É máis saudable o leite de vacas que pastan no exterior? O leite sen lactosa pode ser bo para todalas persoas? Sabemos as diferencias entre un leite UHT e un pasteurizado? No Día Mundial do Leite resolvemos algunhas dúbidas sobre este alimento con Manuel Gómez, técnico superior de investigación da Aula de Produtos Lácteos e Tecnoloxías Alimentarias da USC. A OCU asegura que o 98 por cento dos españois seguen recibindo chamadas de Spam. Enrique Garcia, voceiro desta organización de consumidores, asegura que é moi difícil acabar coas chamadas comerciais non desexadas porque hai unha chea de empresas interpostas entre a que fala con nos e a que nos faia a oferta. A nova lei, segundo o voceiro da OCU, ofrece unha importante novidade: os contratos feitos por este sistema son considerados nulos. Achegámonos ó tanatorio Apostol de Oleiros, que incorporou un columbario exterior, onde se poden colocar ata 270 urnas coas cinzas doutros tantos falecidos. O seu director, Manuel Espasandín, explica que se abre a posibilidade de escoitar música o proxectar fotos, pero o habitual é seguir as pautas tradicionais. A colaboradora sobre literatura infantil Andrea Jamardo recomenda "Astuta poli e o lobo parvo", tradución de 2 libros publicados a mediados dos 50 pola escritora británica Catherine Storm, e o quinto volume da colección de banda deseñada "Marco Pola". O antropólogo Rafael Quintiá falanos do significado das festas patronais.

A ría de Vigo, fronte a praia de Samil é escenario da parada naval celebrada na véspera do Día das Forzas Armadas, coa participación dun portavións, varias patrulleiras e outras embarcacións. Contamos cómo o Rei pasaba revista a bordo do buque Audaz e despois baixaba ó areal de Samil. Dende alí a súa Maxestade, acompañado de altos mandos do exército e autoridades, asistiu a unha exhibición de manobras dos distintos medios militares. Igual que o numeroso público presente na praia, podemos seguir as intervencións da unidades da Armada, do Aire, Ume e Garda Civil: dende unha abordaxe no mar, unha operación de rescate, con atención a feridos, asi como exercicios dos paracaidistas. Falamos de ciruxías en cans e gatos, coa ciruxana e directora de Anicura Abro Hospital Veterinario. Sofía Portugal indica que a estirilización das femias é a cirurxía máis habitual, pero tamén se realizan moitas cesareas e intervencións no aparello dixestivo. Avanzamos detalles da Festa Gastronómica do Galo de Curral de Vila de Cruces, que este domingo chega a súa 32 edicións. Evaristo Rodriguez, presidente da Asociación de Criadores, explícanos as características desta ave e os incentivos da súa cría.

Coñecemos "Barco fantasma", o novo disco do grupo Néboa, cun dos seus integrantes, Lucas de Centi, e conversamos co xornalista deportivo Luís García Rey sobre a súa última novela, "Chantaje". ¿Seremos quen de instalar unha estación espacial permanente na Lúa? O astrónomo Borja Tosar explícanos as difíciles condicións que presenta este satélite e os traballos que se fan para logralo.

A saúde do sistema dixestivo está intimamente relacionado cos procesos emocionais. A bióloga e terapeuta nutricional Rosana Alonso asegura que na maioría das veces a fame que sentimos é fame emocional. Culpa, ira, estrés, ledicia ... calquera estado emocional desencadea unha resposta hormonal, que afecta a distintas partes do corpo, por exemplo, o estomago ou o intestino, considerado xa coma outro cerebro máis. A concelleira de Cultura e Turismo de Friol, Ángeles Buján, avanza cómo serán as III Olimpiadas Rurais de Galicia, que se celebrarán a finais de xuño. Os equipos compiten en xogos tradicionais, dende a chave e a cucaña ata a silla da reina. Serán tamén xornadas de gastronomía e convivencia con xente chegada de toda Galicia e doutros puntos de España. A vilagarciana Gabriela González, coñecida como Malaherba nas redes sociais, presenta o seu debut literario. "Casi adultos" compila reflexións sobre as experiencias, os momentos vitais e os cambios no paso á adultez. A escritora afirma ser partidaria do estado "case adultez permanente" e insiste na necesidade de manter a ilusión e certa inocencia.

¿ Á hora de mercar calzado hai que fixarse unicamente na estética ou debemos ter en conta as características do zapato? O podólogo Nabor Pereira, recoméndanos optar por zapatos respetuosos coa forma do pé, unha altura máxima de tacón e unha amortiguación lixeira. Este podólogo fala dos inconvenientes das chanclas, dos "barefoot" e da laca permanente nas unllas dos pes. Conversamos con Jaime Rey, un artesán de zapatos de 80 anos, que manten vivo o taller que fundou o seu pai en 1931. Él é o último zapateiro de Betanzos. Moitos rapaces e rapazas viven os nervos previos ós exames da PAU e a coordenadora de Academia Salgado, de Vigo, lánzalles algúns consellos como facer esquemas de cada tema e, xa na proba, ler ben os enunciados. Asegura que estes días os mozos e mozas queren apoio especial en matemáticas, lingua galega e castelán. Esta semana estréase na plataforma Agalega.gal o documental "Aurora". A sua directora, a cineasta viguesa Area Erina, comeéntanos a orixe desta longametraxe, que plasma a vida ó longo de varios anos dunha muller do rural de As Neves. A autora catalá con raices galegas Brigitte Vasallo presentanos o seu libro "La fosa abierta", unha mirada sobre os miileiros de labregos, moitos galegos, que marcharon ás cidades industriais entre 1955 e 1975.

¿Son inocuas as novas fórmulas que as empresas tabaqueiras sacan ó mercado como unha forma de deixa-lo tabaco? No Día Mundial do Tabaquismo, Carlos Rábade, da Sociedade Española de Pneumoloxía, explica o perigo dos vapeadores, do tabaco quentado e das bolsiñas de nicotina. Este médico advirte de que estes productos poden causar máis dano á saúde que o tabaco tradicional: problemas no sistema respiratorio e cardiováscular, pero tamén adicción. Conversamos sobre a figura de Drácula con Luis Miguel Rosales. director do Festival Internacional de Cine Fantástico de Galicia. Coincidindo co Día Mundial de Drácula afondamos na orixe deste personaxe e da atración que xera nas múltiples versións cinematográficas. A escritora Inma Rubiales acaba de reescribir e actualizar "Un amigo gratis", un libro considerado orixe do xénero "romance xuvenil" en España. Ela cóntanos qué queda do libro que escribiu con 14 anos e qué cambia na versión editada 10 anos . A colaboradora cultural Mónica Maneiro fálanos da polémica suscitada pola elección da nova directora do CGAC e da exposición "La imagen rota" do pintor vigués Marcos Covelo, que se pode ver na galería Dupla de Santiago de Compostela. O experto en tráfico e seguridade vial Maximino Pérez fala da necesidade de incorporar nos coches sistemas para advertir ós condutores cando un neno ou unha mascota queda no interior do vehículo.

Achegámonos ó ambiente que se vive na Coruña tralo ascenso do Deportivo á Primeira División. Opinións e ledicia dos coruñeses ante este regreso do Depor e primeiras palabras da alcaldesa, Inés Rei, no recibimento oficial da cidade ó equipo. No Día Mundial das Manchas Cutáneas, a dermatologa Marta Prieto explica que a exposición ó sol é a causa da maioría dos lunares e insiste na necesidade de converter a protección solar nun hábito de coidado da pel. Coñecemos mellor o significado e a utilidade dos símbolos que aparecen nas caixas dos medicamentos, en conversa co Nina Vilasuso, farmacéutica en Narón e vogal no Colexio de Farmacéuticos da Coruña. Entramos na campaña arqueolóxica do Castelo dos Mouros, un castro da illa de Ons. Alba Castro , directora da intervención explica as particularidades deste espazo, ocupado dende o século IV a.C. ata o V d.C. O arqueólogo Rafael Quintiá descóbrenos os segredos do santuario de Nosa Señora da Lanzada e os ritos ligados a este lugar de Sanxenxo, como os baños de exorcismo, no pasado, e o baile das 9 ondas para as mulleres que desexan quedar embarazadas. A colaboradora Andrea Jamardo recomenda un libro de banda deseñada, para rapaces, unha colección para primeiros lectores e libros para que os bebés poidan explorar e gozar dos libros.

Quen é Marasmo? Falamos con este cantante e productor galego que se mantén no anonimato e que actúa oculto tras unha máscara. Cantometrix presenta o seu disco "Efémeras". Acompáñannos para falar del duas das compoñentes deste quinteto, Marina Fernández Vigo e Sandra Pérez. Visitamos en Vilalba unha fábrica de fariña que mantén Eduardo Carreira, terceira xeración de muñeiros. A farmacéutica Ana Muñoz, danos consellos para previr problemas causados polas altas temperaturas. O alcalde de Muras, Manuel Requeijo, convídanos á Romaxe Artesá da Chaira, a festa que celebra os oficios tradicionais. Enrique Vázquez cóntanos como a parroquia de Tuiriz, en Pantón, recuperou o seu local social. Falamos sobre os problemas laborais da hostelería con Jesús Soriano, autor do blog Soy Camarero. O astrónomo Borja Tosar explícanos o paradoxo de Fermi, por que non atopamos vida extraterrestre?

Na casa debemos ter sempre ferramentas, ou non?. Preguntámoslle a un veterano ferreteiro ferrolán, Luis Rey, se os mozos mercan ferramentas ou se é certo o tópico de que as mulleres nunca as utilizan. Imos ata Lugo para que Carmen Fuenteseca nos explique en que consiste o proxecto educativo alternativo Bosquea. En Pontevedra revisamos o mobiliario urbano do futuro que se expón na praza de Barcelos: bancos feitos con cana de azucre ou iuca ou céspede artificial bioplástico. O mago Pedro Volta preséntanos o seu espectáculo Magic Space. Lemos o libro "Señoras en bicicleta" coas súas autoras, Ana Bulnes, Raquel C. Pico e María Ramos. Asistimos na Coruña á primera edición de (IN)VISUAL, un ciclo de concertos audiovisuais inmersivos. Ademais, temos as seccións de Tito Lesende e de Nusca Chousa.

Como mellorar o noso tránsito intestinal? Preguntámosllo á farmacéutica e nutricionista Patricia Alonso. Visitamos en Silleda as instalacións de Trasdeza Natur, unha empresa que elabora froita deshidratada. O escritor Arturo del Burgo preséntanos a súa novela "Malditos". Celebramos o nacemento da compañía teatral Torta Torta, creada porAreta Bolado e Ailén Kendelman. Mondoñedo quere ser patrimonio da humanidade. Dinos por que o presidente da Asociación Pedregás, Valentín Insua. O apicultor Manuel Outón explícanos como previr as picadas da vespa velutina. Gonzalo García cóntanos a historia das covas de Seadur, en Larouco. Christian Miller, director da Casa das Linguas, fálanos da importancia de aprender idiomas e o doutor Proupín dunha enfermidade que todos padecemos algunha vez, a conxuntivite.