Interpretamos o significado das emoticonas coa axuda de Samuel Lorenzo. Coñecemos a Ourisazo, o artista multidisciplinar compostelán que bebe do graffiti. Mari Ritello convídanos a asistir ao Festival Aturuxo de Bravos en Ourol e Iago Fandiño á feira cultural "En camiño" de Miño. Paseamos polos campamentos de verán que se desenvolven en Galicia. O párroco de Castroverde, Nicolás Susena explícanos como é o eu día a día. Víctor gallego traenos a segunda edición da revista "Salghadoiro". Imos recoller arandos a unha plantación de Couso, en Gondomar. Eliseo Martín asesóranos na compra dunha bicicleta. E ademais Teté Delgado recoméndanos música e Nusca Chousa aconséllanos como coidar a horta.

Aínda impresionados pola festa organizada por Lamine Yamal para celebrar a súa maioría de idade preguntámoslle a Rubén Bastero, organizador de eventos, como son agora as festas de aniversario. O programa está cheo de música: a que hoxe nos propón o xornalista Alex Fidalgo; a de "Neo amor", o segundo disco de Kid Mount; ou a dos 25 anos de carreira de Emilio Rúa. Falamos tamén do decepcionante concerto que ofreceu na Coruña Marc Anthony. Coñecemos ao ilusionista Marcos Waldemar, o lugués que acaba de gañar o Congreso Máxico Nacional. Participoamos nas procesións do Carme de Aguiño e Bueu. Julio Serantes explícanos como é a formación dos socorristas e Ángel Lamedo cóntanos que tipo de pan consumimos os galegos.

Por que se marean no coche algunhas persoas? Son eficaces as "lentes antimareo"? A otorrina Marta Paulos responde a esas preguntas. No programa viaxamos a Sober para facer unha rota en quad dende a "Casa das Arcas"; a Vilalba, para visitar a queixería Crisanto, onde elaboran o mellor queixo de España; ou a Vigo, para probar os bocatas de xelado de Framenti. O director do Combo Dominicano, Cirano Núñez, convídanos á xira do XX aniversario da súa orquestra. A influencer María Prado Rúa ponnos a súa banda sonora. Falamos coa actriz Aisa Pérez. Óscar Regal sinálanos os destinos vacacionais de moda. A avogada Ana Camiño explícanos as reglas para convivir con mascotas. Maximino Pérez desvela cales son os radares que poñen máis multas en galicia. Conversamos sobre conducción automatizada co director de electrónica e mobilidade do CTAG, Francisco Sánchez, e preparámonos para mercar lotaría de Nadal en pleno verán.