Entrevistas

Entrevistas

Entretemento

Como se supera un divorcio? Buscamos respostas coa axuda de Antonio Díaz Piñeiro, da Asociación da Nais e Pais Separados. Recollemos as queixas dos taxistas ante a irrupción de Uber nalgunhas cidades galegas. Presentamos o festival Ou Yeah! que se desenvolverá este verán en Ourense. Manuel Arias convídanos a probar os xelados que elabora en Taboada coa marca Xeou!. Cesáreo Villar, de Mancuco Animación, cóntanos como se pode animar o verán dos rapaces. No IES do Castro en Vigo preguntámoslle aos pais de alumnos como resultou o seu pacto de non entregarlles un móbil aos fillos ata os 16 anos. Conversamos con Cristina Sánchez Andrade da súa novela "Habitada". Rocío Arnoso, da Unión de Consumidores de Galicia coméntanos os riscos de mercar en plataformas como Shein ou Temu e ademais escoitamos os consellos de Nusca Chousa para a nosa horta.

Queremos saber como é facer o camiño de Santiago e para que nolo explique contamos cun veterano peregrino, o xornalista Xosé Luis Muñoz. O editor Moises Barcia cóntanos como se reparten os cartos no sector do libro. Que porcentaxe levan os autores? e os correctores? e o impresor?. En Vigo pulsamos o estado de ánimo da afección do Celta tras saber que o Comité Anti violencia propón o peche do estadio de Balaídos durante tres meses. Recibimos a María Mera para que nos fale do programa que vai presentar na TVG, "Uns pais en apuros". Ramón Santos fálanos sobre o seu libro "Entre botones e hilos", no que conta a historia da mercería que rexenta na Coruña. Viaxamos a Guitiriz para practicar xogos populares. O director dos campings Ría de Arosa, Anxo Rodríguez, coméntanos como se presenta para o seu sector a tempada de verán. Co antropólogo Rafael Quintián sabemos máis sobre os ritos e crenzas relacionadas coa festa de San Xoan.

O sicólogo Xacobe Abel Fernández explícanos como debemos reaccionar ante as rabechas dos nenos. Coñecemos os esforzos de Seny Kebe, un guineano nacionalizado español que se graduou en dereito na Coruña, para traer a Galicia a súa irmá, que sufriu a ablación dos seus xenitais. O presidente do Consello Regulador da D.O. Queixo Arzúa-Ulloa, José Luis Lamas, fálanos do crecemento desta denominación de orixe. Preguntamos con canto tempo de antelación temos que reservar unha visita ás illas Cíes. Participamos nun clube de lectura na localidade de Astureses. Explicamos en que consiste a competición de coches eléctricos Green Power Galicia. Rosario Raro preséntanos a súa novela "La novia de la paz" e a avogada Ana Camiña claréxanos calquera dúbida que teñamos sobre cuestións legais relativas ao matrimonio.

A Tarde prepara as vacacións buscando ofertas para viaxar en xuño con Juan Rvadulla, presidente da Asociación de Axencias de Viaxes de Galicia. Imos ata a Ribeira Sacra para saber como están as reservas para este verán. Coñecemos como se facilita o acceso ás praias en Vigo e unha instructora de voo, Lourdes Carmena, explícanos como perde-lo medo a viaxar en avión.

No Día Mundial das Tapas falamos cun restaurador de Ferrol, Alejandro Martínez, que elabora algunhas de premio. Conversamos co rapeiro vigués Dirty Suc. Visitamos a exposición sobre os vikingos que se pode ver no Museo do Mar de Vigo. O doutro Norberto Propupín fálanos das varices e Iván Carril advírtenos sobre un calote no que os estafadores se fan pasar pola nosa compañía telefónica.

Octavio Villazala cóntanos como as mascotas poden proporcionarlle beneficios terapéuticos aos enfermos e ás persoas maiores. Coñecemos a Amalia Puga, unha artesá que elabora mobiliario e elementos de iluminación con aparellos de pesca. Conmemoramos en Vigo o XXV aniversario da Marcha Mundial das Mulleres con Ximena González. Martín Touceda preséntanos a súa empresa Cienporcel, que elabora embutidos de porco celta na localidade ourensá de Cenlle. Mergullámonos no ambiente do Son do Camiño, do Arde Lucus e do Festival DiversidArte na Coruña. Agustín Vázquez lévanos polo mundo a catar pratos de sobremesa. Carlos Alberto Crespo, do restaurante O Lar do Leitón de Ourense, amósanos a súa carta de augas con máis de 160 referencias. Falamos con María Aneiros, unha xornalista ferolá que traballa en México cunha ONG dedicada a axuda-las comunidades indíxenas.