Türkmenistanda ýerli häkimiýetleriň öz arz-şikaýatlaryny kanagatlandyrmaýandygyny aýdyp, raýatlaryň köpçülikleýin häsiýetde welaýatlardan Aşgabada, prezident köşgüne gelmegi bilen bagly wakalar göz-görtele köpeldi. Bu barada Azatlyk Radiosynyň habarçysy 13-nji fewralda paýtagtdan maglumat berdi.

Lebap welaýatynyň polisiýa işgärlerinden özlerine berkidilen patrul ulaglaryny öz maddy serişdeleriniň hasabyna abatlamak talap edilýär. Polisiýa işgärleriniň ençemesi ýolbaşçylaryň özlerine ulaglary ilata jerime ýazmak ýa-da olardan para almak arkaly bejertmegi maslahat berendigini aýdýar.

Türkmenistanda dowam edýän ykdysady kynçylyklaryň çuňlaşyp, ilatyň güzeran eklenjiniň agyrlaşmagynyň arasynda, metjitlerden kömek soraýan raýatlaryň sany göz-görtele köpeldi. Din wekilleri hökümetiň jezalandyrmalaryndan howatyrlanyp, bu raýatlara köplenç kömek berip bilmeýändiklerini aýdýarlar.

Ýylda millionlarça düýp agaç nahallary ekilýän Türkmenistanda häkimiýetler baglary suwarmak üçin çykdajylary býujet işgärleriniň üstüne ýükleýär diýip, edara-kärhanalaryň işgärleri aýdýar. Olar munuň sebäbini özlerinden baglary suwarmak üçin nobatdaky gezek pul ýygnalýandygy bilen düşündirýärler.

Aşgabat şäherinde we Mary welaýatynda häkimiýetler nikotinli pastilkalaryň söwdasyna garşy gözegçiligi güýçlendirip, reýdleriň ençemesini geçirdiler. Kanun goraýjy edaralardaky çeşmelerimiziň birnäçesi bu reýdleriň çäginde şeýle pastilkalaryň ýüzlerçe gutusynyň ele salnandygyny aýtdy.

Türkmenistanda ilatyň hökümetçi mollalara we il ýaşulularyna aç-açan gaýtawul bermegi bilen bagly wakalar ozal görlüp-eşidilmedik derejede artdy diýip, bu ýagdaýlara şaýat bolan ýaşaýjylaryň we synçylaryň ençemesi aýdýar. Bu barada Azatlyk Radiosynyň habarçylary 10-njy fewralda maglumat berdiler.

Aşgabatda sungat işgärleriniň we sosial ulgamlarda köp sanly followeri, ýagny yzarlaýjysy bolan bloggerleriň köpüsinden daşary ýurtlardaky türkmen aktiwistleriniň çykyşlaryna garşy maglumatlary paýlaşmak talap edilýär. Bu ýagdaýlar barada Azatlyk Radiosynyň paýtagtdaky habarçysy maglumat berdi.