Rætt er við Lárus Jóhannsson eiganda verslunarinnar 12 tónar um tónlistarútgáfu risann Deutche Grammophone en tvær nýjar plötur með íslenskum tónlistarmönnum komu út í gær á vegum fyrirtækisins. Diskur Víkings Heiðars Ólafssonar, þar sem hann leikur verk eftir Debussy og Rameau, og verk Jóhanns Jóhannssonar Last and first men. Í þættinum hljóma einnig verk eftir Önnu Þorvaldsdóttur, Hildi Guðnadóttur og fleiri listamenn sem eru á samningi hjá Deutche Grammophone og einnig verk af Bach diski Víkings Heiðars og Bach reworks diski hans.

Í þættinum er rætt við Önnu Guðnýju Guðmundsdóttur píanóleikara, sem hefur verið einn eftirsóttasti meðleikari landsins í áratugi. Hún ræðir ferilinn og listina að leika með öðrum. Umsjón: Arndís Björk Ásgeirsdóttir.

Hjálmar H. Ragnarsson samdi nýverið partítu fyrir einleiksfiðlu sem átti að frumflytja á dögunum en ekki varð af vegna samkomubanns. Rætt er við Hjálmar, sem er nýkominn úr tveggja vikna sóttkví, um tónlist sem til verður úr engu og er ekki um neitt. Um listina í dag sem hefur merkimiða og um skapandi listferli og hugleiðingar um sköpunarferli tónskáldsins. Einnig um listina hvernig hún endurspeglar samtíman og hvernig hún verður að engu ef henni er ætlað það hlutverk.

Rætt er við Bjarna Frímann Bjarnason aðstoðar hljómsveitarstjóra SÍ og tónlistarstjóra íslensku óperunnar um líf tónlistarmannsins á dögum veirunnar - þögnina og fleira.

Í þættinum er sjónum beint að horninu sem hljóðfæri. Rætt er við Stefán Jón Bernharðsson leiðara horndeildar Sinfóníuhljómsveitar Íslands. Hann segir m.a. frá álaginu sem fylgir því að spila hornsóló og áfallinu sem hann varð fyrir þegar hljóðfærið hans varð fyrir miklu hnjaski í síðasta mánuði.

Í þættinum er fjallað um atvinnutengda sjúkdóma og álagsmeiðsl hljóðfæraleikara. Rætt er við Unu Eyþórsdóttur mannauðsstjóra Sinfóníuhljómsveitar Íslands, Sigrúnu Grendal formann félags kennara og stjórnenda í tónlistarskólum og Kára Árnason sjúkraþjálfara.

Í þættinum er farið í heimsókn í verslunina 12 tóna á Skólavörðustígnum og rætt við Lárus Jóhannesson um breytingar sem nýverið voru gerðar á versluninni og fleira.

Tónlistarhópurinn Umbra í sófaspjalli við Arndísi Björk Ásgeirsdóttur.