Isi trae ao programa a súa particular clasificación dos "seres vivos máis intelixentes". A audiencia tamén da a súa opinión e cóntanos hiostorias de "pillos", dinos de quen aprenderon máis e se é mellor parecer parvo que fachendear de intelixente.

O goberno estuda rebaixar a taxa máxima de alcohol en sangue permitida para conducir un vehículo. O secretario da Asociación Provincial de Autoescolas de Pontevedra, Andrés Bugallo, explícanos esta medida. Os oíntes cóntannos a súa opinión. Ademáis seguimos debatendo sobre a conveniencia de prohibir o consumo de tabaco en espazos recreativos ao ar libre.

de acordo con esa restrición? Ademáis recibimos ao astrónomo Óscar Blanco para que nos fale da "superlúa" de setembro e do eclipse parcial que se puido apreciar esta noite.

Disque o 12 por cento dos ingresos hospitalarios débense a un uso incorrecto dos medicamentos. Preguntámoslle aos oíntes se se automedican e se coñecen algún caso de problemas causados polo abuso de medicinas. Pepe Capelán traenos o conto "Os tres consellos" e iso sérvenos para falar sobre o hábito de darlle consellos aos demáis

Un de cada cinco galegos declara sentirse só. En "Pensando en ti" loitamos contra a soidade ofrecéndolle a nosa compaña aos oíntes. Neste programa convidámolos a falar das celebracións familiares. Estase esaxerando a montaxe das festas de aniversario, as comuñóns, as vodas...? Son demasido aparatosas? Moitos convidados? Como eran antes estas celebracións?

Venres 13, dia que algúns consideran que trae mal fado. Falamos de supersticións na compaña de Isi, que segue elaborando a súa listaxe dos lugares de Galicia que é imprescindible visitar.

Hoxe visita o programa a nutricionista Susana Rodríguez para expicarnos cal é a mellor forma de alimentarnos. Cos oíntes falamos de dietas, de "gordofobia" e das súas preocupacións por acadar un peso "ideal"

Raquel Rosa convida aos oíntes a expoñe-las súas lembranzas escolares. Como era a volta ao colexio tralas vacacións? Houbo algún profesor que marcara a súa vida? Supón un gasto importante o comezo do curso?