O apagamento do pasado 28 de abril deixou cantidade de xente atrapada en ascensores

Falamos con Ángeles Ríos, presidenta de Asociación Empresarial Galega de Ascensores

O detective Gonzalo Solís fálanos da súa experiencia investigando infidelidades de parella. A presidenta da Asociación Cosmética galega, Ariana Fernández, presenta en sociedade a agrupación. Falamos con outro presidente, o da Sociedad Española de Ortodoncioa, Juan Carlos Pérez Varela. Visitamos o obradoiro de instrumentos tradicionais de percusión que ten en Laza Héctor Salgado. Coñecemos a unha viguesa que padece unha enfermidade rara e que recibe un tratamento público que custa un millón de euros anuais. Rafael Guzmán explícanos "Como llegar joven a viejo". Ese é o título do seu libro. Nusca Chousa danos consellos para coida-la horta. A presidenta da Asociación Empresarial Galega de Ascensores, Ángeles Ríos, cóntanos como foi o seu traballo o día do apagamento e Miguel López Crespo oriéntanos sobre como reclamar os prexuizos causados pola falta de subministro eléctrico.

O experto en programación neurolingüística José Ramón Guinarte explícanos por que non temos lembranzas de cando eramos bebés; por que modificamos os recordos da infancia e se é posible borrar a memoria. Coñecemos unha empresa galega que fabrica iogures para mascotas conversando co seu responsable, Pablo Gómez. Percorremos a catedral de Ourense guiados por Virginia Osorio. Entramos na plataforma da Galega para ver o programa "Pasaporte galego" coa súa presentadora, Isabel Blanco. Asistimos á homenaxe qe lle ofreceron na Coruña compañeiros e pacientes á doutora Rosa Rodríguez co gallo da súa xubilación. Outro doutor, Andrés Soto, cóntanos os beneficios da balneoterapia. Dani Cortes preséntanos a súa últinma canción, "El Punto de partida". Mergullámonos nunha historia policiaca co seu autor, o escritor Fernando Benzo. O antropólogo Rafael Quintía fálanos dos seres mitolóxicos que crean as treboadas.

O martes 13 falamos da mala sorte. Carlos Gabriel Fernández explícanos a orixe dalgunhas supersticcións. Tamén é o Día Internacional do Humus. Hai duas empresas galegas que o producen de xeito moi orixinal, Calabizo e Algamar. Edurne Sendra e Sergio Bahamonde cóntanos como o elaboran. O doutor Luis Cadarso fálanos da presbicia. Visitamos un orixinal museo na localidade ourensá de Piñor que estará dedicado aos cadaleitos. Probamos nun local da Coruña un Açai Bowl e contamos como se prepara este prato de moda. Coñecemos a Rafa Cachaldora, un artista que vende as súas obras nunha máquina expendedora. Rodrigo Ramos preséntanos o seu último tema, "Se non fose por ti", e co concelleiro de Cultura de Rianxo, Xulio Alcalde, abordaremos a situación da casa natal de Castelao.

Recopilamos frases clásicas das nais. Falamos con "Olivia sen hache", a boirense que o peta en Tik Tok. Lucía Pardal amósanos o "bosque comestible" que se está creando no municipio ourensán da Bola. Celebramos os cincuenta anos da Escola de Gaitas de Ortigueira co presidente da agrupación, Bruno Lozano. Falamos cunhas alumnas do campus de Ferrol que fixeron uns traxes de época con tecidos intelixentes e materiais reciclados. Coñecemos o traballo dun clube de baloncesto de base, o Galdea de Brión. O noso colaborador Iván Carril explícanos en que consiste a guerra que mantén a Liga de Fútbol Profesional con moitas páxinas web relacionadas coa emisión ilegal de partidos por internet. O doutor Norberto Propupín danos chaves sobre unha enfermidade que afecta ao 10 por cento dos cativos, a asma.

Por que se perden os calcetíns nas lavadoras? A resposta dánola Carolina Sampedro, encargada dunha tenda de electrodomésticos. Imos a Friol para que a concelleira de Cultura, Maria Buján, nos fale da Festa castrexa Friulio e á Coruña para saber que Xosé Aldea nos conte que nos ofrece a Feira de Animais domésticos Pata-Pata. Celebramos as tres décadas de vida do Centro Superior de Hostelería de Galicia co seu director Xosé Paz. O autor do libro "Cónclave", Eric Frattini, danos as súas impresións sobre a elección do novo papa. Imos de xira co guitarrista de blues, Víctor Aneiros. Juan josé Vázquez desvélanos os secretos da torta de millo de Guitiriz. Visitamos a Casa Museo de Colón en Poio. O noso colaborador Agustín Vázquez proponnos facer turismo carcerario e Borja Tosar explícanos por que vai caer á terra a sonda soviética Cosmos 482 despois de medio século no espazo.

Mentres agardamos a "fumata branca" falamos doutros asuntos. Comentamos co presidente da Asociación de Hostelería de Lugo, Cheché Real, a iniciativa dalgunhas cafeterías de gravar as consumicións dependendo do tempo que se pase no establecemento. Eva Cendón, da Asociacióbn de Concesionarios de Automóbiles de Ourense preséntanos o Car Outlet Expourense. Da man do profesor Pedro Martínez coñecemos un proxecto de radio escolar no CEIP Tarrío de Culleredo. Yoel Castro explícanos como puxo en marcha un plan de reutilización de residuos no punto limpo de Valga. Visitamos en Vigo un obradoiro contra a soidade da Fundación Grandes Amigos. Entrevistamos a Hevila Cardeña, a soprano protegonista do espectáculo da Fura dels Baus "Carmina Burana", e escoitamos os consellos de Nusca Chousa para a nosa horta.

Mentres agardamos cos nosos enviados especiais a Roma a fumata branca o noso colaborador Agustín Vázquez convídanos a coñecer a cidade eterna. Miguel Fernández, xerente da tenda Sleepers, desvélanos como se aplican novas tecnoloxías na fabricación de colchóns. Yolanda Albelda fálanos do aumento do traballo nas clínicas de medicina estética. Na Coruña interesámonos polos cambios na estatuta de María Pita e en Vigo polo funcionamento do visor submariño Nautilus. Con Hugo Bal, investigador do Grupo de Estudos Prehistóricos do Noroeste Ibérico, coñecemos algo máis da presenza dos neerdentais na Cova de Eirós en Triacastela. O adegueiro José María Prieto explícanos como se poden utilizar drons para aplicar tratamentos fitosanitarios nas viñas e o antropólogo Rafael Quintiá ilústranos sobre o ciclo dos Maios.

Maximino Pérez apréndenos que son os coches GLP e GMC e mailo alcolock. Repasamos o balance da sinistralidade viaria na Semana Santa e averiguamos por que xente de toda España vai a Vigo para sacar o carné de conducir