Todos os podcast | En xogo motor

Un paseo por máis de 400 anos para a reflexión.Niso consiste a obra 'Deiche os ollos e miraches as tebras' que Irene Solà vén presentar ó Diario Cultural. Acompáñanos tamén a súa tradutora ó galego, María Alonso, da man de Kalandraka.

Abrése ademais o telón para que Afonso Becerra nos fale de 'Roméo et Juliette', adaptación da obra de William Shakespeare no marco da 71ª Temporada Lírica de Amigos da Ópera da Coruña.

A nova edicion do Festival Internacional Galicreques en Compostela promete unha programación familiar e para adultos que mestura bonecos, máscaras e performance para todo tipo de historias. Charlamos deste evento con Rafael Rey Domech, fillo do director Javier Rey e cabeza da compañía Nauta.

Pola súa parte, Eva Mejuto vén falarnos de literatura tanto xuvenil como para adultos: 'Tempo de lagartos', poesía de Carlos Negro e ilustracións de Raquel Senra (Galaxia); e 'Furia', de María Reimóndez, premio Jules Verne (Xerais).

O documental “O Camiño de Ramón Chao” preséntase estes días no Ourense Film Festival. Aborda a traxectoria do xornalista e escritor Ramón Chao e o seu intese pola figura histórica de Prisciliano. Charlamos del co seu director, Aser Álvarez.

Comeza a nova tempada da Orquesta Sinfónica de Galicia e quen mellor para falarnos dela que o seu novo director titular. É Roberto González-Monjas, director e violinista vallisoletano de 35 anos que quere converter os concertos en "experiencias".

toque musical vén da man do noso experto Tito Lesende, co que charlamos de 'Caldo Espírito', o novo disco de Xoel López. Escoitamos tamén a nova canción de Dani Dicostas

e avanzamos o concerto de Casa de Calexico en Vigo o 11 de outubro.

O documental “O Camiño de Ramón Chao” preséntase estes días no Ourense Film Festival. Aborda a traxectoria do xornalista e escritor Ramón Chao e o seu intese pola figura histórica de Prisciliano. Charlamos del co seu director, Aser Álvarez.

Repasando a carteleira, Begoña Vázquez tráenos 'Chinas', de Arantxa Echevarría; 'O exorcista: crente', de David Gordon; e Dispararon ó pianista", de Fernando Trueba e Javier Mariscal.

Comeza a nova tempada da Orquesta Sinfónica de Galicia e quen mellor para falarnos dela que o seu novo director titular. É Roberto González-Monjas, director e violinista vallisoletano de 35 anos que quere converter os concertos en "experiencias".

O outro toque musical vén da man do noso experto Tito Lesende, co que charlamos de 'Caldo Espírito', o novo disco de Xoel López. Escoitamos tamén a nova canción de Dani Dicostas

e avanzamos o concerto de Casa de Calexico en Vigo o 11 de outubro.

'Corentena' sae de xira. David Perdomo e Xose Antonio Touriñán reúnen as historias e personaxes que naceron dos seus perfís de Instagram no confinamento.

Pepe Barro fálanos da exposición 'Cociña de Barro: os cadernos de deseño', unha viaxe de 50 años no deseño.

O noso experto Luís Miguel Crespo fálanos das claves da nova tempada da Real Filharmonía. Chámase 'Migracións' e será a primeira deseñada polo director titular e artístico Baldur Brönnimann.

'Iphixenia na porta do súper' é a versión galega dun texto teatral que aborda os recortes sociais a través do monólogo dunha moza de barrio. Conversamos coa actriz Alba Caneda e coa directora Sara Rey. Estrean este 4 de outubro en Tui e o 22 de outubro no Fiot de Carballo.