Í síðstu viku frættist, at Sersambandið fyri súkkling og triatlon hevur gjørt avtalu við Torkil Veyhe um at gerast venjari hjá landsliðunum í súkkling og triatlon.

Avtalan millum partarnar er í fyrstu atløgu galdandi fram til árslok 2027, og stóra málið er at fáa góð úrslit í júst 2027, tá Oyggjaleikirnir verða hildnir í Føroyum.

Finnur Koba hevur hitt Torkil Veyhe, sum sjálvur bæði hevur roynt seg sum professionellur súkklari og hevur vunnið gull á oyggjaleikum.

Hann spurdi hann millum annað, hvussu samstarvið við súkklusersambandið er komið í lag.