Axier Sukia (@sukigalp), Iban Perez (@piban) eta Egoitz Lizasok (@elizaso) Italiako Giroa 2012ko lehen asteari errepasoa egiten diote. Bertan faborito nagusiak, esprinterrak eta euskaldunen inguruko azterketa egiten dute. Era berean aste berri honek ekarriko digunaz ere hitz egiten dute.

Axier Sukia (@sukigalp), Raul Perez (@raulperezmartin) eta Egoitz Lizasok (@elizaso) Italiako Giroa 2012ko lasterketaz aritzen dira podcast honetan, bai ibilbideaz baita txirrindulariez ere. Raulek bere ibilbidearekiko kritika egiten du gainontzekoek zer ikusia dagoela dioten arren. Tropelako kinielarako iritziak ere plazaratzen dituzte.

Eneko Garate (@egarate), Iosu Garate (@iosugarate) eta Egoitz Lizasok (@elizaso) 2012ko Ardenetako Hirukotearen inguruko podcasta. Bertan Amstel Gold Race, Flechè Wallonne eta Liège-Bastogne-Liège lasterketan ibilbideaz eta faborito zein ikusten dituzten kontatzan dute, batez ere Tropelako kinielari begira.

Eneko Garate (@egarate), Iosu Garate (@iosugarate) eta Egoitz Lizasok (@elizaso) Euskal Herriko Itzulia 2012ari errepasoa egiten dioten podcasta. Bertan podiumean izan diren Samuel Sanchez, Joaquin Rodriguez eta Mollemaz gain, beste zenbait txirrindulariren inguruan aritzen dira. Ibilbidearei ere errepasoa egiten diote, batez ere azken erlojuaren kontrako saioari. Tropelako lehiaketak ere bere tartea du.

Eneko Garatek (@egarate), Raul Perezek (@raulperezmartin) eta Egoitz Lizasok (@elizaso) Euskal Herriko Itzulia 2012ko ibilbidea eta txirrindulariei errepasoa egiten diete. Horretaz gain igandean jokatuko den Flandriako Tourrari ere bere tartetxoa egin diote klasiko handia izaki. Nola ez, Tropelako kinielarako zein aurreikuspen dituzten azaltzen dute.

Eneko Garate (@egarate), Axier Sukia (@sukigalp) eta Egoitz Lizasok (@elizaso) 2012ko Paris-Nizaren inguruko errepasoa egiten dute. Euskal txirrindulariek izan dute aktuazioz ere aritzen dira. Horretaz gain Tropela.net-eko lehiaketako lehen hiru sailkatuen kinielak aztertzen dira.

Iban Perez (@piban), Iosu Garate (@iosugarate) eta Egoitz Lizasok (@elizaso) Paris-Niza 2012ko ibilbidea eta txirrindularien inguruan aritu dira podcast honetan. Aurtengoan erlojuaren kontrako bi etapa, bat motza eta bestea krono igoera izango dituela aipatzen da, iazkoaren ezberdina. Horretaz gain esprinterrentzat etapa gutxi daudela, garbia behintzat bakarra.

Eneko Garate (@egarate), Axier Sukia (@sukigalp) eta Egoitz Lizaso (@elizaso) Contador auziaren epaiaren inguruan mintzo dira podcast honetan. Dakizuen moduan 2 urteko zigorra ezarri diote Pintoko txirrindulariari. Zeresan handia eman duen epaia izan da eta hori da podcast honetan aztertzen dena.

Eneko Garate (@egarate), Axier Sukia eta Egoitz Lizasok (@elizaso) Kopenhagen jokatuko den Munduko Txapelketaz aritzen dira. Zehazki asteazkeneko erlojuaren kontrako saioa eta igandeko errepidekoaz, izan ere hauek izango baitira Tropela.net-eko lehiaketan puntuagarri.

Eneko Garate (@egarate), Raul Perez (@raulperezmartin) eta Egoitz Lizasok (@elizaso) Vueltako bigarren atseden egunaren aurreko bost etapei errepasoa egiten diete. Euskaldunak ere nola aritu diren aipatzen dute, batez ere etapa garaipenaren bila eta azken astean etor daitekeelakoan dira. Sailkapen nagusia ere errepasatzen dute eta Cobo, Froome eta Wiggins podiumeko partaideak izango direla nahiko ziurtzat jotzen dituzte