A xefa de Medicina Preventiva do CHUAC explícanos como manter unha correcta hixiene de mans. O presidente da asociación Olivarnoia, José Antonio Torres, cóntanos como están recuperando a produción de aceite na localidade ourensá de Arnoia. Coñecemos as queixas que lles trasladan á Xunta os pais que quedaron sen praza no Colexio Compañía de María de Vigo. Falamos con Iván Carril dos calotes relacionados co "gran apagamento" e co presidente de Facua Galicia, Víctor Muñoz, das estafas mediante chamadas perdidas procedentes do estranxeiro. Eva Pividal preséntanos o seu obradoiro de elaboración de cosmética natural. O doutor Norberto Proupín danos consellos para previr o cancro de colon e sabemos para que se creou unha cátedra de Protección Civil e Xestión de Emerxencias na Universidade da Coruña coa axuda do seu coordinador, Daniel Lorenzo, e do xefe de bombeiros de Ferrol, Quique Suárez.

Segue estando de moda poñerlle pendentes nas orellas aos meniños? Preguntámosllo á farmacéutica María José García, que tamén nos explica como facelo con seguridade. Paseamos pola Feira da Tenreira Galega de Láncara e pola Festa da Filloa en Cospeito. O biólogop Óscar Sampedro explícanos por que no parque de Natureza de Marcelle recollen especies incautadas polas forzas da orde. A endocrinóloga María José Picón fálanos dos efectos da diabete nas mulleres. O nutricionista Antonio Souto danos pautas para gardar alimentos na neveira. Coñecemos a un galego que fala e ensina chinés mandarín: Modesto Corderí. E ademais temos as seccións habituais de Nusca Chousa e Miguel López Crespo.

Seguimos debullando as causas e consecuencias da "grande apagada". Falamos con galegops que quedaron atrapados en trens. Buscamos a opinión de expertos en enerxía como Carlos Oliete, Fernando Romero ou Andrés Breijo. Miguel López Crespo e Adolfo Campos cóntannos como reclamar os danos sufridos pola falta de subministración eléctrica. A experta en seguridade alimentaria, Genma del Caño, explícanos que facer co contido das neveiras e conxeladores que estiveron horas apagadas. Saimos co astrónomo Borja Tosar a ve-lo ceo de Galicia sen contaminación lumínica e falamos con Patricia Janeiro, que imaxinou unha Compostela sen luz no libro "Rueiro da cidade escura"

Debemos seguir un protocolo para escribir nas redes sociais? A profesora de Comunicación Audiovisual da Universidade de Vigo, Mónica Valderrama, danos algunhas pautas. Los Jinetes del Trópico preséntannos a súa próxima xira. Falamos con Marilia Monzón antes da súa actuación na Coruña. Unha usuaria de audiófonos, Cris Pichel, desmonta mitos sobre este aparello. Desvelamos por que os veciños do barrio das Flores, na Coruña, queren adianta-las súas festas á primavera. Asistimos ás primeiras actuacións do festival de danza Vigoporté. Coñecemos o proxecto que os alumnos das Facultades de Humanidades e Ciencias do Traballo de Ferrol presentaron en Grecia, unha web que localiza tendas que venden productos de proximidade. Ademáis, Miguel López Crespo anticípanos os contidos do Congreso Internacional de Consumo que se desenvolverá en Compostela e Nusca Chousa danos máis consellos para coidar a nosa horta.

Edición reducida do programa por mor da transmisión en directo do Debate do Estado da Autonomía. Falamos con Adela Touriñán, unha persoa que se dedica a recomendar a lectura de libros, e coa alcaldesa de Bergondo, Alejandra Pérez, que nos explica as razóns polas que ese municipio leva sete anos consecutivos aumentando a súa poboación.

Os discos de vinilo viven un rexurdimento. Preguntámoslle por que a Iago Costoya, responsable da tenda Disco Precio en Santiago. Viaxamaos a Roma para pulsa-lo ambiente no Vaticano trala morte do Papa. O frade franciscano Francisco Miramontes ilúistranos sobre o próximo conclave para elixir pontífice e o asesor de seguridade Jorge Gómez desvélanos se o Vaticano ten servizos de intelixencia. Alexandre Dubra, do Colexio de Ópticos e Optometristas de Galicia, coméntanos a necesidade de coidar os ollos para conducir. A avogada Ana Camiña explícanos as vantaxes de facer testamento. A escritora Silvia Pato danos consellos para publicar un libro e Sara Couce, unha das integrantes da banda ferrolá Superglú, preséntanos o seu disco "Todo el mundo miente"