Í þættinum verður semballinn skoðaður í sögulegu samhengi með aðstoð Guðrúnar Óskarsdóttur semballeikara.

Veist þú hvað kontrapunktur er ? Í þættinum er rætt við Guðmund Hafsteinsson tónskáld sem útskýrir fyrirbærið og einnig hljóma viðeigandi tóndæmi.

Stórsveit eða Lúðrasveit - hver er munurinn. Farið yfir sögu þessara fyrirbæra með aðstoð Sigurðar Flosasonar stjórnanda Stórsveitar Reykjavíkur og Rúnari Óskarssyni stjórnanda Lúðrasveitar Hafnarjarðar.

Í þættinum verður kíkt á æfingu hjá íslensku óperunni sem frumsýnir óperu Giuseppe Verdis La Traviata 9. mars. Rætt er við nokkra aðstandendur sýningarinnar, hljómsveitarstjóra söngvara, kórstjóra, Steinunni Birnu Ragnarsdóttur óperustjórna og fleiri og púlsinn tekinn á stemmningunni þegar svo stutt er í frumsýningu.

Má bjóða þér harmóníum eða pípuorgel - farið í heimsókn í Tónlistarsafn Ísland og rætt við Bjarka Sveinbjörnsson um sögu harmóníum-orgelsins á Íslandi og í Hallgrímskirkju til Björns Steinars Sólbergssonar organista og fræðst um orgelleik og Klaus orgelið í kirkjunni. Umsjón: Arndís Björk Ásgeirsdóttir.

Í þessum þætti verður lagt á djúpið og kontrabassinn dýpsta hljóðfæri strengjafjölskyldunnar rannsakaður - Rætt verður við bassaleikarana Borgar Magnason og Báru Gísladóttur og einnig hljóma brot út leikritinu Kontrabassinn eftir Patrik Suskind. Lesarar í þættinum eru Einar Örn Jónsson, Gunnar Hansson og Þröstur Helgason.

Umsjónarmaður bregður undir sig betri fætinum og fer í heimsókn til Ingibjargar Björnsdóttur listdanskennara og fær fræðslu um barokkdansa.

Í þáttaröðinni Tónlist frá A - Ö rannsakar Arndís Björk Ásgeirsdóttir leyndardóma tónlistarinnar með aðstoð sérfræðinga.