Aşgabat şäherinde ýerleşýän “Türkmenbaşy” tekstil kompleksiniň işgärleriniň ençemesi özleriniň ýanwar aýy üçin zähmet haklarynyň heniz-de berilmeýändigini, indi üç hepdä golaý wagt bäri gijikdirilýändigini aýdýar. Kompleksiň wekili muny ret edýär.

Türkmenistanda golaýda geçirilen köpçülikleýin ýokary derejeli kadr çalşygyndan soň, ýurduň iri sebitleriniň döwlet edara-kärhanalarynda Aşgabatdan gelen ýörite toparlar barlag geçirip başlady.

Ahalda ene-atalara çagalarynyň metjitlere gatnamagynyň we namaz okamagynyň öňüni almak tabşyrylýar. Bu aralykda, Lebapda käbir polisiýa işgärleriniň çagalaryň ýaremezan aýdyp ýygnan pullaryny ellerinden almagy bilen bagly wakalaryň bolandygyny ýaşaýjylar we polisiýadaky çeşmelerimiz aýdýarlar.

Geçen hepdäniň aýagynda Türkmenistanyň günorta-gündogar sebitlerine gelen güýçli tozanly ýel sebäpli onlarça ýaşaýyş jaýy, ekin meýdanlary zeper çekdi, ençeme adam ýaralandy. Ahal, Lebap, Mary welaýatlarynyň köp ýerlerinde sagatlap hojalyklaryň elektrik üpjünçiligi kesildi.