas que non sabiamos do concello de A Baña. Tomamos algo no chiringuito A Boa Vida, na praia de Broña, en Outes. Pasamos polo Festival Noroeste da Coruña. En Ribqira de Piquín abriuse unha gasolineira de capital público. Cóntannos como a secretaria da Fundación Terreo, Pilar Tella e o tenente de alcalde do municipio, Alberto Ferreiro. A doutora Xiana Pousa advírtenos sobre os perigos dunha mala hixiene bucal. Asoimámonos aos preparativos do Ourense Film Festival. Conversamos coa cantante Andrea Pousa. Paseamos pola Feira Mostrart na Coruña da man de José Manuel Salvado. Ademais, a actriz Isabel Blanco traenos a súa música preferida e saudamos a un novo colaborador, Joel Padín.

Como recibe un bombeiro os tópicos que manexamos sobre a súa profesión? Preguntámosllo a Honorio Raña. Carlos Díaz lévanos de viaxe por lugares pouco coñecidos da Mariña e a montaña luguesa. Imos saber como funcionan as "cantinas itinerantes" da Cruz Vermella. Marga Tojo fálanos do libro "A Galicia deseñada". Entramos na Casa Cornide da Coruña. Iván Capón preséntanos a última parodia de Páramo Pictures. Viaxamos coa orquetra París de Noia co seu director, José Antonio Blas. Adentrámonos no mundo das seudociencias con Gabriel González.

Ninguén está libre de ser vítima dunha estafa amorosa. Adírtenolo o criminólogo Igor Vizoso. Falamos con Richard Lage, un perruqueiro que ofrece os seus servizos na praia. Imos de festa coa xornalista Ánxela Aboy. Domingo Molejón explícanos como convertirnos en radioafeccionados. Pablo Méndez e Antonio Lombardía cóntannos como os drons poden axudar á vendima na Ribeira Sacra. Descubrimos o Concello de Navia de Suarna. Probamos os bocatas de Chicha Lovers na Lanzada. Achegámonos ao festival Feito a Man na praza da Quintana de Compostela. Celebramos o 20 aniversario de Bico de Leite en Lugo cunha das impulsoras deste grupo que promociona a lactancia materna, Ester Martínez. Ademáis acompáñanos o mago Dani Polo e convidamos a escoitar a súa música favorita á streamer noiesa Tokateki.

Temos un novato no programa. Estréase o Tito Rober, o bombeiro humorista. E de novatos, pero ao volante, falamos co presidente da Asociación de Autoescolas da Coruña. O Garda Civil Pablo Chuquejo explícanos como se investigan os ciberdelitos. O profesor de Tecnoloxía dos Alimentos, Manuel Vázquez, cóntanos que hai detrás dos xeados de sabores extravagantes. Agustín Vázquez proponnos viaxar a destinos pouco masificados. Pulsamos a opinión de hosteleiros e axencias de viaxes trala creación de taxas turísticas en Santiago e A Coruña. Aprendemos a bailar con tacóns con Lucía Rial. Coñecemos a Brais González, compositor da banda sonora de "La Casa de la Troya". Borja Tosar fálanos das Perseidas e Ledicia Costas dinos que cancións a emocionan.