Ofrecemos consellos para protexerse do sol e evitaros seus efectos nocivos na pel coa axuda de Blanca González, do Colexio de Farmacéuticos da Coruña. Acompañamos aos integrantes de Cáritas que peregrinaron a Compostela para denunciar a situación das persoas sen fogar. Coñecemos os obxectivos da nova Asociación para a Defensa dos Hosteleiros da Coruña en conversa co seu presidente, Xabi Barral. Saberemos o que é a First Lego League falando cos compoñentes do equipo ourensán Captioma Elementals, que se acaba de clasificar para a fase final desa competición. Escoitamos as novas cancións do grupo Morgan na compaña do seu guitarrista, Paco López. Guada Guerra preséntanos o seu libro "Las cosas que nos pasan". Pedímoslle ao filólogo Xosé Ramón Fandiño que nos fale da figura de Isaac Díaz Pardo. Ademáis, Miguel López Crespo aborda o asunto das malas prácticas das empresas de seguros e Nusca Chousa danos os seus consellos para coidar a horta.

Programa especial realizado dende o Cantón de Molíns de Ferrol co gallo da final da Eurocup de baloncesto feminino que disputa o Uni Ferrol. Ao programa asómanse persoeiros populares da cidade como Manolo Aller, Pichi Varela, María López Niebla, Santi Rey, Marcos Mella, Ricardo Aldrey... Ademáis pulsamos as reaccións na Mariña de Lugo e en Sada ao anuncio do peche das instalacións de Sargadelos en Cervo.

Compartimos o Día Internacional das Bromas con Pepe Capelán. Co catedrático de bioquímica da USC, Manuel Freire, evocamos a figura de Fernando Calvet. Falamos con Antón Pombo, autor da Guía do Camiño da Ría Muros-Noia. Buscamos as razóns da suba do prezo do café conversando co xerente de Las Antillas, Marco Antonio Vázquez. Ana Camiño danos as pautas para facer a declaración da renda e o asesor Ignacio Caseiro coméntanos as novidades normativas sobre a xubilación. Escoitamos ao cantautor César De Centi e a sicóloga Marta Ramos explícanos como coidar ás coidadoras.

É correcto bicar ou abrazar meniños sen o seu permiso ou o dos seus pais? Preguntámosllo aos oíntes e ao sicólogo José Manuel Fariñas. Pasamos por un restaurante da Coruña para saber como se aplica a nova Lei de Desperdicio Alimentario. David Martínez, Rayden, fálanos da súa novela "El taller de los niños interiores". Raul Rios cóntanos como están preparando as festas da Xuventude de Paradela, en Ordes. Sofía Ramos explícanos en que consisten os cursos de formación de titor empresarial que organiza a Cámara de Comercio da Coruña. Achegámonos á praia de Lourido, en Poio, para comprobar como se aproveita esta xornada de sol. Sabemos como utilizan as redes sociais os cregos rurais falando co párroco de Santiago de Ribas de Miño, José Manuel Castro. Ademáis, Iván Carril desvélanos como Meta introduce a IA nas súas aplicacións e o doutor Norberto Proupín explícanos que é a "gota".

Programa especial realizado dende o recinto feiral de Silleda, onde se desenvolve SEDEXCO, a Feira Internacional de Seguridade, Defensa e Emerxencias. Falamos con organizadores e expositores. Ademáis Participamos no aniversario de "Ponte nas ondas"; interesámonos polas causas do incremento do prezo dos ovos e da carne preguntándolle a Carlos Docampo, propietario de Avícola Amoeiro, e acudindo á carnicería dos irmáns Castro en Pontevedra. Debatemos sobre a admisión de mascotas nos locais públicos e Moncho Lemos fálanos da sertie do momento "Adolescencia"

É correcto sair de casa en bata e zapatillas? Facémoslle esta pregunta aos oíntes e interesámonos pola venda destas prendas falando con Ana María Mouriño, que ten unha mercería. A reposteira Génesis Olivella explícanos que é o chocolate de Dubai. Coñecemos o novo proxecto de emprego da Fundación Hospitalarias Betanzos. O asesor fiscal Francisco Lens coméntanos as novidades da próxima campaña da renda. Asistimos ás clases de costura que imparte Mucha Castromán en Pontevedra. Montse Fajardo descúbrenos a figura da artista monfortina Mercedes Mariño. O responsable da academia vitícola Wine and Spìrits Education Trust, David Martín, cóntanos en que consiste a súa alianza coa D. O. Valdeorras. Joan Alibés, da asesoría Beealia, fálanos de como conseguir a convivencia entre explotacións gandeiras e mandas e lobos.

Comentamos as razóns da caída da natalidade en Galicia coa doutora en socioloxía Raquel Martínez. Sara Faro, unha das voces de Fillas de Cassandra, preséntanos os novos temas da formación. Escoitamos as queixas dos veciños do Ensanche de Santiago pola proliferación de ratas. Visitamos o Forum Gastronómico de Galicia. Iván Carril advírtenos sobre posibles calotes relacionados coa Axencia Tributaria. Antonio Pulido explícanos cal é o labor da Fundación Cibernautas. Lucas Mestre, autor do libro "Pequeñas historias que hacen historia", cóntanos como facer atractivo o estudo da historia. A Facultade de veterinaria de Lugo examínase e o seu decano Gonzalo Fernández cóntanos por que. O doutor Norberto Proupín fálanos da rinite alérxica.

Falamos do auxe dos espectáculos de música en vivo con Marcos Vázquez, presidente da Asociación Galega de Músicas ao Vivo. O presidente da Sociedade Filarmónica de Pontevedra, Gonzalo Martínez, recíbenos na sede dunha asociación que é centenaria. O concelleiro de Ordes, Pablo Vázquez, lévanos á Festa do Lacón con Grelos de Mesón do Vento. O noso guía turístico Agustín Vázquez, trasládanos a Noruega. Julio Ceballos preséntanos o seu libro sobre China "El calibrador de estrellas". Visitamos negocios nos que só se admite o pagamento en efectivo. Coñecemos a Ángel Patricio Rodríguez, un lugués que ten máis de catro mil libros asinados polos seus autores. Conversamos con Sandra Román sobre "Mulleres calvas", o seu documenbtal sobre a alopecia das mulleres.