Moncho Lemos comenta dúas estreas:

- ‘Parecido a un asesinato’, de Antonio Hernández. Baseada na novela homónima de Juan Bolea, aborda os misterios da conduta humana.

- ‘La sospecha de Sofía’, de Imanol Uribe. Unha de espías que toma como base a novela de Paloma Sánchez-Garnika.do mesmo título

Protagonistas do choque entre Bergantiños e Ourense CF.

O debut de Dro Fernández no Barça con alguén que o coñece moi ben.

Análise do Celta-Paok cun seguidor dos gregos.

A SELIC muda de dirección e de datas. Falamos con Lorena Conde da novena edición. E a revolución das kurdas no documental que Olmo Couto estrea no OUFF.

Malores Villanueva comenta ‘Vista Chinesa’, da brasileira Tatiana Salem Levy. Traducida ao galego por Mercedes Vaquero Granados e publicada por Xerais.  A protagonista sofre unha violación e anos despois cóntallelo aos fillos nunha carta

Tamén conversamos co adestrador da SD Sarriana, Iván Carril; e conectamos cos capitáns do Alondras, que protagonizaron uns dos momentos máis sorprendentes da xornada en Terceira RFEF.

“O que posuímos fala de quen somos”. Mónica Maneiro comenta a exposición de Alberto Ardid ‘Patria unifamiliar’ na galería Trinta de Santiago

O underground como territorio e a palabra que materializa a ollada externa, "Plumass" no novo traballo de Bea Saiáns. E en San Simón o Obradoiro Internacional de Tradución “Con barqueira e remador”.

Carlos Crespo trae ás súas “descubertas o músico coruñés Delasenda, que debuta con ‘La Catedral’, un disco íntimo que reúne 12 cancións en castelán con influencias pop, da canción de autor e mais do afrobeat

Conversamos con Braulio Vázquez, exxogador do Deportivo e actual director deportivo de CA Osasuna. Falamos co exdefensor do Celta Carles Planas, que triunfa na Kings League de Piqué. E analizamos o tropezo do Dépor en Ipurua ante o Eibar.

Andrea Jamardo tráenos unha novela de Antonio Manuel Fraga, ‘Ningunha estrela levará o meu nome’, de Editorial Santillana. A partir dos 14 anos.

Tamén dúas propostas ilustradas:

-‘Que precisa un gato pequeno?, de Natalia Shaloshvili, publicado por Kalandraka.

-’Lola feroz’, de Juan Baquero e Pablo Carreiro, publicado por Cuarto de Inverno