Lusofonía, diásporas, culturas indíxenas... e dereitos culturais. Son referencias do festival Maré que congrega máis de 30 artistas en Compostela. E no FIOT estrea de “Berenguela na gaiola” con dirección de Paula Carballeira.

Malores Villanueva comenta dous poemarios unidos pola memoria e a paisaxe:

‘A pintora’, de Lupe Gómez, publicado por Medulia Editorial.

‘Canícula’, de Sofía Ruvira, na editorial Laiovento

Tamén estamos con Dani Gigirey, exfutbolista profesional e actual vocalista da Orquestra Principal. Gigirey gañou A Liga dos Cantantes Extraordinarios no 2023.

Mónica Maneiro comenta «Entre as sombras voltarei acompañado»a segunda exposición individual de Vicente Blanco na galería NÉBOA de Lugo. A mostra forma parte de #ABERTO2025

A entrega dos restos de Francisco Miguel aos seus familiares e a homenaxe na cidade da Coruña son eixo dun outono de actividades arredor das figuras do pintor e de Syra Alonso.

Carlos Crespo trae nas súas ‘descubertas’ a Leticia Rey. A de Vila de Cruces acaba de publicar o disco ‘Danza Luz’, nas súas propias palabras “unha viaxe espiritual de aceptación”que, polo de agora, non está en plataformas

Tamén analizamos a actualidade do Celta na semana da súa estrea na Europa League. Finalmente conversamos con Diego Iglesias, do CJ Cambados, xogador que fixo historia ao marcar o primeiro gol do equipo en Terceira RFEF tras 27 anos sen estar na categoría.

Andrea Jamardo recoméndanos hoxe dúas novelas:

-’Queco e Kica’, de Eva Mejuto, publicado por Edicións Xerais e premio Agustín Fernández Paz de literatura infantil pola igualdade. 

-’A maldición do tesouro da momia’, de Adam Stower, segunda entrega da serie Rei Cuu publicada por Sushi Books en tradución de Estela Villar Nogueira

Nace en Vigo “Sinérxias 430. I Festival Internacional de Música de Cámara”, unha viaxe pola evolución da música de cámara para violín e piano ao longo de máis dun século.

Na sección de motor desta semana o Galicia en Xogo rescatou as declaracións do patrón de Recalvi, Chema Rodríguez, realizadas na canle Rally Cast, tralo Princesa de Asturias. Tamén repasamos a interesante conversa cun mito da montaña galega, Alberto Camba.