O novo espectáculo de Ibuprofeno Teatro aborda a reconversión industrial na ría de Vigo a partir da experiencia persoal do pai do autor e director do texto, Santiago Cortegoso. En escena, oito intérpretes forman unha charanga que nos guía pola historia recente. Trala estrea na Coruña, a montaxe emprende xira por Galicia.

Eva Mejuto proponnos lecturas sobre mulleres creadoras de cultura. 'Canta, miña compañeira' de María Lado, aborda o legado das cantareiras conectándoo coa música do presente. 'Galegas nas artes' de Isabel Blanco, recolle as biografías de 21 artistas plásticas e visuais.

Repasamos as obras finalistas nos premios do audiovisual galego, nas que a serie 'Rapa' e os filmes 'As neves', 'Honeymoon' e '+Cuñados' acaparan 40 candidaturas.

A gala de entrega desenvolverase por primeira vez en Lalín, o 15 de marzo. Álvaro Pérez Becerra, presidente da Academia Galega do Audiovisual, e a presentadora Teté Delgado,

avánzannos algúns pormenores da vixésimo terceira edición da festa do cine e a televisión do país, baixo o lema 'O audiovisual en movemento'.

Tito Lesende pica hoxe o último avance do novo disco de De Ninghures. 'En fin que máis dá' é unha peza 'tuareg enxebre' na que Xoel López colabora nas guitarras. Escoitamos tamén novo material do noiés Rhome e avanzamos a axenda de concertos dos próximos días con cancións de León Benavente e Virginia Maestro.

María Callas, do chileno Pablo Larraín: En 2016 fixera “Jackie” sobre a ex-primeira dama estadounidense Jacqueline Kennedy e en 2021 “Spencer”, centrada nun momento concreto da vida de Lady Di. A actriz que dá vida a María Callas é Angelina Jolie. “A convulsa, fermosa e tráxica historia da vida da mellor cantante de ópera do mundo, revivida e reimaxinada durante os seus últimos días no París dos anos 70”.

"A Rede Fantasma" fala de Hamid, un profesor sirio no exilio, que forma parte dun grupo secreto que dá caza aos líderes fuxitivos do réxime. A súa misión lévao a Francia, seguindo o rastro do seu antigo torturador. A vinganza coa que leva anos obsesionado está a un paso. Baseada en feitos reais.

Conversamos con Cibrán meléndez sobre a exposición "Gaza: o eco dos esquecidos", na que tres fotoxornalistas documentan os actos do exército israelí en Gaza. A mostra, organizada pola Fundación Araguaney, pódese visitar na igrexa da Universidade de Santiago.

A editorial Alauda Negra publica o fotolibro "Man". O proxecto fotográfico de Lois Cid e Toni Cortés gañou o III Premio Editorial de Fotografía Documental organizado polo festival Ffoco. Unha nova homenaxe a Manfred Gnädinger, o artista alemán afincando en Camelle, que creou a súa obra artística en harmonía co mar e a natureza.

Moncho Lemos analiza "María Callas" e "A Rede Fantasma", as películas da semana.

Repasamos as candidaturas dos premios Mestre Mateo, que acaparan a serie 'Rapa' e as películas 'As Neves', 'Honeymoon' e '+Cuñados'. A gala de entrega realizarase en Lalín o 15 de marzo, e será retransmitida pola TVG.

Tito Lesende pica novas cancións de De Ninghures e Rhome e avanza concertos en Galicia de León Benavente e Virginia Maestro.

Manel craneo descríbenos a súa experiencia no 52º Festival de banda deseñada de Angoulême. Fálanos do que alí atopou: exposicións, espectáculos, obradoiros... e da presenza de creadores españois nunha carpa patrozinada polo Ministerio de Cultura.

Raquel C. Pico contounos como e cando chegou a pizza a Galicia, unha historia ben interesante!

Alfredo Sellier preséntanos a exposición "Arquitecturas que falan do seu tempo (1849-2024)", que se pode ver no Museo de Belas Artes da Coruña. A mostra recolle as creacións arquitectónicas dos 23 arquitectos que foron e son académicos de número e de honra da Real Academia Galega de Belas Artes de Nosa Señora do Rosario.