Facemos unha previa dos Goya con Moncho Lemos

A escritora Lorena Souto esculca a identidade e a perda, a reconstrución e a linguaxe no libro de poemas de "Exuvia e saliva", publicado por Chan da pólvora

Malores Villanueva comenta ‘Tortura branca’, da Premio Nobel da Paz Narges Mohammadi. No libro, catorce mulleres (a autora entre ellas) comparten as súas experiencias de encarceramento en Irán: acosadas, golpeadas, illadas e privadas de calquera estímulo sensorial.Traducido ao galego por Fe González para Hércules de Ediciones.

Mónica Maneiro comenta a exposición ' Arrieire no camiño Arrieire no lughare se che arrieire morre que camiño has de levare' de Sergio Marey, que pode visitarse na Fundación Granell, en Santiago, ata o 5 de abril.

Treixadura publica novo traballo discográfico. Portalén é un disco que dialoga coa historia do grupo e coa tradición que sempre o acompañou, pero que mira cara adiante con novos camiños sonoros.

Carlos Crespo tráenos ao grovense Dani Cornes, sresidente en Barcelona, que publica o seu segundo disco o 27 deste mes : “Aquí sempre tes casa”, a través de dotbeat.

Andrea Jamardo comenta ’O mundo de Jane Austen’, unha obra de Raquel C. Pico publicada por Sushi Books. O libro aborda de maneira accesible a vida e obra da escritora inglesa e está dirixido tanto a público adolescente coma adulto.

Tamén nos fala do álbum ilustrado ‘Elmer e as baleas’, unha aventura do elefante multicolor creado por David McKee.  A tradución ao galego é de Xosé Manuel González e está publicada por Kalandraka.