Burela vivirá un sábado cheo de emocións xa dende primeira hora da mañá. O conxunto feminino desputa o primeiro partido polo título ante o Navalcarnero mentres que os rapaces conseguirán o ascenso se gañan ante o Antequera. No día previo falaron con todos os protagonistas no Galicia en Goles. Tamén atenderon ao arrinque da Eurocopa de Alemania, ao rally de Ourense, á previa do Salamanca - Celta C e os moitos torneos de base que se desputarán en Galicia os vindeiros días.

O Gran Peña Celta C fixo valer o factor campo e derrotou ao UD Ourense no partido de volta da final da fase galega polo ascenso a 2ª RFEF. Esta vitoria permítelle ao conxunto celeste clasificarse para a rolda final, na que loitará por ese ascenso ante outro equipo do resto de España. Ademáis no Galicia en Goles deste domingo atenderon á final de Roland Garros, con triunfo do murciano Carlos Alcaraz, que suma o seu primeiro entorchado francés e o terceiro Gran Slam na súa carreira.

O Pazo dos deportes de Riazor volveu vivir unha mañá máxica de hoquei sobre patíns. O Liceo, tras unha prórroga, foi quen de dobregar ao Noia e igualar a dous a serie de semifinais. O quinto e definitivo encontro será na vila catalá o vindeiro martes. Ademáis, nesta mañá dominical, o Galicia en Goles estivo no Campionato Galego de Traíñas en Bueu e no autonómico de BTT en Cuntis.

A Rosaleda permaneceu calada 45 minutos tras unha primeira parte primorosa do Celta Fortuna, que rematou con vitoria provisional dos celestes. Pero a remonta dos andaluces no segundo tempo deixou ao equipo de Fredi Álvarez sen o soño do ascenso. Ademáis, este sábado o Galicia en Goles estivo nos desenlaces da Copa de Ferrol, do Sar, da Deputación de Ourense e nas semifinais de Pontevedra. No polideportivo o Burela masculino achégase ao ascenso e o Cangas mantén a categoría na liga Asobal.

O Pavillón dos Deportes de Riazor acolleu o terceiro partido das semifinais polo título de Liga de hoquei sobre patíns. A vitoria do Liceo ante o Noia permite aos verdes ampliar a serie ata o domingo cando menos, nun cuarto partido no que buscarán igualar a dous a eliminatoria. Ademais no Galicia en Goles atenderon ao Camiño do Futgal, que xuntou na Coruña a persoeiros do fútbol nacional e ao resto da actualidade deportiva galega.

Unha de cal e outra de area para o fútbol galego nesta primeira fin de semana de xuño. O Deportivo goleou en Castalia ao Castellón por dous tantos a catro e proclamouse campión absoluto da 1ª RFEF. Pola contra, o Pontevedra quedou sen ascenso a dita categoría tras empatar a un en Pasarón ante o Betis B e nn ser quen de remontar o resultado adverso da ida. Ademáis, o Rácing de Ferrol caeu pola mínima en Andorra no último partido de liga regular na Segunda división rematando a temporada na décima posición.

A final da eliminatoria galega polo ascenso a 2ª RFEF deu comezo no Couto cun espectacular partido entre UD Ourense e Celta C Gran Peña que rematou con empate a tres goles. O Galicia en Goles matinal estivo centrado neste encontro de ida que deixa todo por decidir para volta que se desputará en Barreiro. Un empate serviríalle ó equipo pontevedrés para superar a eliminatoria gracias á súa mellor clasificación na liga regular.

O sábado o Galicia en Goles centrou a súa atención en dous encontros: a ida das semifinais polo ascenso a 2ª división desputada en Balaídos, con empate a 2 entre Celta Fortuna e Málaga. Ademáis houbo cobertura especial da final da Champions League que gañou o Real Madrid en Wembley ante o Borussia Dortmund. Contouse a festa nas dúas vilas onde naceron os futbolistas galegos do conxunto branco: Curtis (Lucas Vázquez) e Silleda (Joselu Mato). Ademáis este sábado tamén escoitamos a previa das finais da Copa da Costa e o Campionato Galego de BTT en Poio.

Con case dezaseis mil afeccionados no feudo vigués, o combinado de Diego Martínez sucumbiu ante a eficacia panameña, que aproveitou as dúas ocasións que tivo no partido. Na previa, durante e no post partido o Galicia en Goles contou todo o que alí acontecía, dende o himno galego ata os protagonistas da zona mixta de Balaídos

O Deportivo viaxará a Castellón cunha mínima vantaxe para decidir o campión da temporada na Primeira Federación). O cadro coruñés remontou no segundo tempo o tanto inicial dos castellonencos.

Foi o Dépor o que tivo a gran oportunidade para marcar primeiro pero Lucas Pérez perdoou nun penalti que forzara David Mella.

Antes do descanso Douglas Aurelio superaba a Puerto cun lanzamento cruzado. Durante moitos minutos o Castellón foi o equipo que levou o peso do partido diante do Deportivo moi mermado polas baixas.

Pero nun espazo de seis minutos o cadro coruñés conseguiu darlle a volta ao partido. Lucas, no 69, resarciuse cun gran lanzamento desde a frontal. E Pablo Martínez, á saída dun córner no 75, puxo o 2-1.