Туох сонун?

Үһүс эпизодпутугар стереотиптарга сыһыаммыт туһунан кэпсэттибит. 

Үһүс подкастпытыгар стереотиптарга сыһыаммыт туһунан кэпсэттибит. Кыыс ыйдааҕыта кэлэригэр кыбыстыахтаах дуо? Кыыс уолга бастакынан суруйуон сөп дуо? Дьону кытта доҕордоһор улааттахпыт аайы ыарыырын уонна да атын тиэмэлэргэ санаабытын үллэһиннибит. Ону таһынан түмүккэ буоларын курдук "типсыларбытын" (сүбэлэрбитин) кэпсээтибит.

Биһиэхэ боппуруос ыйытыаххытын сөп, аныгыс подкастка эппиэттиэхпит.

Иккис подкастпытыгар тас дойдуга үөрэх тула кэпсэттибит. Ханнык программа нөҥүө үөрэммиппитин, мотивационнай сурукка тугу суруйбуппутун, общага уонна университет туһунан санааларбытын үллэһиннибит. Ону таһынан тас дойдуга үөрэх уонна учууталлары кытта сыһыан уратытын таарыйдыбыт. Паша Норвегияҕа уонна Кытайга, онтон мин эмиэ Норвегияҕа үөрэммит опыттарбытын санаатыбыт. Бу подкаст устудьуоннарга олус туһалаах буолуо диэн эрэнэбит. Интэриэһинэй буоллаҕына мотивационнай суруктарбытын, университет, общага олоҕо хайдаҕын ыстатыйа курдук суруйан, хаартыскалаан угуохпут.

@pashabochkareva

@anastasolonkho 

Приветтарын! Бу биһиги Паша уонна Настя бастакы подкастпыт. Биир күн Паша миэхэ подкаст устуохха диэн суруйбутугар, тута сөбүлэһэн, үһүс төгүлбүтүттэн устан таһаардыбыт. Паша Румынияҕа, Яссы куоратка үөрэнэ сылдьар, мин Дьокуускайга үөрэнэбин уонна үлэлиибин. Телефон нөҥүө кэпсэтэр уонна чаһыыбыт араас буолан ыарахаттары көрүстүбүт, ол эрээри туох барыта үс төгүллээх, онон үһүс кэпсэтиибит табылынна быһылаах. Икки инники подкастка мин Исландияҕа, Эд Ширан кэнсиэригэр сылдьыбытым, Паша Румыния, Молдавия устун айаннаабытын тула кэпсэппиппит. Онтон табыллыбыт үһүс подкастпытыгар олоххо көрүүбүт, билигин тугунан дьарыктанарбыт туһунан кэпсэттибит.