Galicia está sendo azoutada esta noite por un violento temporal. Os nosos oíntes fan de reporteiros para comentarnos as súas incidencias.

Se hai un rito popular en toda Galicia é o de ir á feira cata-lo polbo. Hoxe pedímoslles aos oíntes que nos falen de como lles gusta a eles toma-lo polbo e que nos conten os trucos que empregan para cociñalo. Con Pepe Capelán falaremos deste rito e de lendas transmitidas oralmente no noso país.

A raiz dos incidentes provocados na Coruña por siareiros ultras do equipo do Malaga propoñémoslles aos oíntes falar da violencia no fútbol. Ademáis preguntámoslles que farían se soubesen que só lles queda un día de vida.

Isi Rodríguez está disposto a que coñezamos mellor algunhas das persos que marcaron época. Hoxe fíxase na vida de Xaime I "O conquistador". Os oíntes cóntannos que persoaxe histórica é a súa favorita, a quen gustarían de coñecer en persoa.

Estes dias os medios de comunicación están saturados de noticias sobre a guerra: Oriente Medio, Ucraína, Sudán, o Sahel... Preguntámoslles aos oíntes e están preocupados por esta escalada bélica, se eles tiveron algunha experiencia na guerra, se traballan pola paz ou pedìmoslles que nos conten as súas vivencias da posguerra española.

Cada ano diagnostícanse en Galicia máis de seis mil casos de alzheimer. Hoxe esta enfermidade protagoniza o programa. Conversamos coa directora da Asociación de Familiares de Enfermos de Alzheimer e outras Demencias, Elena Vázquez.

A romaría de Santa Minia de Brion estivo este ano rodeada de polémica pola estrea da nova imaxe da martir, representada agora con cara sorrinte que evoca unha boneca repoluda. Hoxe trasladamos o debate á nosa audiencia. Pepe Capelán traenos os misterios de San Andrés de Teixido e tamén falamos da recuperación do IVE dos alimentos básicos.

Sabían que cada ano morren no estado mías de cento vinte mil persoas a causa de doenzas cardiovasculares? Tres de cada catro deses falecementos poderían evitarse evitando prácticas de risco como fumar. Preguntamos pola saúde dos nosos corazóns e tamén polas persoas que o enchen ou as cousas polas que segue latendo. Ademáis, o noso colaborador Andrés Breijo axúdanos a saber cal é a potencia eléctrica que debemos contratar na nosa casa