Medea–Mamá–Monstro chega ao ciclo Clásicas desfeitas na Cidade da Cultura.

Nunha experiencia escénica que mestura o falso documental co freak show, Laura Porto e Helena Varela reúnen as pezas sobre Medea que deixaron Eurípides, a poeta Chantal Maillard e a novela de Christa Wolf para tratar de dilucidar quen foi realmente a muller baixo o mito.

Moncho Lemos comenta dúas estreas : ‘A Complete Unknown’e ‘El secreto del orfebre’.

Neves Rodríguez é comunicadora, actriz, autora do poemario 'Cuspindo miserias' e unha gran lectora de BD.

Manel Cráneo convídaa a contarnos como empezou a ler cómics, a facer recomendacións e a explicar a súa

experiencia no podcast sobre BD 'Metrópoles delirantes'.

Nuria Vil preséntanos 'Delincuente', unha curtametraxe de ficción a partir dun poema inspirado por Xela Arias e por 'La Maradona', a líder dunha banda xuvenil no Vigo dos oitenta.

'Delincuente', dirixida por Alba Domínguez, proxéctase o 26 de febreiro nos Multicines Norte de Vigo e o 29 de marzo na Coruña, na Filmoteca de Galicia.

Raquel C. Pico pescuda nas orixes das filloas. Sabiades que hai séculos foron moeda de cambio? E que ata chegou aos tribunais un intento de asasinato con filloas envelenadas?

“Exploramos os límites actorais e narrativos” Ánxeles Cuña, directora de “O dragón de ouro” (Sarabela Teatro), favorita para a edición deste ano dos Premios María Casares, con 14 nominacións.

E con 12, ‘Iribarne’ (Butacazero), de Esther Carrodeguas “Estamos moi contentos, está a ter moi boa acollida”.

17 finalistas para a edición deste ano dos Premios María Casares, os máis importantes do teatro galego, que se entregarán o 3 de abril na Coruña.

A favorita é ‘O dragón de ouro’, de Sarabela, con 14 nominacións. A súa directora, Ánxeles Cuña dinos que nela se exploran os límites actorais e narrativos.

E ‘Iribarne’ de Butacazero, opta a galardón en 12 categorías. Parabenizamos tamén a súa autora, Esther Carrodeguas.

Raquel C. Pico pescuda nas orixes das filloas