Balkan welaýatynyň Bereket we Gyzylarbat etrap hassahanalarynda hem-de etrap-oba saglyk öýlerindäki şertler we hyzmatlar näsaglary iňňän alada goýýar. Howanyň temperaturasy gijelerine 0 gradusa çenli aşaklaýan şu günlerde bu saglyk edaralarynda ýyladyş ulgamlary kadaly işlemeýär.

Balkan welaýatynda şu aý Aşgabatda geçiriljek futbol ýaryşyna tomaşaçy bolup gatnaşmaly edilen býujet işgärleri, talyplar we okuwçylar ýörite futbolkalary satyn almaga mejbur edilýärler. Bu ýagdaýlar barada Azatlyk Radiosynyň habarçysy 2-nji fewralda sebitden maglumat berdi.

Lebap welaýatynda döwlet we hususy eýeçilikdäki jemgyýetçilik transport serişdeleriniň ýol kireý nyrhlary birden 200%-e çenli ýokarlandy. Onlarça ýaşaýjynyň nägilelik protestini bildirmeginiň yz ýanynda, käbir döwlet awtobuslarynyň kireý nyrhlary gaýtadan arzanladylyp, öňki bahasyna getirildi.

Lebap welaýatynyň Türkmenabat şäherindäki “Akja” sabyn zawodynyň işgärleriniň ençemesi özleriniň ýylda birnäçe gezek tölegsiz zähmet dynç alşyna ugradylýandyklaryny aýdyp, muňa nägilelik bildirýär. Bu barada işgärleriň ençemesi Azatlyk Radiosynyň sebitdäki habarçysyna maglumat berdi.

Türkmenistanyň günorta-günbatar sebitlerinde dem alyş ýollarynyň keselçiligi ýaýraýar. Lukmanlaryň ençemesi ýiti dümew alamatlary bilen geçýän hassalyga ýolugan gartaşan adamlaryň arasynda ölüm hadysalarynyň hasaba alynýandygyny aýdýar.