Axier Sukia, Iosu Garate (@iosugarate) eta Egoitz Lizasok (@elizaso) Tourreko 16. etaparen kronika egiten dute podcast honetan. Ezer gutxi espero zen etapa honetan gauza asko gertatu dira eta guztiak izan dituzte aztergai. Hushovdek 2. etapa garaipena lortu du aurtengo Tourrean, baina Contadorrek azken haste honen hasieran indartsu dagoela erakutsi du. Ikuskizuna izango dugula dirudi azken aste honetan.

Iosu Garate (@iosugarate) eta Egoitz Lizasorekin (@elizaso) batera gonbidatu berezia izan da Tourreko 2. atseden egun honetan solaskide podcast honetan: Amets Txurruka.

Ametsek Tourrean izan duen lesioaz eta esperientziaz hitz egin digu, baita Euskaltel taldea nola izan den. Faboritoen inguruan ere aritu gara eta podiumeko hirukoa aurreratzen ere ausartu dira hiri hizlariak.

Iosu Garate (@iosugarate) eta Egoitz Lizasok (@elizaso) Tourreko 15. etapa honen kronika egiten dute podcast honetan. Gaurko etapa trantsizio etapa bat izan da Pirinioetatik Alpeetara bidean. Esprintean erabaki da eta Cavendish izan da garailea, 4. aldiz aurtengo Tour honetan. Maillot berdearen lehiaz ere aritu dira Cavendish beraz gain Rojas eta Gilbert ere oso lehiakor ikusten baitira sailkapen horren buruan amaitu asmoz.

Axier Sukia eta Egoitz Lizasok (@elizaso) Tourreko 14. etaparen kronika egiten dute podcast honetan. Pirinioetako azken etapa izan da gaurkoa eta garaipena Vanendertek lortu du. Faboritoak mugitzea espero zen baina ez da horrelakori izan. Euskaldunei dagokionez, aipamen berezia Gorak Izagirre, Ruben Perez, Xabier Zandio eta Haimar Zubeldiari

Eneko Garate (@egarate) eta Egoitz Lizasok Tourreko 13. etaparen kronika egiten dute podcast honetan. Munduko txapelduna izatearen madarikazioa Hushovdekin amaitu dela azpimarratzen dute Norvegiarra izan baita etapa garailea eta bikain baitabil aurtengo Tourrean. Roy eta Gilberten lanak mendiko eta erregulartasun mailloten duten lehiekiko ere aipatzen dituzte. Euskaldunei dagokionez, berriz, Haimar Zubeldia euskaldunen artean indartsuenak etapa garaipenen bat lor dezakeela uste da.

Iosu Garate (@iosugarate) eta Egoitz Lizasok (@elizaso) Tourreko 12. etaparen analisia egin dute. Etapa hau Pirinioen hasierako etapa zen eta faboritoen arteko borroka ikusiko zela espero zen. Hala ere ez da espero zen borroka izan eta nola Samuel Sanchezek denbora nahikoa galdua zuen sailkapen nagusian, horri esker Euskaltel-Euskadi taldeak garaipena lortu ahal izan du. Hau eta gehiago podcast honetan.

Podcast honetan Eneko Garate (@egarate), Axier Sukia eta Egoitz Lizasok (@elizaso) hartu dute parte. 11. etapa esprintean amaitu da eta Cavendish nagusitu da. Hala ere, 12. etapa garrantzitsuari begira, lehen goi mailako mendateak igaro beharko baititu tropelak, beraien hausnarketak plazaratzen dituzte. Euskaldunen artean Ruben Perez eta Pablo Urtasun nabarmendu dituzte eta Tropelako sailkapenari ere errepasoa eman diote.

Iosu Garate (@iosugarate), Raul Perez (@raulperezmartin) eta Egoitz Lizasok (@elizaso) 2011eko Tourreko 10. etaparen kronika egiten du podcast honetan. Esprintean jokatu zen etapan Greipelek lortu du azkenean Cavendishen aurretik helmugaratzea eta etapa irabaztea.

2011ko Tourreko lehen atseden egunean Iosu Garate (@iosugarate), Eneko Garate (@egarate) eta Egoitz Lizasoz gain (@elizaso), gonbidatu berezi moduan David Etxebarria (@davidetxebarria) aritu da Tourreko lehen asteak eman duenaren inguruan. Gai nagusiak erorketak, euskaldunak, faboritoak eta "alde ilunak" (Flecha eta Hoogerland harrapatu zituen autoaren gertakaria eta Kolobneven ustezko positiboa) aztertu zituzten.

Iosu Garate (@iosugarate) eta Egoitz Lizasok (@elizaso) podcast honetan Tourreko 9. etapan izandakoak komentatzen dituzte. Bertan Luis Leon Sanchezen garaipena eta nola Voeckler lider jarri den komentatzen dute. Gertakari larri moduan Vinokourov eta Van den Broecken erretiratzeak, eta larriena auto batek nola Flecha eta Hoogerland errepidetik bota dituen aipatzen dute kalte handiak eraginez.